Tui dom bác sĩ, cường giáp lac bruk tuyến giáp tabiak rilo hormone lac thyroxin saong triiodothyronin. Glaih glar, tagok kilo, ndih oh bingi, takoi birah praong, oh khin jaik diuk jaik pasang, pandik bak rup pabhap…dom bruk yau nan thau lac ayut hu ruak tuyến giáp.

Ruak tuyến giáp hu dua janih lac cường giáp saong suy giáp. Dom urang kumei metian ruak cường giáp labaih 0,5% saong suy giáp labaih 2% dalam dom urang kumei metian ndih tapui anek. Ruak cường giáp meyah oh hu iek ruak atau jru ruak ka sumu meda ba tal dom ruak biak trak, mbuan metai. Meyah dom adei sa-ai ruak cường giáp dalam tuk metian anek ye mbuan njauk jru mek anek dalam tian, mbuan labuh anek. Meyah ruak suy giáp ye anek njauk dom dị tật, glo akaok oh hadah krah. Trak jang, dom kuman menek tabiak oh mboh dị tật chip, bo tal tuk praong meng mboh hu.

Anak dom nguy hiểm di ruak cường giáp ngan saong urang kumei metian, dom bác sĩ Khoa Nội tiết – Ruak saradang, Sang iek ruak Bạch Mai kakei lac:Urang kumei ruak cường giáp meyah daok jru ruak ye njauk brei jru dhit ruak, tuk halei padeih jru meng brei metian anek. Meyah dalam tukvak jru ruak bo metian anek ye brei nao bac si chuyên khoa piah hu panuac tacei pato menyum jru ka nyu siam lagiah.

   Urang mbuan njauk ruak cường giáp lac dom urang hu ruak tuyến giáp meng dahlau di nan, bướu cổ; dalam sang hu urang ruak tuyến giáp; mbang dahlau metian jeng hu ruak tuyến giáp; dom urang kumei metian labuh anek, anek metai oh thau kayua meng halei…Meyah dom ayut hu gaok sa dalam dom ruak angaok nan njauk brei nao iek ruak piah thau saong jru ruak chip.