Đài truyền thanh – tiếp phát truyền hình huyện Bác Ái dahlau deih lac di rayo papar sap papar binguk Ninh Thuận daok dalam huyen bhum ceik Bác Ái. Tal bilan 4/2016, Ủy ban bhap bini tỉnh Ninh Thuận jao ka Ủy ban bhap bini huyện Bác Ái khik iek. Labik ngak kan kandah, min urang dang akaok Đài, phóng viên, biên tập viên hu rilo kham merat dalam bruk padang ngak dom danak phát thanh, tiếp phát truyền hình duh ka bhap bini dalam huyện. Dom thun tapa, Đài Truyền thanh – Tiếp phát truyền hình Bác Ái tuk halei jeng lac sa dalam dom labik ba kaok nao dahlau dalam bruk pakacah di gah Phát thanh – truyền hình di tỉnh. Lac Đài huyện duy nhất di tỉnh Ninh Thuận saong bhum tapen tasik gah kreh negar papar dua sap phổ thông saong Raglai angaok riyak lingik di puk palei.

Yaom lac, urak ini Đài daok hu 3 biên chế, min yaok harei dom biên tập viên saong phóng viên di labik ini jeng ngak sa danak dak papar sap atah 60 minit. Dalam nan danak dak sap phổ thông di dom harei som, but suk, saong ngak 3 danak dak sap Raglai di dom harei ngar, jip, car, adit lac danak dak pataom iek veik dom khau tin dalam adit. Dom danak dak hu rilo urang pang, urang maong taong yaom glaong, dalam nan hu dom kadha yau: Pren yava ka menuac sia, Karja saong hukum, Ba sarak tame raidiuk saong Bác Ái palei dahlak…

  Sap bo mikva bahrau pang nan lac nhạc hiệu saong panuac ba danak dak di sa-ai Cha – Ma – lé – a Hà,  phát thanh viên gam lac biên tập viên di danak dak papar sap Raglai Đài Truyền thanh – tiếp phát truyền hình Bác Ái. Danak dak ini dak harei dak hu rilo urang pang đài lac bhap bini Raglai takre pang. Tapa dom danak dak di đài, bhap bini thau cambaih hu dom bruk daok rah tabiak vil val drei. Thau saong ngak njauk tui dom adat hukum di Karja saong ba gauk padang jalan diuk rai siam mekre, khang kajap. 
    Amuk Mẫu Thị Bích Phanh daok di palei Ma Hoa, xã Phước Đại, huyện Bác Ái lac sa dalam dom urang bhian pang, bhian maong Đài truyền thanh – tiếp phát truyền hình Bác Ái brei thau

“Harei ngar, jip, car hu danak dak sap Raglai. Danak dak papar sap di Đài hu khau tin, bloh hu kadha vak ka kreih camin urang siam, bruk siam. Bloh hadei di nan hu danak dak daoh takơ. Tapa danak dak, mikva thau hu dom bruk dalam huyện, saong mboh chreih chrai tuk hu pang dom kadha daoh…mikva dalam huyện uan tabuan lô.”

Lingiu bruk pathau khan dom sarak di Đảng saong hukum di Karja, ngak tui tacei pato di huyện ủy, Ủy ban bhap bini huyện Bác Ái, di Ban Giám đốc Rayo papar sap papar binguk Ninh Thuận, dom phóng viên, biên tập viên di labik ini daok bhian ngak tin, bài, kreih camin urang siam, bruk siam, tacei pato ilamu pala drak, raong glang saong dom kadha karei daok rah tabiak dalam huyện Bác Ái…piah pambuak bruk ba tabiak angaok Rayo papar sap, papar binguk Ninh Thuận. Urak ini, dom kadha bo urang ngak tabiak hu nao tal bhap bini biak samar saong kein laba di abih. Nan jeng lac bruk pachreih ba ka dom phóng viên, biên tập viên di Đài kham merat ngak rilo danak dak jang, kak kajap saong danak dak. Sa-ai Cha –ma –lé –a Hà – biên tập viên di Đài khan lac:

 "Ngak bruk di Đài Bác Ái jaik 10 thun ini mai, gam ngak tin bài ka Đài huyện, gam pambuak bruk haong rayo papar binguk tỉnh nhak danak dak ppar sap, papar binguk sap Raglai. Bruk rilo, min dahlak kham merat ngak siam, brei thau ka raidiuk, bruk ngak mbang ngak huak di mikva. Pathau khan dom sarak di Đảng, hukum di Karja tal bhap bini, meng nan, bhap bini thau, bloh kham merat yam tagok dalam raidiuk. Mboh hu bruk nan, yaom lac bruk glaih glar min biak bui sambai.”

Urak ini, Đài truyền thanh – tiếp phát truyền hình huyện Bác Ái daok phát 2 máy phát hình hu công suất yaok máy lac 300W (oát), phát angaok kênh 10 saong 12 saong 1 máy phát thanh FM công suất 200W,  pabak riyak papar sap saong papar binguk tal labaih 90% labik dalam huyện. Kuhria rah tapa yaok thun tiếp phát labaih 17.000 tuk papar binguk saong 2.700 tuk papar sap. Taphia nan, daok hu đầu tư Camera kỹ thuật số, máy ghi âm kỹ thuật số, Internet gam saong rilo janih karei piah pabak bruk ngak di bhum ceik, pabak hatai caong di urang pang, urang maong Đài urak ini.

Sa-ai Nguyễn Vĩnh Phú – Trưởng Đài truyền thanh – tiếp phát truyền hình huyện Bác Ái brei thau :

          "Hadei di tuk  Đài hu jao ka huyện Bác Ái ye biên chế jeng takik, oh samu meteh dut saong dahlau. Min lac bruk chính trị jeng kham merat ngak. Danak dak sap bnagsa bo kol dahlak tuk peih tabiak ye mikva taong yaom glaong. Tapa danak dak papar sap ye mikva gam nao ngak puh gam ba tui Radio, nan ye biak lagaih jang dut saong dom janih pang, iek karei karei. Kol dahlak uan tabuan lac pren yava kol dahlak tuh tabiak hu nao tal tangi urang pang."     

Tui jalan ngak lac tacei jalan ka menuac sia, tacei pato ka bhap bini, Đài Truyền thanh – tiếp phát truyền hình Bác Ái daok pakhang, pasiam saong salih bahrau piah pabak bruk di urak ini. Chất lượng dom danak dak papr sap jeng daok hu ngak brei paglaong piah samar brei thau dom bruk chính trị - thời sự, dom sarak, adat hukum di Đảng saong Karja, dom jalan ngak di Huyện ủy, Hội đồng bhap bini, Ủy ban bhap bini huyện Bác Ái. Lingiu di nan, daok patui jalan pathau khan, pambak praong dom bruk siam, dom urag siam dalam raidiuk, dalam dom bruk dak padang saong cakrok patagok kinh tế - xã hội, khik ramik an ninh trật tự di puk palei./.