Mboh dom urang duan ve chai, pablei vé số, urang taha, uraniah nao likau mbang…mboh anit ka dom urang hu thar vak rambah rambup nan, thun 2011, ong Nguyễn Đăng Hoàng padang tabiak Hội Chữ thập đỏ Thiện Tâm hu 15 urang halan hatian ngak bruk pahla daong ka menuac sia. Di labik brei lisei chay Thiện Hòa di Phường 12, quận Bình Thạnh, yaok harei brei saoh pak di labik meng 300 tal 400 pok lisei ka dom urang kan kandah, ka sinh viên anek saih kathaot, ka urang taha daok sa drei, urang pablei vé số. Lingiu lisei chay brei saoh, meng harei ngar tal harei car yaok adit, Hội daok hu brei 1.200 suất bu ka urang ruak di sang iek ruak Ung Bướu. Harei adit brei 600 pok lisei ka urang ruak di Trung tâm Ung Bướu; brei 60 pok lisei ka urang taha daok sa drei di sang anit ranam baha Diệu Pháp di Phường 13, quận Bình Thạnh. Adei Ha Na Phi, palei daok di Tây Ninh, sinh viên sang bac Đại học Văn hóa ban raya Hồ Chí Minh hu ralo mbang huak lisei chay miễn phí di kuan lisei chay di ong Nguyễn Đăng Hoàng drut drui lac:

Băng tiếng Chăm:

Oh lac peih bruk tahanek lisei brei saoh ngak pahla, dalam angan lac urang dang akaok Hội Chữ thập đỏ Thiện Tâm, ong Hoàng daok hu jak ba dom mạnh thường quân daong jien viện phí ka 200 mbang blac raih meta ka uraniah, daong jien blac raih ka 34 urang ruak kan kathaot di sang iek ruak Ung Bướu; Padang 18 baoh tatua palei ka dom tỉnh Kiên Giang, An Giang, Cà Mau; daong jien bac ka 328.000 anek saih kan kathaot takre bac da-a yaok pok jien bac yaom 1.400.000; padang sang bac di tỉnh Bình Phước, Kiên Giang…

Lingiu jien daong di dom urang ngak pahla, dom urang hội, ong Hoàng daok patak pataom jien meng bruk ngak kiến trúc saong bruk pachreih tui di diuk anek piah ong hu tukvak nao ngak pahla. Hu tuk oh ginup jien, ong pablei taneh piah piah hu jien ngak pahla. Ong brei thau nan lac bruk ong biak takre saong jeng lac piah ba bui sambai ka dom urang oh patruah jamo, dom urang kan kathaot. Ong Nguyễn Đăng Hoàng, urang dang akaok Hội Chữ thập đỏ Thiện Tâm di Quận hội Bình Thạnh, ban raya Hồ Chí Minh khan lac:

 “27 thun dahlau, dahlak tui amaik tame sang iek ruak Ung Bướu. Mboh amaik brei jien ka dom urang ruak, meng nan dahlak mboh lac amaik tacei pato dahlak. Amaik lac anek ndih tapui tabiak lac tavak sraiy urang nan ye anek njauk bayar sraiy ka urang. Hadei di nan, dahlak saong 3 ayut padang tổ ngak bu camereip dalam sang iek ruak Ung Bướu, ngak bruk hu 16 ye. Mboh urang ruak saong gauk gar di dom urang ruak biak glaih glar kuhria jien mbang, jien viện phí. Tuk urang taduan hu bu brei saoh urang uan tabuan lô. Tapa nan dahlak mboh urang bui sambao lô, nan lac pren pachreih ba dahlak khik bruk ngak pahla ini”.

Ngan saong ong Nguyễn Đăng Hoàng, hu daong ka dom urang kan kathaot, urang rambah rambup, lac bruk bui sambai, haniem phul di ong./.