Kadung jien karja hu buh brei dong ka urang ngak 

Công ty TNHH CDL Precision Technology Việt Nam hu jabat daok di tỉnh Vĩnh Phúc lac sa dalam dom doanh nghiệp camereip abih hu urang ngak njauk brei daok karei kayua taom gaok jaik haong dom urang ruak dương tính haong Covid 19. Lingiu di bruk padang bilik tự động pametai anek ruak di pabah mbang tame, công ty daok bhian brei pruh cloramin B dalam jabat ngak bruk, rao, puh sàn xưởng, labik mbang huak yaok harei saong ngak blah pacang bàn mbang huak. Công đoàn bhian pathau khan brei ka urang ngak thau njauk, thau cambaih ka virus corona piah hu jalan ngak lagaih dalam bruk khik caga prein yava rup drei saong diuk anek, gauk gar dalam sang di drei. Tui ong Lê Văn Trường, Chủ tịch Công đoàn công ty, công đoàn hu ginum biai haong urang pan akaok công ty, brei bayar meng 60 tal 70% jien bilan cơ bản ka dom urang ngak njauk brei daok karei atau padeih bruk kayua Covid 19 saong daok brei đóng ginup bảo hiểm ka dom urang ngak ini:

CDL padang bilik tự động pametai anek ruak, taong abih urang jakar, urang ngak di công ty mai ngak bruk jeng brei nao tapa bilik tự động pametai anek ruak ini. Daok dom urang ngak njauk padeih nao daok karei, gah công đoàn hu ginum haong mBan cán sự saong urang pan akaok công ty brei daong ka urang 70% jien bilan saong brei đóng ginup bảo hiểm.

Bahrau ini, Mintri Lao động - thương binh saong xã hội hu payua ka dom Sở Lao động - thương binh saong xã hội dom tỉnh ban tacei pato bruk bayar jien bilan padeih bruk saong langyah sarak ka urang ngak dalam vaktu padeik bruk pambuak tal jit Covid 19. Tui nan, urang ngak njauk ba nao daok karei atau njauk padeih bruk kayua Covid 19 jeng hu mbang jien bilan. Yaom jien bilan ini kayua dua gah ginum gauk min oh biar jang yaom jien bilan tối thiểu vùng kayua Rajaei ba tabiak. Phó Chủ tịch Tổng Liên đoàn lao động Việt Nam Ngọ Duy Hiểu ndom lac, dom pakat công đoàn njauk thau cambaih hadom urang ngak njauk yau ini piah samar daong saong piah ka urang ngak chreih hatai jang tuk khai báo y tế saong sahanang hatai jang tuk njauk brei nao daok karei:

Caong lac công đoàn pambuak bruk haong urang pan akaok dom Cty sangka, klah ba haong dom urang urak ini daok padeih di sang brei ka urang mboh sahanang hatai tuk nao daok karei, công đoàn haong doanh nghiệp khik kajap bruk ngak, raidiuk saong jien mek tame. Jeng caong lac yaok urang tuk mboh yau ruak, jhui huac kanda, njauk pambuak bruk haong gah chức năng kayua mboh hu dom urang nduac dauk piah oh nao daok karei. Blaoh hadei di jit njauk pachreih ba urang ngak bruk hu năng suất glaong, chất lượng siam piah patrun kan kandah ka  doanh nghiệp.

Jit Covid 19 ngak brei labaih 600.000 urang ngak di ban raya Hồ Chí Minh njauk padeih bruk saong oh hu jien tame. Kayua yau nan ye, ban raya meda kaok tabiak meteh jien tăng thêm di urang jakar piah daong ka dom urang nan 1 triệu đồng yaok urang. Dalam quý 1 ini, dom urang lahik bruk ngak tagok 70% duk saong dom bilan ini thun blaoh kayua doanh nghiệp brei ngak sit veik, kurang pandap ngak saong kayua doanh nghiệp oh pablei tabiak negar lingiu hu njauk brei padeih ngak atau giải thể. Amuk Vũ Thị Thanh Liễu, Phaok Yam ndok Pasak dịch vụ bruk ngak Hà Nội brei thau, dom urang ngak lahik bruk ngak ini meda nao tal dom pasak dịch vụ bruk ngak di dom tỉnh, ban piah hu taduan jien daong kayua lahik bruk ngak saong hu tacei jalan duah bruk ngak bahrau, lagaih:

Pasak kol dahlak hu brei bruk taduan raok urang ngak lahik bruk ngak mai tut angan mbang jien lahik bruk ngak, tapa nan taong abih urang ngak tuk kol dahlak taduan raok jeng hu kol dahlak tacei jalan saong yaih khan bruk ngak, daong urang ngak tut angan bac bruk ngak piah salih bruk ngak.

Akaok Mintri LĐTBXH Đào Ngọc Dung bahrau hu panuac likau Rajaei daong dom urang ngak njauk padeih bruk di anak meta kayua doanh nghiệp daok brei padeih ngak. Yaom jien piah daong ka dom urang ngak ini, tui kuhria lac 1 rabau tỷ đồng. Tui akaok Mintri, ini njauk lac tuk piah pandar kadung jien bảo hiểm thất nghiệp piah pato pakai urang ngak dalam tuk kan kandah.

Ini lac tuk piah khik takai urang ngak, pato pakai paglaong tangin gheih ngak. Jien piah ngak lac jaik 2 rabau 400 tal 3 rabau tỷ đồng. Tui nan kol drei meda pabak hu. Kool drei jeng brei tagok yaom jien brei ka bruk an sinh, likau daong pabak 1,35 rabau tỷ lingiu  di kadung jien karja. Urak ini yaom jien bilan tối thiểu di kol drei lac 3 triệu 710 ribau đồng ye daong di tanut 25%, meda gaok tal 500 rabau menuac daok padeih bruk piah khik takai urang ngak.

Jit ruak Covid 19 daok rah tabiak khang, ba tal bruk ngak meda gaok kan kandah jang. Anak meta caik ka urang ngak, lingiu di dom jalan meda ngak hu khang di abih piah pacang cakak jit ruak, brei hu dom pok jien pachreih kinh tế hu peih ngak samu gauk tal rilo nyaom, rilo menuac urang karei di gauk piah daong ka doanh nghiệp haong urang ngak yam tapa tukvak kan kandah ini./.

Urang lang: Mousaphuong -1/5