Pasak rami ramik jalan điện negar brei thau, kayua jit  COVID-19 di rilo tỉnh, ban, bruk pandar điện dalam negar song gah Meraong di  quý 3 trun khang dut song  quý 2 jang yau quý 3 thun bloh. Tui nan, mong iek bruk pandar điện kuhria tui harei dalam negar, tanut pandar điện di quý 3 thun ni trun  10,53% dut song quý 2 song trun 4,14% dut song quý 3/2020. Daok meyah mong iek bruk pandar điện kuhria tui harei  di bhum gah merong ye tanut pandar điện di quý 3 thun ni trun 23,41% dut song  quý 2 song trun  13,59% dut song quý 3/2020. Ngan song bruk pandar điện dok trun beir yau nan kayua kan kandah di jit  COVID-19, rilo jalan điện brei takik peih piah khik siam mekre, tani tanat jalan  điện  negar.

UBMT negar Viet Nam tỉnh Bình Thuận bahrau peih bruk taduan mek pandap mbang huak daong ka bhap bini gaok kan kandah kayua jit COVID-19 meng Quân ủy Trung ương - Mintri Quốc phòng. Tui nan, Quân ủy Trung ương - Mintri Quốc phòng hu alin hadiah 2,5 tấn lương khô haong 3.000 thung mì tôm. Taong abih dom pandap mbang nan hu jao ka ban Phan Thiết piah samar brei ka bhap bini daok gaok kan kandah kayua jit COVID-19. Dalam bilan 9/2021, Mintri Quốc phòng alin hadiah 5 tấn lương khô haong 5.000 thùng mì ka bhap bini tỉnh Bình Thuận gaok kan kandah kayua jit COVID-19.

Sở jalan mbak pajeng ba (GTVT) ban raya .HCM hu tacei ba bahrau ka bhap bini tut angan nao mai  tapa tỉnh piah taduan anek, raok gauk gar mai veik ban raya .HCM tapa cổng thông tin điện tử. Bruk tut angan hu khan brei thau  hadei di  48 tuk.Tui nan, bhap bini  khin dong ba nao mai njauk ngak harak tut angan dong ba nao mai  tapa cổng thông tin điện tử di Sở jalan mbak pajeng ba (GTVT) di labik https://thongtin-sgtvt.tphcm.gov.vn/dich-vu-cong/dang-ky-di-chuyen. Bruk tut angan tame website yau nan hu Sở jalan mbak pajeng ba  padang ngak blaoh hadei di tuk dom email payua mai  ka Sở jalan mbak pajeng ba tapa paoap thư điện tử: sgtvt@tphcm.gov.vn biak rilo ngak ka paoap thư tapa prein taduan mek.

Bác sĩ Chuyên khoa 2 Đỗ Quốc Hùng, akaok khoa cấp cứu Sang iek ruak Nguyễn Tri Phương - TPHCM brei thau, dom menuac ruak kayua njauk jru mek alak methanol tagok rilo dalam dom harei jaik di ini, dalam tuk dahlau daih biak kan hu. Tui nan, meng harei 4 tal harei 7/10,  Sang iek ruak Nguyễn Tri Phương hu 5 urang njauk jru mek alak methanol tame sang iek ruak. Dalam 5 urang njauk jru mek alak tame sang iek ruak hu 2 urang daok di TP.HCM haong 3 urang daok di tỉnh Vĩnh Long. Taong abih 5 urang ini jeng oh pambuak pagam hagait gauk. Dom urang ruak ini jeng tame sang iek ruak tuk ruak trak, brei nduac thận, halang darah. Tui dom bác sĩ, alak hu jru mek methanol meyah oh hu taong ruak samar drah, urang ruak mbuan metai.

Muk Phan Thị Thuận, ndik tapui thun 1954, nghệ nhân ưu tú, Yam ndoc Công ty TNHH Dâu tằm tơ Mỹ Đức, menuac di Kapul urang nong xã Phùng Xá, huyện Mỹ Đức, Hà Nội bahrau hu  UBND ban Hà Nội brei angan lac rahra ban ine naih gheih thun 2021. Muk hu rilo rik dong ka bruk patagok palei menyim khan bai meng kan. Muk ngak tabiak rilo pandap ngak meng tơ tằm, abih di nyu lac roh duah ngak tabiak merai  tơ sen song menyim tabiak tanyah tơ sen, mek hu giải Nhất ngan song Đề tài sáng tạo ilamu kỹ thuật urang nong pakat negar mbang ka 6, thun 2015 kayua Kapul urang nong pakat negar song mintri Công Thương peih ngak,  hu Liên hiệp dom kapul UNESCO Việt Nam brei angan pandap panda kayua bruk patagok bhap bini gam song harak pok meyaom di UBND ban  Hà Nội song mintri, gah, kapul nyaom.

Dom urang ilamu di Japon hu mboh sa janih virus oh ka bhian mboh dahlau daih, saong bruk njauk biai nan lac nyu meda njaom mbak tapa anek menuac. Hu brei angan lac Yezo, virus ini hu pambuak tal anek ruak pandiak tabiak darah Crimean-Congo saong ruak pabo Nairobi. Virus Yezo meda ngak brei pandiak glaong tal 39 độ C, ngak trun tiểu cầu haong bạch cầu dalam drah. Dom urang ilamu jeng duah mboh RNA di virus Yezo dalam 3 janih bọ ve praong di grauk Hokkaido. Kháng thể haong virus Yezo jeng hu duah mboh dalam drah di janih hươu haong gấu mèo daok angaok pulao gah brak negar Japon ini. 

Hãng Jru Mỹ Johnson&Johnson hu panuac ieu  Cục khik ramik pandap mbang  song jru tavao Mỹ (FDA) brei adat samar ka bruk klauk patagok vaccine pacang Covid-19 di hãng ni. FDA  daok kuhria ieu pataom sa ủy ban chuyên gia cố vấn độc lập piah ginum biai mbang klauk jru patagok di Johnson&Johnson dalam 2 harei 14/10 song 15/10. Mbang klauk pabak di Moderna jeng hu ginum biai dalam 2 harei ni. Meyah hu brei adat, vaccine di Johnson&Johnson hu klauk pabak ka bhap bini meng umo  18 thun tagok. Anak tal  di Mỹ hu labaih 14,8 triệu urang hu klauk  vaccine di Johnson&Johnson.

Hadei di 18 bilan brei patakik ngak dom bruk piah pacang jit COVID-19, Sao Paulo hu peih pabah mbang veik. Saong sa bruk daok tamuh rilo di ban praong abih Brazil ini, lac jabat klah rabha langiu langik. Jabat klah rabha dahlau daih bhain rabdap haong bruk padang mbang ngui gah công nghệ di Brazil saong urak ini bruk brei pah labik daok ngak bruk ini daok hu tuai rilo jang 6 mbang. Jabat klah rabha hu ba meng dom sang praong ngak bruk karja meng kan tagok labik huang praong yau tabung sang haong sân thượng./.

Urang lang: H.Pha & M.Phuong – 09/10/2021