Urang nong kan kandah dalam bruk pala drak 

“Rilo danao, binek hu padang ngak atah di ni 30 – 50 thun tuk bruk padang ngak daok biar ilamu, hu ngak rilo meng haluk nan ye takik khik hu salamat glaong”. Nan lac panuac brei thau di mbang nyaom baai langyah ka bruk "salamat halau ie pabak bruk ngak mbang, pala drak, raidiuk saong khik ramik salamat danao, binek" kayua Ủy ban Khoa học, Công nghệ saong alam di Quốc hội peih tabiak di page ni 17/8, di Hà Nội. Tapa pasang iek di 14 tỉnh, ban dalam taneh ia, Mintri ngak nong saong patagok palei pala kuhria mboh lac, meng 20 - 30 thun anak tal, rilo tỉnh jeng mada kurang ia biak trak, abih di nyu nan lac ka bruk pala drak. Dom bruk ni njauk hu roh duah saong maong tui bruk rami ramik siam dom jalan thủy lợi dalam vaktu anak tal.

Mesup ni , UBND xã Hòa Tiến, huyện Hòa Vang peih ngak sarak  di  UBND ban  Đà Nẵng ka bruk klaak pacang cakak palei lệ sơn nam. Palei hu  419 boh sang SAONG labaih 1.500 urang njauk brei dok karei  meng  0 tuk harei  03/8 hadei di tuk hu  4 urang njom  Covid-19, dalam nan hu  2 urang ruak mboh lac njom mbak dalam bhap bini  . Tui  UBND xã Hòa Tiến, dalam xã hu  16 urang njom  Covid-19, hadei di tuk klaak pacang cakak, karja palei hu jak ba bhap bini dok di sang, oh tabiak langiu jalan tuk OH hu bruk hagait. Pagam tal urang ruak  Covid-19, harei kabroi, karja dom puk palei di  Đà Nẵng brei kreik pambah mbang  2 pasa  Tân An song Thuận Thành.

UBND tỉnh Bà Rịa – Vũng Tàu brei thau: Gah jaka daok pasang iek piah duah dom urang hu pambuak tal urang ruak ka 338. Tui Sở Y tế tỉnh, urang ruak lac Nguyễn Văn Khánh, daok di Bắc Giang, meng Cô-oét mai veik taneh ia harei 16/6, hu brei daok karei di BR-VT, hadei nan hu taong ruak di sang iek ruak Bà Rịa kayua dut iek mboh dương tính haong Sars-CoV2. Tal harei 16/7, urang thit ruak, tabiak truh bruk taong ruak saong daok brei daok karei 14 harei di sang iek ruak Bà Rịa. harei 14/8, urang ruak ka 338 hu tabiak truh sang iek ruak. Min, harei 15/8, tuk mai veik labik daok di Bắc Giang, urang ruak 338 mboh dương tính viek.

Mesup ni  (17/8), tỉnh Sóc Trăng peih bruk jao harak ngak salah bloh tuk vak brei dok karei 14 harei ka  140 urang meng negar langiu mai meng  Canada, Hàn Quốc, dalam nan hu uranaih umo ala  18 thun, du học sinh, urang ngak bruk abih tuk vak  thị thực, urang prong thun ruak kik  song dom tuai du lịch. Piah khik caga siam mekre , gah  chức năng peih bruk puh ramik , pruh jru pametai nek ruak abih  mblang bein ,  pandap panda di dom labik brei dok karei hadei di tuk jao ka bhap bini. Tal urak ni tỉnh Sóc Trăng oh ka hu urang halei njom Covid-19.

Bilai khik caga kaya ikan huyện Phú Quý, tỉnh Bình Thuận masup page ni hu peih bruk palao 45 drei anak cara tasik trun tasik di labik mblang tasik Hòn Tranh. Nan lac anek cara hijao thủy sinh quý hiếm, hu manek tabiak meng sruh baoh di sa drei cara amaik trak labaih 100kg. Bruk ba 45 drei cara tasik nek trun tasik piah rik tame bruk daong khik caga, pabak veik kaya ikan, abih di nyu nan lac pabak viek dom kaya ikan quý hiếm hu kein laba glaong saong daok mbuan lahik nao.

Giám đốc Viện roh duah Gamaleya, ông Alexander Ginzburg brei thau  bilan tal, Nga hu klauk vắc-xin Covid-19 biak rilo. Tui nan, vắc-xin Covid-19 di Nga, hu ieu lac Sputnik V, hu tapa dom ngak iek angaok yaok pluh ribau urang hu mbaok tame. Bruk klauk jru rilo meda suai jang  2-3 adit, atau sa bilan kayua njauk roh duah  hadei di tuk tut angan, hadei di nan hu pablei ka bhap bini .Tui dom urang  ilamu , bhian di nyu roh duah hadei di tuk tut angan  vắc-xin meda lahik tal 6 bilan.

Malaysia bahrau duah mboh biến chủng di virus SARS-CoV-2 mbuan njom mbak tagok tal 10 mbang. Biến chủng hu angan lac D614Gni hu duah mboh di takik lac 3 dalam 45 urang njom Covid-19 di sa sruh jit hu asal mai meng sa urang po sang nhà hàng mai viek meng Ấn Độ ngak suan bruk daok karei 14 harei di sang. Urang lakei ni hadei di nan njauk kaoh dus 5 bilan guk saong njauk buh jien phạt. Biến chủng nan di SARS-CoV-2 jeng hu duah mboh di sa sruh jit karei di Malaysia, pambuak tal dom urang mai sang meng Philippines. Bruk duah mboh biến chủng ni jeng hu makna lac dom janih vắc-xin hu cak rok patagok urak ni mada oh siam lagaih.

Kayua hajan  ia sua gam gam rah tabiak di bhum gah brak song Tây Nam, Trung Quốc bahrau brei tagok tanut brei thau dahlau ka hajan khang tagok sambo cam, lac tanut biak trak hadei di tanut meriak. Tui Đài Khí tượng pakat negar Trung Quốc, hu dom labik hajan tagok tal  250-300mm. Taeng labik pasak  huyện Lược Dương, tỉnh Thiểm Tây njauk dauh dalam dalam ia , njauk tabiak panuac samar drah ka ia sua pakat glong di abih, labaih  28.000 menuac di pak ni njauk panduan nao labik karei./.

Urang lang: Thu Thảo -Hanipha  - 16:36:13