Di mblang bein  Lam Sơn, quận 1, ban raya HCM dok rah tabiak parang iek thaot binguk  "Bruk Cách mạng bilan  8 song Harei Negar 2/9 daok miat miat". Pak ni hu parang iek  100 thaot binguk yaih khan  ka dak rai song dom bruk  cách mạng dang tagok mesruh metak di bol lin  song bhap bini drei meng hadei di harei padang Đảng thun 1930 song tabung glaong lac  Cách mạng bilan  8 thun  1945 song bruk tabiak rai di negar Việt Nam Dân chủ Cộng hòa harei  2/9. Di jalan  Đồng Khởi (quận 1) hu parang iek  120 thaot binguk hu angan  "Ginreih  taneh ia Việt Nam" song  "TPHCM song abih palei negar  pamong tal harei anak tal", yaih khan dom labik siam di taneh ia, urang  Việt Nam, caik veik dalam hatai kan si oh var hu dalam hatai ayuh sahbah dunya. Parang iek hu dui atah tal harei 6/9.

Tui Sở rivang main ban raya HCM, ngak tui sarak gam pacang caga jit ruak gam cakrok patagok kinh tế, di tuk pahadar  75 thun harei Negar, dom doanh nghiệp lữ hành saong dịch vụ di ban raya hu yaih khan tal tuai damaui dom pandap panda saong dịch vụ trun yaom piah pachrieh bruk rivang main. Dalam nan hu danak dak rivang iek ban raya meng radaih ôtô 2 tal, yaom 99 ribau đồng saong 149 ribau đồng dalam 24 maong, ngan haong rilo bruk kein lagaihh yau dom harak gar mbang nao rivang iek, tai nghe rilo sap... Tuai damuai jeng meda hu rivang iek sang praong Skydeck-Bitexco haong yaom trun meteh dalam harei 2/9.  Langiu di nan daok hu danak dak "iek hoàng hôn" atau "maong iek Sài Gòn tuk melam " di angaok sruh gilai haong yaom trun daok meteh.

Parang iek tapuk pahadar  75 thun harei negar 2/9 tui jalan online  dok hu Mintri  Thông tin Truyền thông peih tabiak di sàn Book365.vn meng ni tal harei  15/9/2020. Tapa bruk yaih khan  abih tih  tuk vak mesruh meblah mek độc lập bangsa , yasa taneh ia  song dak padang, khik caga taneh ia ala bruk pan akaok ba jalan di  Đảng Cộng sản Việt Nam song Chủ tịch Hồ Chí Minh; jak jeng  cách mạng di taneh ia  dalam tuk salih bahrau, patagok song ba drei tame dunya . Langiu di mak na rik dong pato pakai ilamu cách mạng, parang iek jeng piah pambuak tapuk song ayuh puac angaok mạng. Dalam tuk vak rah tabiak parang iek , blah Book365.vn hu pablei tapuk siphau yaom  ưu đãi, pajeng ba brei saoh ka 10.000 đơn hàng camereip.

  Gilang tapuk Quân đội jeng daok peih parang iek "Hadar veik harei độc lập " hu labaih 1.000 baoh tapuk, báo, thaot binguk tư liệu hu dom asal kadha yau ye: Đảng Cộng sản Việt Nam pan akaok jak jeng cách mạng Việt Nam; Chủ tịch Hồ Chí Minh- Urang menek tabiak negar Việt Nam Dân chủ Cộng hòa-urak ni lac negar Cộng hòa XHCN Việt Nam; makna sajarah di bản Tuyên ngôn độc lập thun 1945; bruk dak padang taneh ia … Parang iek hu peih tabiak tal harei 12/9, ba mai meta maong njauk ka jalan mesuh matak meblah độc lập, tự do ka taneh ia, dom kadha ka bruk bui sambai harei độc lập...

Piah salam uan bruk pahadar  75 thun  Cách mạng bilan 8 song harei negar 2/9; piah peih bruk  “10.000 takai yam yaok harei”, jak ba urang đoàn urang hội, dam dara pasram rup pabhap, paglong pren yava. Kapul  LHTN tỉnh Bình Thuận peih bruk nao takai  pachreih tui mbang ka 2 – Danak dak dom takai nao kayua bhap bini thun  2020. Tui nan, meng ni tal harei  23/9, yaok  km nao takai atau nduac takai tuk hu mbaok tame, urang  hội , dam dara song urang hu mbaok tame  hu rik dong 1.000 đồng piah padang ngak  16 sang ilamu bhap bini, yaom yaok bruk padang ngak lac 1 tỷ đồng.

 Meng urak ni tal harei 5/9, Bộ Chỉ huy Quân sự tỉnh Đồng Nai peih hội thao pahadar 75 thun harei negar 2/9 saong salam uan Nyaom roya Đảng dom pakat vaktu 2020-2025. Dom kapul hu mbaok tame pacacah dom môn: caoh mbanh, taong valei, cầu lông đơn saong 2 likei, 2 kumei. Tapa nan, dom kapul di jabat, duk chức năng di Bội CHQS tỉnh Đồng Nai jeng patagok dom bruk padang ngak alam, peih ngak danak dak hijao – hacih – mekre, alam ilamo.

Salam uan pahadar 75 thun Harei negar 2/9dom  xã, ban sit dalam  huyện Cần Đước, tỉnh Long An peih bruk pala phun, pachreih tui bruk padang ngak palei pala bahrau , đô thị văn minh. Di  xã Tân Trạch, 150 phun  sao hu pala tapen jalan  Mỹ Lệ-Tân Trạch, meng jalan  tỉnh 830 tal  cầu ấp 5 xã Tân Trạch. Dom  xã, ban sit karei dalam  huyện Cần Đước dok peih ngak rilo mô hình hajao, hacih,m mekre  salam uan harei negar 2/9 yau: pasiam, papraong saong tuh bêtông jalan palei pala, canah jalan oh hu hareik, padang ngak tatua palei pala tapa krong ribong…/.

Urang lang: Thu Thảo & H.Pha  1/9/2020