Whitmore dok ieu lac ruak melioidosis, lac ruak njom mbak  cấp tính kayua  vi khuẩn ba mai.  Vi khuẩn ni duik dalam haluk, yau nan ye jalan njom mbak lac tapa dom labik saluah angaok klik gaok haong haluk atau ia hu vi khuẩn. Njom mbak tapa jalan suah yava tuk hít njauk dom thur mur hu vi khuẩn dalam dom mbang ngin khang dahlau meng hajan .

Dom roh duah brei mboh lac meda njom ruak tuk mbang pandap hu vi khuẩn. Oh ka mboh lac ruak njom mbak meng menuac tapa menuac atau njom meng athur tapa menuac tui jalan không khí. Kayua yau nan ye, dom urang ruak Whitmore bhian hu takik, prai rai  oh tamuh jeng jit  atau jit ruak prong.

Tui bác sĩ Đỗ Duy Cường, Giám đốc Pasak ruak  Nhiệt đới, sang iek ruak  Bạch Mai, Whitmore oh hu dom bruk hagait brei mboh cambaih laih song tapa chẩn đoán bhian meluk tapa dom ruak karei yau viêm phổi, lao phổi, áp xe cơ, nhiễm trùng huyết kayua dom vi khuẩn karei yau  tụ cầu, liên cầu... Thau cambaih ruak brei ngak dom  xét nghiệm phân lập song  định danh vi khuẩn dalam dom mẫu ruak meng drah, laneh, labe, ia me eik, atau  dịch não tủy.

Urang mbuan si njom ruak Whitmore rilo meng lac urang ngak nong kan kathaot, hu ruak meeik saradang, urang njil alak , urang hu ruak mạn tính gah phổi song  thận. Tukvak njom ruak  meng sa  tal 21 harei, bhian di nyu lac 9 harei. Dom triệu chứng bhian mboh di 2 tal 4 adit  hadei di tuk gaok  vi khuẩn. Urang ruak njom vi khuẩn Whitmore bhian pandiak, trun kilo, pandik tung  atau cada , pandik talang, pandik akaok song handaok rak . Ruak trak  meda ngak brei njom khuẩn drah ba tal metai. 

Urang praong njauk ruak bhian hu viêm phổi gam tui nhiễm khuẩn drah, viêm bàng quang, hu dom labik laneh angaok klik, hu urang ruak mboh viêm cơ, viêm khớp atau viêm màng não. Bruk kan kandah njauk biai nan lac ruak mbuan tamuh veik, urang ruak oh daok prein yava kayua ruak tamuh nao tamuh mai atau kayua iek ruak oh njauk phác đồ. Urang ruak metai biak glong, tal 40%.

Tal Urak ni  Whitmore oh ka hu vắcxin pacang ruak. Kayua yau nan ye , dom urang ngak bruk taom gaok taneh song ia rilo brei hu pandap pacang tuk ngak bruk, meyah hu saluak di langiu klik njauk iek ruak samar, saong iek ka nyu abih saluah./.