Dhar kapul urang kamei khu phố 11, ban sit  Phước Dân , urak ni hu labaih 300 hội viên, rilo meng lac urang Chăm. Piah paglong akaok sahaneng di adei saai dalam bruk khik ramik môi trường, dalam dom mbang pataom di  kapul, nyaom , kalup kapul urang kamei yaok bilan, saai chị Trưởng bhian jak ba urang kamei paglong akaok sahaneng ka bruk khik caga môi trường, hu mbaok tame bruk ngak hacih saat jalan mbak puk paga, patakik bruk pandar kadung  ni-lông tuk caik pandap mbang, tuk nao pasa, peih ngak siam bruk neh rabha nerak di sang, kham merat hu mbaok tame dom bruk khik caga jalan ia. Langiu di nan saai  Trưởng dok jak ba dom hội viên dalam dhar kapul hu mbaok tame bruk “ Jalan hajao- saat- mekre” Urak ni, bruk ngak ni hu hội viên abih hatai pachreih tui, hu mbaok tame khik ramik siam labaih 7km jalan meng pasak ban sit Phước Dân tal khu phố song jiak 10 jalan  hẻm dalam khu phố. Saai Thạch Ngọc Nữ Kim Giác – Phó akaok dhar kapul urang kamei khu phố 11 brei thau:

        “Saai Trưởng lac sa urang biak halan hatain…

Gam song bruk khik jalan “ hajao- saat- merke” saai Trưởng dok jak ba hội viên hu mbaok tame padang ngak hu 3 mô hình, kapul, kalup kapul hacih saat môi trường yau : Kapul urang kamei patom mek nerak, kalup kapul “ Oh rong pabui palao gah langiu”, Kalup kapul urang kamei 3 saat… Abih di nyu nan lac, tapa mô hình kalup kapul “ Oh rong pabui palao gah langiu” rilo boh sang urang kamei di labik ni hu salih bahrau jalan rong meng kan, hu mbaok tame khik ramik siam tapon pabui di sang, dong khik ramik môi trường  khu phố saat- mekre.  Saai Trưởng brei thau:

- “ Ngan song athur rong bo nduac palao dalam palei …

Taphia di nan, dom labik công cộng dalam khu phố yau : Pasa, mblang pasram, saaiTrưởng jeng hu jak ba dom urang ngak pahla dong 2 thung caik nerak cố định  piah urang buh nerak tuk nao pasa atau tuk rah tabiak bruk ilamu thể thao,  hu 1 radeih mek nerak, bhian pataom mek nerak di mik va dalam khu phố tuk beir harei yaok adit. Saai bhian kakei, pachreih ba urang dalam khu phố tuh nerak njauk tuk, njauk labik, khik hacih saat taom dar sang, jalan dhuan, pala phun hajao ngak  mỹ quan đô thị, jeng labik hajao mekre dalam khu dân cư… Tapa dom bruk  ngka di saai Trưởng song bruk dong ba  abih drei di dhar kapul urang kamei khu phố 11, puk palei harei nihu hacih saat, laneing lanoi jang rilo. Sa-ai Trưởng hu Kapul urang kamei huyện  Ninh Phước, Kapul urang kamei ban sit Phước Dân song karja  khu phố pok meyaom kayua kham merat khik caga môi trường, khik ramik khu phố  11 Hajao- hacih- mekre./.