Urang lin biên phòng tangi rivang bhap bani 

Angaok jalan trun palei Giang Lố 1 pasang iek prein yava song brei pandap ka 2 muk hu đơn vị taduan rong, Trung tá Phan Trọng Bình, Đồn trưởng Đồn Biên phòng Sa Loong, BĐBP Kon Tum khan lac: “Dom harei puac thun, đồn patagok bruk ngak meng jalan tapen negar trun puk palei, langyah samar drah dom bruk mbo tabiak. Daok bruk jak ba bhap bini, langiu gah  thường trực di kapul ngak bruk pak ni, chỉ huy đồn song dom gah chuyên môn tuk padeih padei, harei padeih trun dong ka bhap bini pala drak, pasiam veik sang danaok, brei pandap, iek ruak, brei jru... Khol hulin kham ngak yau habar piah dong ka mikva caga raok Tết siam mekre, bui sambai di abih”.

Hu ba drei tame tapak dom mbang nao dalam melam yau ni, hulin meng mboh hu bruk trak damak di urang lin Đồn Biên phòng Sa Loong. Khik iek xã tapen negar Sa Loong hu 6 palei song 1.425 boh sang min hu tal 80% dalam nan lac bhap bini bangsa takik (rilo meng lac urang Xơ Đăng song Ca Dong). 

Dalam dom thun jiak di ni, hu Đảng, karja buh jien tame ngak rilo danak dak, dựán pattagok kinh tế, ilamu, xã hội nan ye rai duik mbang ngui dok dang di bhpa bini hu salih bahrau biak rilo. Bruk ngak pasiam cơ sở hạ tầng, abih di nyu nan lac điện, jalan, sang bac, bilai iek ruak hu pabak siam ka rai duik di bhap bini. Yaom lac yau nan, min duk saong dom labik karei dalam huyện Ngọc Hồi ye boh sang kan kathaot song jiak si kan kathaot di xã Sa Loong dok biak glong, meblah labaih 14%. Makna lac kayua ilamu dok bier, bruk ba ilamu kỹ thuật tame bruk ngak mbang pala drak oh ka hu prong dalam, hu dom menuac daok kurang thau, oh kham merat ngak mbang, mbuan njauk khol kanyah jhak dui tame ngak suan adat hukum, ngak lahik bruk jum pataom bangsa jum pataom agama. Song ni jeng lac bruk ngak jeng trak damak ka bruk jak ba bhap bini, padang ngak puk palei di urang jakar, urang lin Đồn Biên phòng Sa Loong.

Tuk vak tapa, gam song bruk patagok parilo urang jakar, urang đảng hu mbaok tame sinh hoạt di chi bộ puk palei, iek gah boh sang, padang pakajap chính trị cơ sở, jhul pakhang bruk khik iek jalan tapen negar, khik iek an ninh trật tự puk palei, Đồn Biên phòng Sa Loong pataom tame padang ngak dom bruk dong ka rahra patagok kinh tế, patruh eik patrun kathaot, dong iek ruak, daong bruk bac da-a, dong prein ngak bruk song mik va bangsa. Bruk hu mbaok di urang lin Biên phòng ngak jeng dom labik hadah hatai ranam gauk di labik tapen negar, pok meyaom janih siam gheih, tapa nan patagok pren khang jum pataom  quân - dân -chính-đảng. 

Yau ye sang  ong A Liên (bangsa  Xơ Đăng), daok di palei  Giang Lố 1. Labaih 5 thun dahlau, ni lac sa dalam dom boh sang kathaot abih di xã Sa Loong, drap ar lac  boh sang taik tahah song 5 urang  bhian kurang mbang. Kinh tế biak kan kandah nan ye dom urang anek sang ong A Liên, urang ye “tok duik” avar, urang klah bac meteh dhi  piah daong bruk sang, patrun naong trak di bruk pandar cai. Piah daong ka sang ong A Liên patruh iek, patrun kathaot khang kajap, Đồn Biên phòng Sa Loong taduan rong kamuan A Lao (anek likei di ong A Liên) dalam danak dak “Pok takai adei tal sang bac”, daok hu dong pabui pajaih glai, pasiam bein phun, patagok kinh tế boh sang. 

Meng 2 drei pabui pajaih, yaok rituh phun bời lời, gam song rilo harei ngak bruk  kayua đồn Biên phòng dong, kinh tế boh sang ong A Liên hu salih bahrau biak siam. Kinh tế tani tanat song patagok meng tapol pabui gam pablei pajaih gam pablei rilaow song bein  bời lời. Abih di nyu nan lac, meng hatai ranam di urang lin, kamuan A Lao oh lac tabiak truh bruk oh hu nao bac, bo dok bac naih joi. Urak ni, kamuan dok bac tal 10 langiu ban sit, yau brei mboj sa harei hadei hjadah hadai. 

Dom harei puac thun, bruk bui sambai yau hu tagok jang 2 mbang ngan song sang A Liên tuk ong hu Đồn Biên phòng Sa Loong brei vật liệu, daong prein ngak pasiam veik  boh sang piah uan raok Tết meng kan di bangsa. Ndom biai song khol hulin, ong A Liên brei thau: “Drei thau dar phol đồn Biên phòng biak rilo. Dalam 5 thun tapa, adei saai hu dong ka sang drei oh thau hadom pren ngak song jien ndo piah patagok kinh tế, tani tanat rai duik. Ja A Lao hu bac da-a tal labik tal dhua, hadei ni hu jalan padang rai duik siam mekre jang...”.

Hadei meng jak jeng di bruk rong pabui glai di sang ong A Liên, akaok thun 2019, Đồn Biên phòng Sa Loong daok dong pajaih ka sang ong A Móc, daok di palei Đắk Vang song muk Nguyễn Thị Thường, palei Cao Sơn. Meng hu rilo ilamu dalam tuk peih ngak mô hình nan ye kein laba meng bruk rong glang di dom boh sang hadei tuk halei jeng glong jang boh sang dahlau, tapa nan peih tabiak jalan nao bahrau dalam bruk patrun kan kathaot khang kajap di pak ni.

Patui bruk nao takai dalam melam song dom urang jakar, urang lin Đồn Biên phòng Sa Loong, khol hulin vaih tame rivang dom boh sang hu đồn kết nghĩa daong raong, dom urang đảng daok dalam bhum Biên phòng khik iek song dom labik ngak pahla. Di tong abih dom labik urang lin nao tapa jeng kandong veik dom panuac ndom, sap klau bak bui sambai song cong khin. Melam puac thun gleih glar min biak hajuan hatai  ngan saong urang lin Đồn Biên phòng Sa Loong, piah harei paguh urang daok piah ba rilo bui sambai tal dom puk palei bhum tapen negar./.

Urang lang: Hani Pha - 29/1