Sa-ai Thọ brei thau: Tuk nan diuk pasang  dahlak tok hu dom drei manuk, sa drei pabui.  Harei, diuk pasang dahlak tagok mbon caoh taneh bilau piah pala drak, melam mai trun kraong craoh chap ikan hadang piah paguh ba nao darak pablei duah jien. Kham merat yam tapa dom kan kandah tuk camereip, diuk pasang sa-ai peih taneh bilau hu 2 hecta. Tui jalan mek katut raong atah, sa-ai Thọ pala tangei, rabai piah raong baoh sang di drei, hadei di tuk  pablei hu jien sa-ai buh tame blei 50 phun kruac dopm janih saong 50 phun kruac bung Phúc Trạch pala di bein drei.

Hadei di dom thun glaih glar tuh ia hauk dauk ia drei, tal thun 2005, bein kruac saong kruac bung tabiak baoh yamen bingi mbang camereip, sa-ai Thọ pablei hu 35 triệu đồng. Thun 2006, sa-ai hu Ủy ban bhap bini huyện Hương Khê brei harak meyaom kayua naih gheih dalam bruk pasiam bein, pala phun mbang baoh. Bruk meyaom nan yau pabak prein khang ka diuk pasang sa-ai  kham ngak mbang jang.    

Meng khang hatai buh jien tabiak ngak mbang, salih janih phun pala, athur raong tui jaln bein-danao-var ro hu kein laba, meng thun 2012 mbiah tal ini, sang sa-ai yaok thun laba hu labaih 1 tỷ 200 triệu đồng, ba bruk ngak gam gam ka 10 urang saong yaok pluh urang pah tui bilan, jien mek tame meng 3 triệu meteh tal 4 triệu đồng sa urang sa bilan.

Oh lac ngak mbang naih joi, sang sa-ai Thọ daok lac sa dalam dom kareih camin ba akaok nao dahlaudalam bruk ngak tui dom sarak di Đảng, hukum di Karja saong dom adat di puk palei; hu mbaok tame ngak dom bruk di puk palei, tuk halei jeng nao dahlau dalam dom bruk di Kapul urang nong peih tabiak.

           Lac sa urang dalam mBan Chấp hành Tỉnh hội, sa-ai kham merat pathau khan, jak ba urang hội ngak siam domsarak di Đảng, hukum di karja, abih di nyu nan lac dom bruk pambuak tapak tal gah ngak nong, urang nong, palei pala, pala glai./.