Sa giao dan rik daong labaih 1 ty dong ka bruk padang ngak palei pala barau

  Nao tal xã  Xuân Đông, huyện Chợ Gạo tangi sua angan ông Trương Hồng Đủ (daok ieu lac ông Mười Xê) ye biak rilo urang thau tal. Kayua ong Đủ oh lac sa urang praong thun mẫu mực bo daok hu rilo rik daong ka bruk ngak di Nhà thờ Thủ Ngữ jeng ye dom bruk xã hội di xứ đạo ini. Abih di nyu nan lac dalam bruk padang ngak palei pala barau, sang ông daok rik daong pren yava saong jien padai halan hatian ngak. Meng labik lac tổ phó Tổ bhapbini tự quản ka 1, ấp An Lạc Trung saong lac thành viên Mục vụ Nhà thờ Thủ Ngữ xã Xuân Đông ông daok jak ba bhapbinin rik daong ramik pasiam jalan dal tame palei An Lạc Trung. Rup ông halan hatian brei 3.800 mét vuông taneh beir la –u piah ngak jalan nao mai dalam palei. Tuk ngak jalan ini, sang ông Đủ njauk tak klak 75 phun la-u 20 thun daok tabiak baoh yaom labaih 400 triệu. Kuhria yaom taneh saong dom phun la-u bo sang ông rik daong piah ngak jalan labaih 1 tỷ đồng.

Meng bruk ba akaok nao dahlau di sang ông, rilo sang dalam palei An Lạc Trung pachreih tui saong daok brei taneh, njam patam, phun mbang baoh piah ngak jalan njauk chuẩn palei pala barau. Ndom ka bruk ngak hu yaom glaong ini, ông Trương Hồng Đủ khan lac : Njauk ndom lac, Karja saong bhapbini pambuak gauk ngak ye dreih njauk brei hasit taneh riya, kein laba di drei piah hu jalan nao. Dalam nan, drei jeng nao, cei nai, dom anek saih nao, ridaih nao mai pablei salih mbuan jang nan ye drei njauk brei nao.

Ông Phạm Văn Tuất, akaok kapul urang praong thun xã Xuân Đông brei thau, tukvak tapa, ông Trương Hồng Đủ daok ngak siam dom bruk xa hoi di puk palei ye : jak ba Nhà thờ Thủ Ngữ saong mikva giáo dân rik daong pasang iek raidiuk ka sang sarak, anek saih kathaot; rik daong dak padang kapul urang praong thun khang kajap. Ông Tuất ndom lac : Saai Trương Hồng Đủ urang hội kapul urang praong thun hu hatai jum pataom, halan hatian brei taneh ngak jalan padang ngak palei pala barau. Tui jalan ngakt di Đảng, karja saai hu brei 3,8 công taneh pala la–u, tak klak 75 phun. Yau nan, biak njauk pambak praong, urang praong thun nao dahlau brei taneh ngak jalan yau saai Trương Hồng Đủ.                    

Langiu bruk hu mbaok tame bruk xa hoi, ông  Trương Hồng Đủ daok kham merat ngak mbang mek hu angan urang nong ngak mbang naih joi pakat huyen rilo thun. Taphia bruk glang iek labaih 1,5 ha la –u, ông daok raong pabui tui jalan trang trại. nan ye kinh te sang dak harei dak ginup meda. Ong hu tajuh 7 urang anek, urak ini dom urang anek di ông jak jeng hu bruk ngak tani tanat. Sang ông Trương Hồng Đủ lac sang ilimo hadah krah di xã Xuân Đông.

Yaom lac Xuân Đông nan xã pulao kaoh, raidiuk bhapbini daok kathaot min hu rilo kreih camin hadah yau ông Trương Hồng Đủ hu rik daong ka puk palei ini jhul samar bruk padang ngak palei pala barau. Ông Nguyễn Văn Mười, akaok uy mban bhapbini xã Xuân Đông, huyện Chợ Gạo, tỉnh Tiền Giang ndom lac : Ndom tal ông Đủ biak njauk pok meyaom, brei taneh ngak jalan bo oh ndok  bayar hagait, biak siam. Meng hu yau nan  bo bruk nao mai pajeng ba pandap di bhapbini biak mbuan lagaih.  Xuân Đông lac xã pulao kaoh nao mai biak kan kandah, min tuk padang ngak palei pala barau ye hu biak rilo urang nao hadah krah brei taneh  padang jalan  palei pala.

 Ông Trương Hồng Đủ brei thau : urak ini thun praong, dom urang anek hu bruk ngak saong jien mek tame tani tanat nan ye ông caik rilo tukvak ka bruk xa hoi. Dalam nan, daok jak ba bhapbini dalam saong langiu họ đạo kham merat ngak mbang, rik daong padang ngak xã palei pala barau, ngak ka xứ đạo Xuân Đông dak harei dak ginup meda./.