Dahlau daih, sang saai Nguyễn Thị Kim Phượng biak kan kandah kayua oh hu jien ngak mbang. Hadei di tuk bac tamat trung cấp thú y, saai mai palei ngak bruk klauk jru pacang cakak ka tapon athur saong patak pataom hu hasit phun jien piah blei sa drei pabui binai mai raong. Hadei di nan, drei pabui ini menek tabiak 9 drei pabui nek saong saai caik veik raong patagok tapon. Piah ngak hu bruk ini, saai khang hatai pah taneh di urang karei piah patagok raong glang trang trại. Tal urak ini, saai hu ngak po 4 trang trại pabui di dom xã Tân Mỹ Chánh (ban sit Mỹ Tho), xã Song Bình- Long Bình Điền (huyện Chợ Gạo) ngan saong taneh praong 4,5 ha ngan saong labaih 3.500 drei pabui; dalam nan hu 500 drei pabui binai saong 3.000 drei pabui ralo. Ini lac baoh sang raong pabui praong abih di tỉnh Tiền Giang jeng yau dalam bhum taneran kraong Cửu Long.

Piah raong pabui mek hu kein laba glaong, saai Phượng thau kajap dom ilamu raong glang, abih di nyu nan lac bruk pacang cakak jit ruak; palih ruah pajaih siam saong ngak var ro mek hu tanut chuẩn, patakik ô nhiễm môi trường. Pabui di saai Phượng raong hu urang blei taong yaom biak glaong kayua nyu limek, klik siam saong trọng lượng biak chuẩn, rilo ralo. Abih di nyu nan lac oh pandar dom janih oh brei pandar dalam raong glang. Urak ini, dom var ro raong glang ini hu padang ngak biak tani tanat, laneng lanoi, hu labik “iek ruak” piah iek glang pabui ruak. Dom trại daok hu đệm tauk sinh học, ngak dom lubang ka chất thải, ia thải meng var ro, ngak duk thí nghiệm khik piah tinh pabui, jamriak siêu âm ka pabui binai, pagam thẻ ka pabui saong caik dom camera tui iek dom trại pabui…. Yaok adit, dom trại pabui di saai Nguyễn Thị Kim Phượng pablei jaik 70 drei pabui ralo, samu 70 tạ. Tui kuhria yaok thun taphon pabui brei laba jaik sa tỷ đồng. 

Lac po di 4 trang trại pabui saong po di sa cửa hàng pablei jru thú y, pablei pandap mbang athur raong nan ye bruk ngak di saai Nguyễn Thị Kim Phượng biak jar var. Yaok harei saai medeih meng saboh mesup piah ngak dom bruk yau: mek tinh pabui pabak ka trại, tư vấn pablei pandap mbang, jru thú y, nao rivang var ro, pasang iek sổ sách… Bruk ngak yaom lac biak jar var min urang kamei ini biak bui sambai kayua raong hu taphon pabui duh ka xã hội saong ba bruk ngak ka urang ngak. Langiu bruk lac po di 4 trại raong pabui praong abih tih 4,5 ha taneh, sa-ai Nguyễn Thị Kim Phượng daok pambuak bruk raong pabui daong ilamu, anek pajaih, pandap mbang daong ka ralo urang nông karei di tỉnh Tiền Giang piah patagok bruk ngak, yam tagok truh kan kathaot. Rilo thun gam saai hu pok brei angan urang nông ngak mbang naih joi pakat tỉnh; hu thủ tướng rajaei alin brei bằng khen kayua naih gheih dalam bruk ngak mbang pablei salih. Amuk  Nguyễn Thị Ni, akaok kapul urang kamei xã Tân Mỹ Chánh, ban sit Mỹ Tho lac: kreih camin di saai Phượng – sa bruk raong glang di tỉnh. Kapul urang kamei, kapul urang nông kol dahlak tuk halei jeng iek praong saai. Jalan anak tal kol dahlak pambak praong bruk ini piah daong ka urang hội saong urang kamei dalam xã patagok kinh tế.   

Urak ini, urang raong pabui bhian gaok kan kandah ka bruk pabei tabiak abih di nyu nan lac jit ruak saong bruk merak gauk khang saong ralo negar lingiu ba tame, min tui saai Phượng, tuk thau cambaih ilamu raong pabui, ngak var ro njauk kỹ thuật, meda khik kajap hu tapon pabui pablei ralo chất lượng siam, hu pren khang merak gauk di drak pasar: saai lac: Jalan anak tal dahlak brei khik kajap yau ini saong patagok tapon. Patagok tapon pabui binai piah daong ka dom sang bhap bini oh hu phun jien. Drei pabak anek pajaih , pandap mbang ka urang, chất lượng tapon pabui hu glaong.

Umo barau labaih 40 thun min lac po 4 trang trại pabui kiểu mẫu  mek tame jien tỷ yau saai Nguyễn Thị Kim Phượng daok di xã Tân Mỹ Chánh, ban sit Mỹ Tho, tỉnh Tiền Giang lac biak takik mboh. Saai nan lac kreih camin di urang kamei yam tapa kan kandah, thau ngak kaya meda meng plak tangin, meng glo akaok di drei./.