Hu padang tagok dalam tukvak rilo kan kandah di chiến khu dalam dom thun 1960 tuk Mặt trận bangsa peih paha gah meraong negar tabiak rai, rayo paparsap Giải phóng tagok riyak di bilan 2/1962 saong hu ngak blaoh bruk hadah hadai di harei 31/8/1976. Dalam luac tukvak nan, yaom lac kol khamang duah jalan paralai, min meng hatai quả cảm, sáng tạo, rayo paparsap Giải phóng jeng khik kajap riyak lingik, jeng ayut sahabat daok jaik taphia, jeng labik caik hatai jia, pachreih ba praong ka dom tapon nyom bol pan phao kraong bhapbini gah meraong negar. Dom thun bilan oh var hu di rayo paparsap Giải phóng hu vak veik dalam kadha vak ala ini di Ngọc Xuân, urang vak di rayo sap ndom Viet Nam daok di ban raya HCM:

-Thun ini umo jaik 90 thun, ông Võ Văn Tòng, dahlau diah ngak Trưởng phòng phát xạ - rayo paparsap Giải phóng jeng daok hadah hatai. Ông drut drui hadar veik: bilan 7/1960, ông saong ông Ba Bông taduan lệnh di Xứ ủy Nam Kỳ pandar padang rayo paparsap, kayua tukvak ini cách mạng gah meraong negar daok salih tapa tukvak barau, njauk hu sap ndom piah pathau khan, jak ba praong dalam bhapbini. Pang bloh tacei pato tapak di ông Nguyễn Văn Linh, Bí thư Xứ ủy Nam Bộ, dua urang dang gindang kayua duh hatai, kayua di tukvak nan tok hu sa mỏ hàn, 1 đồng hồ dut điện, hasit điện trở piah ramik pasiam đài điện báo...Min, meng hatai sahaneng “ Đảng caong lac njauk ngak, diuk metai jeng njauk ngak hu bruk”, dua ông ginum saong gauk, samar roh duah, thiết kế, tagok bản vẽ piah padang mac papar riyak paparsap. Ông Tòng hadar veik tukvak sajarah di 19 tuk harei 1/2/1962, tuk sap ndom di Mặt trận bangsa peih paha gah meraong negar papar nao grauk labik dalam negar: Tuk nan dahlak brei papar bãi ăng ten praong tabiak yau sa trảng nhỏ kreih glai, geng ăng tên padang tagok glaong hu ngụy trang, hu rỏ rẻ piah katung tagok katung trun, tuk kol kha mang duah iek ye palao trun. Min tagok riyak bloh lac oh brei padheih, kayua lac padheih ye kol khamang thau hu libik di drei daok gaok pasang iek, yau nan ye metai diuk hagait jeng njauk paparsap. Tuk papar nao dom libik brei thau lac pang cambaih, pang siam, Hà Nội jeng pang hu yau nan ye adei saai dahlak biak bui sambai.

-Hu padang tagokdalam tukvak biak kan kandah rambah rambup libik chiến khu, meng bruk kham merat di kapul di libik saong abih di nyu nan lac bruk pambuak gauk, daong siam di urang jakar, nhân viên rayo Giải Phóng A di gah Brak, tok dalam sa tukvak katut, rayo hu papar sap 10 tuk yaok harei meng 5 sap: Việt, Pháp, Anh, Lo saong Khmer duh ka bhapbini saong urang lin, papar tapa gah đối phương saong rilo libik angaok dunya. Bruk ngak di rayo hu khik hamiet, siam mekre, dak harei dak hu pasiam gah chất lượng, paglaong công suất meng 150W tagok 1KW, hu gam máy phát dự phòng ka căn cứ dự bị, caga tuk kol kha mang taong tayah.

-Ông Trần Thọ Vĩnh, dahlau diah lac kỹ thuật viên, phát thanh viên rayo paparsap giải phóng A sraiy ia meta tuk hadar veik dom mbang ngak bruk kan si var hu di tukvak nan. Rilo bruk hu kuhria caga tani tanat; phòng thu, studio caik angaok ô tô, hu tuk lac sa baoh sang hala pacang bạt lye ginup piah danakdak papar riyak: Kol dahlak tuk nan oh sahaneng tal mesruh metak biak khang, mbuan metai lihik, bo tok sahneng ngak habal hu harak mai tal lac drei puac, mboh dalam hatian biak bui sambai, oh sahaneng atau huac hagait. Di mblang mesruh njauk dang anak bom đạn bo urang daok ngak hu ye tuk nan drei jeng daok mesruh oh njuak lac phát thanh viên)

-Dom bruk dom kadha hu paparsap tapak di mblang mesruh meng sap Việt saong sap taneh ia lingiu hu khan brei dunya thau ka caong khin hòa bình saong độc lập, yasa taneh ia, brei mboh dom âm mưu, tội ác di Mỹ - ngụy. Ngan saong Nghệ sĩ ưu tú Phi Điểu, phát thanh viên rayo paparsap Giải phóng, yaom lac yaok pluh thun nao tapa min amuk jeng oh var hu dom cảm xúc tuk puac dom bản tin angaok rayo: Tukvak Mỹ ngụy nyu taong paoh urang di sang guk Phú Lợi, pametai tù chính trị, jeng ye bruk Mỹ ngụy taong paoh sinh viên anek saih di Sài Gòn, bruk dang tagok di Phật giáo... Tuk puac dom tin nan kol dahlak oh klah di drut drui, yaom lac tak urak ini labaih 50 thun tapa, dahlak jeng mboh apui khuah dalam rup pabhap saong tuk ba tin nan tal mikva, dahlak mboh habal lac ba tal urang pang piah dom abih gauk pataom tame mesruh.

-Mboh cambaih dom siam lagaih di rayo paparsap Giải phóng ka bruk mesruh di bol bala saong bhapbini drei, Mỹ ngụy oh padheih duah libik padang rayo, pandar kapal haok, pháo binh saong bộ binh, biệt kích piah ngak tayah ka pahu. Min, urang jakar, nhân viên rayo paparsap Giải phóng gam pasiam kan kandah gah phương tiện, kỹ thuật, gam mesruh metak ngoan cường saong kol kha mang, khik caga riyak oh kloh meteh dhi. Ông Nguyễn Duy Tuấn, dahlau diah ngak biên tập thời sự rayo paparsap Giải phóng hadar hamiet thaot binguk dom ayut anh dũng ndih trun angaok jalan ngak bruk, dalam nan hu ông Đỗ Phước Đoàn, dahlau diah ngak bruk Việt kiều anit taneh ia di Campuchia, hadei nan mai ngak  ka rayo paparsap Giải phóng: Ndom tal saai Đỗ Phước Đoàn, dahlak oh pacang hu ia meta. Yaok mbang nao libik halei mboh kan kandah, mbuan metai lihik, saai Năm Đoàn jeng meblah nao dahlau, hu hagait ye saai metai dahlau. Dalam sa mbang ba kapul nao tiếp phẩm, saai pandar “ adei saai padheih di ini piah ka dahlak nao dahlau”. Tuk saai nao ye mehit sap preo biak khang” hu khamang dom ayut lei”bloh hadei di nan lac sap phao patuh rilo. Tuk joa kandang kol dahlak tabiak meng thau lac, di tuk saai preu lac hu khamang ye dom mbaik phao nyu cuh tame rup saai nan ”

-labaih meteh abap nao tapa kuhria meng mbang papar riyak akaok mereip di rayo paparsap Giải phóng, dom nhà báo – urang lin mengkan urak ini jeng oh var hu dom tukvak drut drui, hadah mbaoh tuk cách mạng gah meraong negar tagok sap ndom tapa sa rayo papar sap. 

-13 thun oh sa mbang bayan thù lao, nhuận bút ka kadha vak, ka tác phẩm, tok hu hasit lac sa paok tea, sa paok pakao yau nan min luac 13 thun oh sa var paparsap halei padheih. Meng bruk ngak hu dalam mesruh metak, pandik harao lihik daok di mesruh metak, piah ba nao dom caong khin ka hòa bình lac dom asal kadha praong angaok riyak lingik di rayo paparsap Giải Phóng ./.