Atah di ini 73 thun, di tukvak 11 tuk meteh harei 7/9/1945, rayo sap ndom Việt Nam papar sap meng panuac xướng “Ini lac sap ndom Việt Nam, paparsap meng Hà Nội, ban ine taneh ia Việt Nam Dân chủ Cộng hòa”. Labaih 70 thun tapa, rayo sap ndom Việt Nam dak harei dak brei mboh libik dang praong di rayo paparsap negar, jeng ayut anit ranam, hu pren pambak tal yaok triệu bhapbini Việt Nam daok di grauk bhum palei dalam negar saong di taneh ia lingiu. Pahadar 73 thun harei padang rayo sap ndom Việt Nam (7/9/1945 -7/9/2018), urang vak Thùy Dung, daok di ban raya HCM hu kadha vak “ Tuk rayo sap ndom Việt Nam jeng ayut anit ranam” brei thau hatung hatai di bhapbini ban raya angan Wa ngan saong rayo sap ndom Viet Nam – lac kadha oh kurang hu di rilo urang dalam raidiuk harei ini:

-Ngak bruk peih radaih jaik 30 thun ini mai, saai Nguyễn Văn Hùng, daok di quận 10, ban raya Hồ Chí Minh brei thau, saai bhian peih sa harei barau meng bản tin 6 tuk page di rayo sap ndom Việt Nam angaok sruh radaih di drei. Ngan saong saai Hùng, baoh radio saong riyak di rayo paparsap yau sa ayut nao gam jalan anit ranam, brei thau dom asal kadha siam lagaih, rilo gah bo daok ngak brei cadu dom căng thẳng, glaih glan dalam raidiuk. Ngan saong dom urang peih radaih, meda lac oh hu hagait lagaih jang lac hu pang thau dom libik gar radaih di dom tukvak tabung glaong. Saai Hùng biak takre Kênh VOV giao thông negar:  “Meda lac luac harei melam, tuk tagok radaih ye pang, 6 tuk page tal 10 tuk melam. Danakdak di rayo biak siam ka adei saai peih radaih kol dahlak, abih di nyu nan lac hu thau dom labik gar radaih atau thư giãn angaok jalan nao. Takre di abih lac brei thau gar radaih gam saong dom danakdak pambuak pagam ayut, daoh takơ…Meda lac kadha halei dahlak jeng takre, tuk pang rayo lac biak bui sambai.

-Daok ngan saong saai Nguyễn Gia Thuận, sa urang jakar ngak bruk karja sang daok di Quận Bình Thạnh, ban raya HCM bhian caik tukvak pang rayo hadei di tuk ngak bruk. Di sang, saai Thuận blei sa baoh radio sit piah tuk ngak mbang ngak huak, atau ngak dom bruk sang jeng meda pang rayo, thau hu asal kadha. Ngan saong saai, rayo sap ndom Viet Nam saong dom asal kadha drah samal, rilo gah, ndom puac chreih chrai, salih barau hu jeng ayut nao gam yaok harei, ngak brei sang sit di saai bui sambai jang, abih gauk oh lihik rilo tukvak piah thau rilo ilamu, rilo bruk, rilo kadha siam lagaih. Saai Thuận brei thau: “ Dom asal kadha bo dom ayut di VOV brei thau pambuak tal bruk ngak di dom sarak, bruk daong brei di karja ka bhapbini, ka doanh nghiep…hu rayo brei thau biak drah samal, oh lac yaok harei bo daok lac yaok tuk, yaok minit. Tapa nan daong ka dahlak thau rilo kadha oh lac dalam bruk ngak di drei bo daok ka dom quan hệ lingiu xã hội”

-Lac urang takre văn chương yau nan ye saai Thuận biak takre dom danakdak văn học nghệ thuật di rayo yau ye: puac dalikan kreh melam, cuak ariya…Tapa riyak paparsap, dom áng văn chương gheih ka taneh ia, ka anek menuac hu ngak brei bui hatian ka dom urang daok atah palei yau saai, ba chreih chrai ka raidiuk rilo jar var libik phố thị. Tui saai, rayo sap ndom Việt Nam daok angaok jalan mbeik drei tame dunya yau nan ye njauk hu dom salih barau khang jang, pabak caong khin pang rilo janih di yaok urang, tui samu thời đại số, thời đại công nghệ 4.0.

-Harei ini, ngan saong baoh phone par tangin thông minh, bruk pang  radio hu mbuan lagaih jang biak rilo saong nan jeng lac bruk giải trí biak takre di rilo dam dara, sinh viên anek saih. Caik rilo hatai anit ka rayo sap ndom Việt Nam, Nguyễn Hoàng Long, sinh viên sang bac  Đại học Kinh tế ban raya HCM brei thau, bruk takre pang rayo mai meng bruk randap pang rayo yaok harei di urang ame lac lính Hải quân. Tui pang rayo sap ndom Việt Nam yaok harei, Hoàng Long caong khin rayo njauk salih barau ka nyu trẻ trung jang, hu rilo bruk pambuak pagam gauk jang di urang pang rayo saong dom phát thanh viên, biên tập viên piah pachreih bruk sangka di urang pang ranaih umo: “Dahlak caong khin rayo hu rilo danakdak pambuak pagam saong urang pang jang, ka dom gah công nghệ, giải trí saong sajarah. Pilih ruah dom ứng dụng công nghệ gheih caik ka urang ranaih umo, peih ngak dom danakdak âm nhạc tui yaok kadha ka baoh sang, ka raidiuk. Atau hu dom kadha tacei labik puac adit nao mein di libik halei, dom libik mbang bingi caik ka dom urang ranaih umo ye kheih mekre jang”.

-Meng bruk pataom ginup 4 janih báo chí lac: báo ndom, báo ba-ar, paparsap saong papar binguk, rayo sap ndom Việt Nam daok peih bruk lac jeng tổ hợp truyền thông đa phương tiện, tiên tiến, barau dang akaok di taneh ia. Angaok jalan patagok nan, hatai ranam di urang pang rayo di grauk labik dalam taneh ia tuk halei jeng caik hatai tui pang, nao gam jalan saong pambuak bruk haong rayo lac bruk pachreih ba biak praong. Nan lac pren khang piah ka dom urang jakar, nhân viên, phóng viên, biên tập di rayo kham merat jang dui atah riyak lingik, ba sap ndom di Việt Nam par atah./.