Bruk ngak mbang pablei salih di dom doanh nghiep daok gaok kan kandah

Tal tukvak ini, rilo doanh nghiệp hu “tăng trưởng âm” dalam dom bilan tapa saong mboh oh ka dang veik. Ong Trương Văn Cẩm – Phaok Chủ tịch gam ngak Tổng thư ký Hiệp hội Menyim jhik Việt Nam khan lac, dalam 3 bilan akaok thun, gah menyim jhik tăng trưởng âm labaih 2%, dalam 6 bilan akaok thun âm 16,67% saong oh ka thau tal tuk halei meng dang veik . Gah menyim jhik lac gah gaok kan kandah biak praong meng jit ruak covid 19. Dalam dom bilan jaik di ini, oh hu 1 tanut halei lac patagok, taong abih jeng tăng trưởng âm, hu tanut âm tal 70%- piah ka kol drei mboh 1 lac nyu ngak kan kandah tal gah menyim jhik yau habar, kol dahlak mboh lac anak tal, daok biak duh hatai, meda lac meng quý 3 lac tukvak  gaok kan kandah trak abih kayua jit ruak covid 19 ngan saong gah hu rilo menuac ngak yau gah menyim, jhik. Kayua yau nan ye kol dahlak mboh lac cuang kandah biak praong.

Jeng lac gah hu rilo menuac ngak, meng akaok thun tal ini, gah takhaok klik gaok biak rilo glaih glar piah khik bruk ngak. Meng dom kan kandah gah phun jien, labik pablei jeng daok kateik trak 2 gah bara di rilo doanh nghiệp. Tui amuk Phan Thị Thanh Xuân – Phó Chủ tịch gam lac Tổng Thư ký di Hiệp hội klik– takhaok – kadung bak Việt Nam, dom doanh nghiệp praong jeng trun meteh dom đơn hàng. Yaom lac urak ini, dom doanh nghiệp gia công takhaok klik daok hu  dom đơn hàng piah ngak, min hu sa bruk lac ngan saong doanh nghiệp praong njauk cakak trun 30% dom urang ngak, gaok mai hu doanh nghiệp patrun tal 70% dom urang ngak. Sa dalam dom kan kandah tra di gah klik takhoak lac phun jien. Doanh nghiệp takhaok klik hu pok panuac caong hu dom sarak, min tal urak ini jeng oh ka taduan hu bruk daong meng Rajaei. Amuk Phan Thị Thanh Xuân ndom lac:Meyah meng urak ini tal bilan 10, jit ruak pacang hu, ye dom doanh nghiệp jeng daok ngak tapa harei saong meda yam tapa hu. Min yau kol drei hu mboh, jit ruak ye oh thei thau dahlau yau habar. Tui taong yaom di sang mac jeng yau dom nhãn hàng ye meda lac tal quý 2 thun hadei, lac 1 thun tra kham merat ngak tapa harei, tui nan oh thau hadom doanh nghiệp metai, panuac javap jalei cambaih laih oh lac di gah doanh nghiệp bo gam Karja kol drei brei hu jalan pacang dahlau.

Dom chuyên gia kinh tế taong yaom, jit praong Covid 19 hu ngak brei salih karei jalan ngak di doanh nghiệp tui jalan oh ka bhian mboh. Tui nan, dom chi phí dahlau daih hu dom urang pan akaok lac cố định ye urak ini lac chi phí biến đổi. Dalam tuk phun jien hu maong yau jalan padang karei ye urak ini hu jeng janih oh kurang hu dalam bruk ngak di doanh nghiệp. Saong doanh nghiệp njauk patui jalan cakak trun dom janih jien oh ngak kan kandah tal bruk ngak di doanh nghiệp. Jhul khang bruk salih jalan buh jien ka dom kadha daong patagok piah kuhria caga ka dom srau kadau di harei hadei.

Urang ilamu gah kinh tế, PGS.TS Tô Trung Thành, Sang bac Đại học Kinh tế Quốc dân mboh lac, jit covid 19 mbang ini, lac jalan piah ka kol drei maong iek veik veik sarak, jalan ngak kinh tế ngan saong dom jalan ngak suai lavik jang di harei hadei. Dalam dom jalan ngak, dom sarak bo Rajaei ba tabiak urak ini, dahlak mboh oh ka njauk rilo. Pagap yau pambuak tal bruk daong gah je thu nhập, kadha ini kol drei njauk daong jien chi phí salih ka bruk daong gah thu nhập. nan ye taong abih jalan ngak di pak ini, lac caik hatai pataom tame bruk patrun dom janih jien ka doanh nghiệp, padang labik likei kumei samu gauk, patrun dom tavak tavaiy pambuak tal tut angan pablei salih, pambuak tal dom janih jien oh cambaih laih di dom doanh nghiệp.

Dalam tuk kan kandah yau urak ini, dom doanh nghiệp oh njuak lac tok pablei tabiak darak pasar bo brei thau padang darak pasar. Saong brei thau padang veik jalan ngak mbang, thau pasiam di abih dom chuỗi giá trị. Pasiam doanh nghiệp tui jalan bahrau piah gam pacang jit, gam patagok bruk ngak mbang, kinh tế./.

Urang lang: Musa-11/8