Gaiy laneng thông minh hu pagam robot

  Gaiy laneng thông minh hu dua hệ thống praong. Hệ thống cơ khí hu: khung laneng, jamriak ngak brei tagok - trun, jamriak jhul nao mai, hệ thống njol drei, kik caik pandap mbang, pandap payeng kik, tangin robot saong Hệ thống mạch pandar peih atau padam tapa web, meng tangin, takai, tanut cảm biến nhịp baoh tai saong camera…

Gaiy laneng thông minh daong ka manuac pandar tui hatai caong khin meng tangin peih atau pandar tapa internet. Ngan saong dom urang daok pandar meng tangin hu ye peih bảng điểu khiển kayua urang ngak tabiak piah mek pandap mbang, ia menyum, duk huyết áp…Daok dom urang tangin takai oh daok megei hu ye gauk gar pandar internet tame web. Meng web tapa internet piah pandar hệ thống điều khiển saong pandar dom tính năng hu pandang ngak blaoh. Dom tính năng pandar dreih yau pandar meng tangin. 

Bruk pambuak internet daok meda hu daong urang pandar geiy laneng payua panuac brei thau dom kan kandah tal gaukgar tapa mail. Gauk gar tapa web meda brei ka urang ruak menyum  ia, menyum jru njauk tukvak njauk asar nyu atau mbang dom pandap mbang thu  yau bánh mì, ahar yamen…meng tangin robot pagam di laneng.

Dom urang ngak tabiak kik laneng nan khan lac, laneng đa năng ini daok hu pagam kalaok ia, pa-op jru hu kik caik pandap mbang piah pandar tuk mbang tuk menyum jru hu lagaih. Tuk gauk gar urang ruak khin brei menyum jru atau menyum ia, ye payeng kik kapal  mai jaik urang ruyak piah ba ia saong jru tame.

  Rilo tính năng hu dom urang ngak tabiak dalam geiy laneng thông minh hu lagaih ralo ka urang pandar. Urang ruak khin menyum ia meda brei dalah liah tame asar bi akaok vòi ia piah menyum. Daok tuk urang ruak khin menyum jru, ba cambuai tame phễu, cảm biến hồng ngoại meda payau tín hiệu  pia motor tabiak jru njauk janih hu caik bloh.

Langiu di nan, meng tangin robot hu pagam tame gaiy laneng, gauk gar yaom lac daok tah min meda brei urang ruak mbang dom pandap thu yau dom janih bánh mì, ahar, tapung ratak, tangei…Tuk ngak geiy laneng thông minh, dom urang ngak tabiak hu pagam dom tanut kateik piah daong urang hu lagaih jang duh ka drei saong payua panuac brei thau lac gaok kan kandah tal anek bhik.

Hùng saong Tân daok roh duah pagam pabak tame dom tính năng birau yau pagam đệm maxta daong ka urang ruak thư giãn, rik daong raidiuk hu siam jang, yau mat xa takoi, matxa ka-ing…Ba sap ndom tame pandar geiy laneng, urang pandar meda ieu tame  Google piah tangi sua ka bruk langik tasik, pang ragam daoh  atau iek video angaok Youtube…

Urang lang: Aí Nghiêm -3/12