Labaih 200 pandap, dalam nan hu biak rilo pandap tamo hu pabak meng dom mbang roh duah di bhum kreh negar, di gah meraong negar birau ini hu ngak jeng sa bộ duah pataom biak siam  ndem ka saman Patao Hùng padang taneh ia di Muyim sajarah Ban raya Ho Chi Minh. Dom baoh hagal bar Đông Sơn ngak biak gheih meta yau brei mboh tabung glaong di ilamu kraong Hồng hu caik di labik praong, kreh bilik parang iek. Dom inem mek di gah meraong negar saman patao Hùng yaom lac oh hu rilo, min hu makna biak praong ka sajarah saong kỹ thuật. Tame labik ini urang hu mboh dalah mra meng ban, dalah to dhaong patau labaih 3.000 thun duah mboh di Binh Dương, Long An; dom janih baoh nyuk, kaong cuh takoi, parik tanye meng patau biak mekre duah mboh pak Đồng Nai, ban raya Ho Chi Minh…Ilamu Đồng Nai cổ đại ngan saong dom siam gheih takik mboh. Urang Viet dalam saman nan thau ngak tabiak dom pandap yau haning, mra, baoh ngan li-ua padang bruk ngak hamu pala padai. Dalam dom urang mai maong iek Muyim dom harei ini, sa-ai  Đoàn Vĩnh Hợp lac:

 “Tapa maong iek  dahlak mboh saman patao Hùng nan lac sa dalam dom saman bo bangsa drei hu rilo jak jeng siam mekre dalam bruk dak padang saong patagok taneh ia. Dahlak sahaneng lac taong abih urang halei mai labik ini jeng mboh hu dak rai sajarai biak bai di bangsa saong brei mboh bruk njauk ngak di dom rairah hadei dalam  khik caga taneh ia urak ini.

Jar var ralo di abih dalam dom harei ini njauk lac kapul urang langyah di muyim sajarah dak rai. Brau duh ka tuai dalam taneh ia ye tal tuai negar langiu. Birau lang yah blaoh sajarah dakrai, adei sa-ai njauk tacei jalan ka tuai tapa rivang saong cuh gilau hadar dhar phol Pô Hùng di  baoh kalan 18 Pô Hùng jaik nan. Sa-ai Trần Thị Ngọc Lan, Phó jabat parang iek Muyim sajarah dakrai Ban raya Ho Chi Minh brei thau: 

               “ Pacit da-a Po Hùng yaok thun, oh lac muyim sajarah dakrai bo bhap bini dalam taneh ia thei jeng pamaong tal bhum taneh halau gha. Piah pabak ka bruk langyah di drei, kapul lanyah maong tui sa jarah dak rai meng kan, saong khol dahlak jeng hu vak kadha langyah di drei kaPô Hùng, brei mboh dom siam gheih karei di kalan jeng yau bruk tabiak rai di nyu.

Pô Hùng padang taneh ia, nan lac 1 sama biak glaih glar min biak hadah hadai. Saman pambuak bruk diuk rai saong mesruh metak. Tapa nan nyu brei mboh lac Viet Nam drei saman cổ đại hu ilamu glaong, sumu saong dom taneh ia praong karei di dunya tuk nan. Piah pathau khan dom ilamu praong glaong nan di saman padang taneh ia ka urang mai maong iek hu thau, ye dom urang langyah di muyim  njauk buh rilo pren yava duah thau rilo jang. Tiến sĩ Hoàng Anh Tuấn, Akok Muyim sajarah dakrai di Ban raya Ho Chi Minh brei thau:

         Anak tal khol dahlak brei pabak tame dom bộ roh duah pandap saman Pô Hùng saong dom ilamu karei di taneh ia Viet Nam dalam saman nan. Langiu di nan, dom ialmu ky thuat khol drei kham merat ngak habar piah hu dom pandap pandar siam birau  di abih pabak hatai caong dak harei dak glaong di urang mai maong iek./.