Tapa ralo thun ngak mbang, yam tapa kan kandah, tavak tave, ngak rao bruk, patak pataom hu hasit phun jien, thun 2009, Urang dahlau diah ngak bol lin angan Nguyễn Thanh Phong daok pak xã Hàm Đức, huyện Hàm Thuận Bắc, tỉnh Bình Thuận khang hatai padang doanh nghiệp ngak gah xây dựng saong pablei salih. Gam ngak gam bac, lavik nao sa-ai hu ba doanh nghiệp tame jalan ngak mbang grap tanat, pablei salih hu kein laba. Tuk rai diuk dalam sang hu grap tanat, sa-ai ginum haong diuk, yaok thun buh tabiak sa meneing jien laba duah hu di sang drei piah ngak pahla. Dalam kadha “Kareih camin palei negar” harei ini, daa mikva saong taong abih gauk pang kadha vak ndom ka kareih camin urang dahlau diah ngak bol lin daong ka urang kathaot ini.

Kayua bruk ngak mbang, njauk nao ralo labik, nao tal halei sa-ai jeng caik meta mong iek hu sang halei kan kandah khin daong halei oh, piah ka dom urang nan hu jalan yam tapa kan kandah. Dalam dua thun, sa-ai hu buh tabiak 200 triệu đồng piah daong ka mikva kan kathaot dalam palei. Sa-ai padang ngak hu 4 baoh sang alin brei ka dom urang dahlau diah nao ngak bol lin haong sa-ai saong dom baoh sang kathaot hu rai diuk kan kandah; alin brei 40 pok pandap dalam nan hu: brah, pandap mbang menyum, har meneng ka dom baoh sang kathaot tuk tết Nguyên đán; alin brei 27 pok jien bac ka anek saih kathaot bac da-a naih jioi; 20 harak bảo hiểm ka anek saih di sang bac Trung học cơ sở Hàm Đức; alin brei 355 pok pandap ka dom ranaih uan raok Tết Trung thu pak dom huyện karei dalam tỉnh yau: Hàm Thuận Nam, Bắc Bình…

Anit ka bhap bani bhum atah bayah daok gaok ralo kan kandah, sa-ai hu alin brei jien jaik 20 triệu đồng gam haong karja palei tuh bê tông 2 jalan brei ka mikva nao mai hu mbuan lagaih.

Nguyễn Thanh Phong hu Bí thư Huyện ủy payua harak pok meyaom kayua hu  thành tích xuất sắc dalam bruk bac megru saong ngak tui jalan hadah krah siam mekre di Hồ Chí Mimh saong hu Kapul urang dahlau diah ngak bol lin huyện Hàm Thuận Bắc palih ruah nao pathau khan điển hình pak Nyaom roya pakacah “Urang dahlau diah ngak bol lin naih gheih tỉnh Bình Thuận mbang ka V”./.