Ruak sởi lac ruak njom mbak jeng jit bhian mboh di uranaih, ruak hu mboh  luac thun min bhain rah tabiak  JIT dalam dom bilan đông- xuân. Ruak njom mbak meng jalan suah yava kayua gaok tapak song chất tabiak meng tarakong urang ruak. Ruak  sởi njaom mbak glong, tok cakak hu jalan bruk njom mbak ruak dalam bhap bini tuk hu  labaih >95% tỷ lệ miễn dịch hu khik caga siam dalam bhap bini.

Jit bhain hu chu kỳ meng  3-5 thun. Tong abih dom urang oh ka njauk ruak sởi atau oh ka hu pacang caga ginup meng  vắc xin sởi jeng meda njom ruak sởi. Ruak  sởi lac janih ruak lành tính, min mbuan si ngak patrun miễn dịch biak samar yau nan ye uranaih njuak ruak biak mbuan si njauk dom janih ruak gam tui karei karei yau viêm phổi, aik chraoh…. song meda trak jang  atau metai kayua dom janih ruak tui ni

Ruak  sởi lac ruak njom mbak  jeng jit pambak tapa jalan suah yava kayua  vi rút sởi ba tal . Kayua yau nan ye klauk  vắc xin sởi lac jalan pacang caga siam di abih. Piah pacang ruak hu siam lagaih, uranaih njauk hu klauk 2 mbang. Mbang ka sa hu klauk tuk uranaih hu 9 bilan, mbang ka 2 hu klauk tuk uranaih hu  18 bilan.
Oh hu vắc xin halei khik caga hu  100%. Meyah uranaih hu klauk sa mbang vắc xin sởi tuk 9 bilan, tok hu  80-85% uranaih hu pabak miễn dịch. Meyah uranaih hu klauk vắc xin sởi mbang ka 2 tuk 18 bilan ye tỷ lệ khik caga hu lac 90-95%.
Hadei di tuk njauk ruak sởi bloh atau hadei di tuk hu klauk ginup 2  mbang vắc xin tui  lịch klauk ye meda pacang caga hu luac rai.

Dom urang amaik brei ngak ginup tui dom tacei pato di urang jakar y tế tuk ba uranaih nao klauk . Tuk uranaih njauk ruak: brei pabak dinh dưỡng ginup piah caga lavang lavaih, tagok bruk khik caga hacih sa-at tagei, cambuai, khik hacih saat rup ka uranaih piah plaih njom ruak karei karei. Uranaih njauk ruak atau medil lac njauk ruak brei daok karei, brei padeih bac saong oh nao tal labik hu rilo menuac piah plaih njom mbak dalam bhap bini. Amaik ame song urang iek glang njauk sangka ba uranaih tal sang iek ruak tuk mboh urainah pandiak tabiak ban gam tui patuh./.