Gilai pajeng cuah angaok kraong 

Angaok kraong Bei Gon, yaok harei hu yaok ribau mbang ghe gilai nao mai. Yaom lac bilan hajan ribuk min ghe gilai nao mai jeng biak rilo. Tapa yaok pataom di urang vak di rayo sap ndom Viet Nam VOV, tok dalam 2 tuk, angaok jalan kraong ini labik tapa Quận 1, Quận 7 saong huyện Nhà Bè, hu yaok rituh mbang gilai pajeng pandap panda meng dom tỉnh miền Tây atau pabah lamnge Cái Mép di tỉnh Bà Rịa– Vũng Tàu mai tame dom labik pabah lamnge di pasak bal raya. Tapa pasang iek, mbuan mboh dom ghe gilai rilo meng ngak suan adat hukum khik caga siam mekre angaok jalan aia, abih di nyu lac bruk pajeng biak rilo jang tapa tanut brei pajeng.

Tapa pasang iek di gah chức năng jeng brei mboh, rilo sruh gilai pajeng container, pajeng cuah patau, pandap panda padang ngak jeng pajeng tapa tanut brei pajeng, oh khik hu siam mekre bruk pacang caga khuah, phao cứu sinh klak oh daok chất lượng... Yaom lac thau bruk nan mbuan ba tal metai lahik, min dom urang peih ghe gilai jeng oh caik hatai. Hu rilo sruh ghe gilai tuk pasang iek ye tok daok hu dom harak gar taong phat dahlau di nan, oh daok sa janih harak gar halei karei kayua njauk dom gah chức năng di dom puk palei  khik mek piah taong phat. Sà lan LA- 05559 pajeng cuah padang ngak nan lac bruk ngak suan yau nan. Sa-ai Trương Văn Bốn, urang peih ghe gilai brei thau: Tuk ini takik hu urang ieu nao pajeng nan ye pajeng rilo jang piah duah hu rilo jien jang, jeng thau lac biak mbuan ba tal bala tuk hu hajan prong angin khang, bo drei pajeng biak trak. Urak ini rilo harak gar njauk urang jakar mek khik, nan ye oh daok harak gar hagait. Drei jeng thau suan ye rút kinh nghiệm veik.

    Tapa pasang iek yaok pluh sruh ghe gilai  nao tapa bal raya HCM, gah Cảnh sát Jalan aia, Công an TPHCM hu ngak biên bản xử lý dom po ghe gilai, urang peih. Gah Cảnh sát Jalan aia jeng hu pathau khan, kakei dom po ghe gilai thau, urang peih ghe gilai, langyah catang meyah daok ngak suan tra. Ong Lê Đình Hùng, Po gilai Container Tuần Phong 05 brei thau: Khaol dahlak jeng hu ngak suan, nan ye hadei di mbang nao ini khaol dahlak sanya haong gah CSGT jalan aia brei ngak pasiam veik. dom jabat chức năng pathau khan ka khaol dahlak thau mboh njauk saong ngak tui.

     Tui jabat Cảnh sát Jalan aia, Công an TPHCM, hajan ribuk dalam bhum taneh ban raya rah tabiak srau kadau. Kraong Bei Gon labik nao tapa dom quận pasak yaom lac daok atah takai tasik Cần Giờ jaiak 80km dom mbang ribuk prong jeng tuh mai oh thau dahlau. Rilo labik kraong, hu rilo sang glaong tal nan ye mbuan hu ngin rabuk. Kayua yua nan ye, dom ghe gilai nao tapa labik ini oh lac ta-eng hagait urang dang akaok peih ghe gilai bo njauk jak ba taong abih urang nao ghe gilai pataom  tame mong iek, peih menyek gom piah khik hu siam mekre, selamat. Thiếu tá Lê Văn Hoàn, Akaok thủy đội, jabat Cảnh sát jalan aia, Công an TPHCM brei thau: anak meta mboh lac daok hu dom ghe gilai oh ka ngak siam bruk ini, dalam nan hu ghe gilai pajeng tapa tanut brei pajeng, atau dalam tuk pataok cang aia tagok ye urang dang akaok  peih ghe gilai saong urang nao gilai jak gauk menyum alak tapai, oh khik hu siam mekre salamat angaok jalan nao mai: Dom sruh ghe gilai nao tapa ini meda lac ngak siam bruk nao mai angaok jalan aia, yau nan min jeng daok dom sruh ghe gilai pajeng tapa tanut brei pajeng, biak di nyu hu bruk yau nan. Dom sruh ghe gilai meng miền Tây tagok, nao tapa rilo tỉnh bal hu njauk ngak rilo biên bản. Bal raya daok duah labik piah khik dom sruh ghe gilai pajeng tapa tanut brtei adat atau oh hu harak gar piah ka dom urang nan nao đóng phạt di dom tỉnh hadei di nan mai tal ini bal raya meda tabiak sarak taong phạt patui di nan.

  Urak ini Công an bal raya HCM daok patagok bruk pasang iek taong phat manuac urang ngak suan, pathau khan brei ka urang dang akaok peih ghe gilai, urang peih ghe gilai ngak njauk tui dom adat hukum ka siam mekre salamat bruk nao mai angaok jalan aia dalam negar./.

Urang lang: Jasi-21/7