Nan lac saai ALăng Thị Nhường, bangsa Cà Tu, Akaok Kapul Liên hiệp urang kamei  xã Chà Val, huyện Nam Giang, tỉnh Quảng Nam tuk halei jeng ba abih pren yava ka bruk ngak, dong mik va kan kathaot. Meng hu saai bo rilo adei saai kumei yam tapa hu adat cambat tanarakun klak oh daok lagaih ka thar vak di urang kamei bangsa Cà Tu dalam sang, peih prong akaok sahneng, thau ka bruk dalam xã hội. Dalam kadha: “Kreih camin palei negar” harei ni, daa mik va song tong abih gauk pang kadha vak di Thanh Tâm hu khan tal kreih camin ni.

Hadei di tuk bac bloh tal bac Trung cấp Phụ vận di sang bac urang jakar kamei Trung ương, saai mai ngak bruk veik di kapul Liên hiệp urang kamei huyện Nam Giang. Hadei di nan, saai mai xã Chà Val ngak Chủ tịch kapul  urang kamei xã thun 2001. Labaih 20 thun ngak bruk, tuk halei saai jeng ngak siam bruk hu jao brei. Saai hu pataom adei saai tapa dom kalup kapul song peih tabiak dom bruk dong ka adei saai dak harei dak jum pataom gauk jang, yau kalup kapul oh ndih tapui anek ka 3, kalup kapul iek harak mbao di xã,  kadung jien dong ka boh sang kan kathaot. Langiu bruk Hội, saai dok dang tabiak brei ka adei sa-ai kumei hu mesraiy phun jien meng gilang pariak sarak karja huyện, piah adei saai hu phun jien ngak mbang, padang dom kapul patak pataom piah jak ba adei saai anit ranam gauk dong ba gauk. Tal urak ni dalam xã hu 11 kapul song 150 urang dong ka dom adei saai hu phun jien ngak mbang, patruh kan kathaot. Saai dok hu tapa Kapul nông lâm 2 (di Kapul Kinh tế -Quốc phòng 207) bac megru ilamu rong glang, pala drak bloh gam saong dom urang jakar, urang lin ba phun pajaih tabiak darak pasa song nao tal yaok boh sang tacei pato mik va jalan pala phun, pabam pajaih song palih phun pajaih siam, jalan buh khak song pandar khak, meng nan dong ka mik va salih bahrau jalan pala drak, dong patagok rai duik dalam boh sang.

Saai ALăng Thị Nhường khan lac, ngan saong saai, haniem phol praong di abih dalam bruk ngak di drei nan lac mik va Cà Tu urak ni thau cambaih ka bruk ngak di urang kamei, quyền likei kamei samu gauk, quyền hu bac da-a song bruk patagok akaok sahaneng. Urang kamei Cà Tu drei jeng dok rilo kan kandah kayua adat cambat klak oh ka hu tah klak abih .