Rilo sang bac Ban raya Ho Chi Minhjeng daok mek suan quỹ amaik ame anek saih

Hadei di labaih dua adit peih bruk pasang iek dom khoản thu – chi pambuak tal quỹ di mban lambaok amaik ame anek saih di rilo sang bac dalam ban raya, lambaok uy mban mat tran negar Viet Nam ban raya Ho Chi Minh brei thau, urak ini hu oh takik sang bac daok mek suan quỹ amaik ame. Dalam nan, lỗi mboh rilo di abih lac bruk tabiak yaom rik daong tame paok jien thu daok ndung bak bruk halan hatian ini. Mỹ Dung urang vak di rayo sap ndom Viet Nam daok di ban raya Ho Chi Minh hu kadha vak brei thau ka bruk ini:

Tui Ủy ban Mặt trận negar Việt Nam ban raya Hồ Chí Minh, yaom lac oh hu bruk ngak suan trak dalam bruk thu – chi quỹ mban lambaok amaik ame anek saih, min rilo sang bac di ban raya daok ngak suan Thông tư 55 ka Điều lệ ngak bruk di mban lambaok ameik ame anek saih tuk thu quỹ ini tui kiểu cào bằng. Hu sang bac ba tabiak yaom thu ka yaok tan bac, min jeng hu sang bac ba tabiak yaom thu ka yaok anek saih.

Sang bac Tiểu học Nguyễn Thái Học, Quận 1 urak ini hu 876 anek saih. Meyah mek ginup, paok jien quỹ di sang bac hu jaik 220 triệu đồng. Min, tui ong Cao Bá Tuấn, Phó mban lambaok amaik ame anek saih sang bac, kuhria tal tukvak ini hu oh ka tal 35% amaik ame rik tame quỹ ini. Dom thun dahlau jeng yau nan, dom amaik ame rik tame quỹ amaik ame anek saih di libik ini tok hu meng 68 tal jaik 80%. Ông Tuấn brei thau, meyah oh ba tabiak yaom thu ye biak kan piah ngak jeng bruk njauk hatai gauk, công bằng ka taong abih amaik ame: “Taong Abih amaik ame jeng hu anek bac pak ini saong jeng hu mbang tui quyen loi dreih gauk. Urak ini, ieu amaik ame ini đóng 200 rabau, amaik ame diah đóng 100 rabau, amaik ame karei oh đóng ye urang mboh oh bui sambai. Yau nan ye, kol dahlak meng njauk gauk lac: kayua anek kamuan drei ye taong abih gauk jeng đóng yaom jien yau nan. Meyah oh hu khoản thu yau nan, lac biak kan kandah piah mban lambaok amaik ame anek saih hu nguồn thu duh ka dom khoản chi”.

Thun bac ini, sang bac Mầm non Họa Mi di huyện Nhà Bè oh thu quỹ mban lambaok amaik ame anek saih. Salih tame nan, amaik ame halan hatian rik daong ka cơ sở vật chất tui caong khin di yaok tan bac yau ye salih màn bambang, ramik pasiam mblang mein, blei pandap mein, ngak tabung pacang…Ông Lục Thanh Bình, Phó trưởng mBan lambaok amaik ame anek saih sang bac lac: “Biak nao kol dahlak oh thu quỹ  amaik ame anek saih atau  cào bằng pandar thei đóng hadom jien. Yau nan ye dom khoản rik daong ka sang bac lac tui caong khin di yaok tan bac. Tan bac halei daok kurang hagait, amaik ame dalam tan bac mboh njauk blei lac halan hatian blei saong daong ka sang bac”.

Min, rilo urang dalam kapul pasang iek di Ủy ban Mặt trận negar Việt Nam ban raya HCM brei thau, ngan saong yaom học phí jaik 3 triệu đồng yaok anek saih yau urak ini, bruk caik ka amaik ame daong rilo ka cơ sở vật chất lac sang bac njauk sahneng kuhria veik kayua mbuan ngak tabiak áp lực ka jien padai. Quy định oh pakauk sang bac taduan mek dom paok jien daong atau pandap di amaik ame, min dahlau di tuk taduan mek jeng njauk pilih ruah tani tanat, plaih ngak tốn kém ka amaik ame bo oh njauk saong bruk pato di sang bac.

Oh lac cào bằng yaom jien thu bo rilo sang bac daok chi suan quỹ di mban lambaok amaik ame anek saih. Tui Thông tư 55 lac abih tih quỹ di mban lambaok amek ame anek saih tok duh ka dom bruk daong pabak bac da-a,  sinh hoạt di anek saih ye: meyaom, pataom tame dom mbang pakacah kiến thức atau hội thao, harei pataom daoh tamia. Min, paok jien ini hu rilo sang bac kaoh tabiak piah caik camera, salih talei menyek atau pah âm thanh sân khấu… dom paok jien biak nao njauk kaoh meng kadung daong di dom mạnh thường quân tui Thông tư 29.

Tui amuk Triệu Lệ Khánh, Phó akaok uy mban Mặt trận negar Việt Nam ban raya Hồ Chí Minh, hu rilo makna ngak ka mban lambaok amaik ame anek saih di dom sang bac oh ka ngak siam bruk thu – chi quỹ ngak bruk, min rilo jeng kayua hatai caong ba mai dom bruk bac megru siam jang ka anek drei. Ini lac bruk njauk ramik pasiam piah plaih panuac lac oh siam, oh njauk hu. Bruk thu saong chi quỹ yau habar njauk ba tabiak brei thau cambaih laih, saong sổ sách njauk hu dom gah pasang iek, ký angan đóng dấu, oh njauk caik ka mban lambaok amaik ame anek saih brei sang bac ngak abih hu: “Rilo tuk mban lambaok amaik ame anek saih dom sang bac oh thau cambaih jalan adat nan ye meng hu bruk ấn định mức thu. Kayua yau nan ye, tapa dom var pasang iek bruk ngak di mban lambaok amaik ame anek saih dom sang bac, uy mban Mặt trận negar Việt Nam ban raya Hồ Chí Minh hu tacei pato cambaih lac pandar oh tabiak yaom jak ba lac hadom bo tui bruk halan hatian daong di amaik ame anek saih brei ka quỹ”.

Hadei di tuk pataom iek veik kadha pasang iek, suai abih lac harei 15/11 ini, uy mban mat tran negar Việt Nam ban raya Hồ Chí Minh meda pambuak bruk saong hội đồng bhapnini ban raya ngak bruk saong dom sở, ngành pambuak tal piah ramik pasiam bruk, taphia nan ba tagok ka dom gah chức năng./.

Thúy Linh