Pathau mikva saong taong abih gauk! Vẩy nến lac ruak klik mạn tính bhian gaok kayua tăng sinh tế bào saong viêm. Ruak klik bhian mboh lac dom tanut sambo meriah, tapaok kakah, bhian hu di mbaok, tangin, takai saong klik akaok. Kadha “Urang iek ruak” harei ini, daa mikva saong taong abih gauk duah thau ka ruak vẩy nến saong jalan pasiam ruak.

Hu jaik 1-2% menuac sia dunya njauk ruak vẩy nến.  Umo halei jeng meda njauk ruak vẩy nến. Min, ruak bhian tamuhdalam umo 15 tal 30 thun. Likei saong kamei jeng njauk ruak yau gauk.

Yau habar njauk ruak vẩy nến.

Makna biak di vẩy nến oh ka thau cambaih min ralo duah duah brei mboh vẩy nến hu pambuak tal gen saong rối loạn miễn dịch di rup pabhap urang ruak, meng nan ba tal dom tế bào klik tăng sinh biak samar saong bất thường. Dom yếu tố nan lac:

Chấn thương: vẩy nến meda mboh di klik njauk laka atau dom labik saluah sit.

- Jru: dom janih jru meda ba tal tamuh ruak atau ngak brei trak jang ruak vẩy nến yau jru tagok drah (ức chế men chuyển, beta-blocker), kháng pandiah dom tổng hợp (chloroquin).

- Stress: duh hatai, saneng kuhria rilo, ganong, stress bhian mbuan ngak brei tamuh ruak saong ruak trak jang. 

. – Langik tasik: langik li-ar saong thu mbuan tamuh ruak vẩy nến. Langik pandiak ngak patrun ruak. Min, hu menuac bhian tamuh ruak trak jang tuk nao di pandiak (vẩy nến nhạy cảm ia harei)

 –Alak saong pakao: ngak trak jang ruak vẩy nến.

Yau habar thau lac vẩy nến.

Vẩy nến bhian mboh  lac dom tanut meraih, tapaok kakah di mbaok. Labik halei jeng tamuh hu min bhian mboh ralo abih lac di klik akaok, kuk kieng, akaok ta-uk

Ngak yau habar piah thau lac ruak vẩy nến?

Thau lac ruak vẩy nến meng nao iek ruak. Bác sĩ chuyên khoa klik meda brei thau cambaih lac ruak vẩy nến. MEYAH oh ka cambaih laih, bác sĩ tacei brei sinh thiết labik klik laka piah thau cambaih. Duk iek drah atau ia me-ik oh brei thau cambaih ka ruak vẩy nến.

Hu biak ralo jalan pasiam ruak vẩy nến nan lac:

- Pak di labik: luk ralo janih jru hu pandar dalam bruk iek ruak vẩy nến urak ini min brei hu tacei pato di bác sĩ chuyên khoa klik, nan lac: corticosteroid, retinoid, hắc ín saong acid salicylic. 

Ruak vẩy nến njauk mbang menyum yau habar?

Ruak vẩy nến oh hu chế độ mbang  menyum halei karei. Min, urang ruak brei takik mbang pandap hu limek, alak bia saong brei pabak dom pandap mbang hu acid folic và omega-3. Vẩy nến lac ruak klik mạn tính bhian gaok. Urang ruak brei thau cambaih ka ruak jeng yau dom jalan iek ruak urak ini piah daong rup pabhap hu siam saong patrun patakik di abih dom biến chứng di ruak./.