Hadei di 1 mbang nao du lịch trải nghiệm dalam 3 harei 2 melam di dom palei dalam tỉnh Ninh Thuận, sa-ai Trịnh Thúy Lan – 1 urang kumei doanh nhân daok ranaih di ban raya Hồ Chí Minh  mboh hatai chreih chrai jang, dom glaih galr dalam bruk ngak yau par lihik abih. Tapa mbang nao ini, sa-ai hu thau dom labik inem krung ilamu, hu iek dom ragu tamia di bangsa Cam daok di Ninh Thuận;  hu pala njam, hu paik dom baoh nho tasak .. Bruk ini, sa-ai  Thúy Lan saong dom ayut di drei daok di ban raya Hồ Chí Minh oh ka bhian ngak. Sa-ai khan lac:

          “ Dalam 3 harei daok di Phan Rang di dahlak biak hu makna. Nyu daong ka dahlak mboh biak chreih chrai kayua lingik li-an bingi. Hu nao takai biak rilo, uac harei bo oh thau glaih. Nyu daong ka drei var klaak abih dom glaih glar meng bruk ngak yaok harei bo oh labik halei hu yau nan lingiu di palei pala, dom labik sit sot yau di Phan Rang nan.”

          Bruk du lịch trải nghiệm bo sa-ai Trịnh Thúy Lan ndom nan, urak ini dom công ty du lịch di ban raya Hồ Chí Minh yau: Công ty du lịch Viet traveil, Saigon Tourist...  jeng daok yaih khan tal tuai damuai. Dom tuai damuai, abih di nyu nan lac tuai negar lingiu mboh chreih chrai saong biak takre kayua hu dom ilamu meng kan dalam baoh sang, ragu tamia saong pandap mbang huak Chăm. Sa-ai Lâm Thông Thái, hướng dẫn viên Công ty du lịch Viet Travel brei thau: “ …Du lich ini nyu birau dalam birau klak nan ye pachreih tuia damuia, rilo urang takre…”

       Bruk du lịch puk palei Ninh Thuận tui jalan trải nghiệm urak ini kayua  Công ty trách nhiệm hữu hạn dịch vụ du lịch “ Bi Travel” peih ngak. Công ty ini hu sa-ai Vạn Quang Vỹ, sa urang dalam palei padang tabiak di thun 2014. Sa-ai Vỹ brei thau, urak ini dom labik du lịch trải nghiệm di Ninh Thuận pachreih hu tuai damuai lac: palei ngak lan am Hamu traok, palei menyim khan bai Caik Kleing dalam ban sit Phước Dân, huyện Ninh Phước; palei njam hacih Tuấn Tú, mbon cuah Nam Cương di xã An Hải, huyện Ninh Phước; bein nho di xã Thái An, huyện Ninh Hải...Anak tal, sa-ai daok yaih khan tal tuai damuai rilo labik piah nao tal di tỉnh Ninh Thuận, tui rilo jalan trải nghiệm karei di gauk.