Bruk palih ruah urang ka Quốc hội mbang  XV song  HĐND vaktu 2021 -2016 hu jak jeng abih gah, khik hu dân chủ, samu gauk, siam mekre, njauk song bruk batabiak song njauk hukum. Kuhria tal 19 tuk harei 23-5, urang dalam negar nao plih ruah hu labaih 99,16% . Rilo tỉnh ban yau Cao Bằng, Bắc Kạn, Điện Biên, Hà Giang, Đắk Nông, Bình Định, An Giang, Bà Rịa-Vũng Tàu, Bạc Liêu, Bến Tre… hu urang nao palih ruah  tagok tal 99%. Dom  tỉnh bhum ceik yau Lạng Sơn, Lào Cai hu tal 99,98% urang nao plaik phiếu palih ruah.

Mitri pato magru bahrau taduan hu panuac khan cambaih laih di kapul pakacah pakat negar Việt Nam hu mbaok tame pacacah Olympic Vật lí Châu Á - Thái Bình Dương (APhO) thun 2021. Tui nan, abih 8 anek saih dalam kapul pakacacah pakat negar Việt Nam jeng mek hu jai. Abih di nyu nan lac, mbang camriep di abih Việt Nam hu anek saih mek hu điểm glaong abih di mbang pacacah ni. 8 jai di anek saih Việt Nam hu 2 Huy chương ameh, 1 Huy chương pariak, 3 Huy chương ban saong 2 harak mayaom. Huy chương ameh di adei Nguyễn Mạnh Quân saong adei Trần Quang Vinh, dua adei jeng lac anek saih tal 12, sang bac Trung học phổ thông chuyên Hà Nội - Amsterdam, ban ine Hà Nội. Hu mbaok tame APhO thun ni hu 23 kapul meng dom negar saong bhum taneh ngan haong 181 urang pacacah. Dalam nan, hu 5 kapul tuai hu 37 anek saih pakacah.

Khaw tin mesup  ni 24/5 di mintri  Y tế brei thau hu bahrau 58 urang njom COVID-19, dalam nan hu  2 urang tame negar suan hukum brei dok karei chip; 56 urang daih  dok di  6 tỉnh, ban, taeng Bắc Giang hu 33 urang. Mong 12 kreh melam 24/5, sang iek ruak K labik  Phan Chu Trinh song labik Tam Hiệp yah klaak bruk pacang cakak, hu peih pabahmbang ngak bruk veik di harei ini.

Labaih 8,2 tỷ đồng lac abih tih  jien padai bo UBND tỉnh Bình Phước daong ka urang nong hu phun amaraik kalu metai ngan haong yaom daong lac 5 triệu đồng/ha. Tui nan, urang hu UBND tỉnh Bình Phước brei daong lac sang kathaot, sang jaik kathaot, sang mikva bangsa takik. UBND tỉnh Bình Phước ieu kakei UBND dom huvện, ban sit peih bruk pasang iek, padang angan ka nyu cambaih laih dom baoh sang njauk daong. Gam haong nan, pandar paoh jien caga di kadung jien kanja pakat huyện piah daong urang nong hu phun am maraik kalu metai.

Tui dom urang ilamu di  Công ty Savills, bruk pandiak yaom taneh dok trun min taneh riya sang danaok, abih di nyu nan lac taneh di dom labik  hu jhul tagok biak glong, oh njauk haong yaom biak di nyu. Yaom taneh tagok glaong rah tabiak di rilo labik dalam vaktu tapa, jhul yaom rilo sang danaok taneh riya laik tame yaom oh biak ba tal khat lahik ka rilo urang ngak mbang ; ba tal cuang kandah ka rilo menuac urang, kapul nyaom song bruk kinh tế...

Vaccin caga covid-19 di Hãng jru Mỹ Mô-đơ-na (Moderna) harei kabroi hu nao tal tỉnh Ai-chi  di negar Japon, dahlau di tuk tỉnh ni peih bruk klauk jru caga ka urang taha di 2 labik praong di mblang kapar ahaoh Na-go-y-a saong di Đại học Y Phu-di-ta (Fujita). Jeng dalam harei ni, 2 labik klauk jru praong abih hu hu padang tabiak di Tokyo saong Osaka ngan haong prein klauk ka 15 ribau urang yaok harei. Rajaei Nhật Bản hu padang 2 labik ni piah ka hu lac taong abih rahra praong thun hu klauk jru caga di puac bilan 7.Ni lac mbang camriep vaccin di Mô-đơ-na hu pandar di Nhật Bản saong pandar di dom pasak klauk jru praong.

Thủ tướng Ba Lan Ma-te-ớt Mô-ra-uých-xki (Mateusz Morawiecki) harei ni  hu panuac oh njauk hatai haong bruk Karja Bê-la-rút (Belarus) ieu par trun chip sa kapan haoh pajeng tuia song chap khik Rô-man Prô-ta-xê-vích (Roman Protasevich), urang dahlau deih ngak Tổng biên tập di  kênh Nếch-xta Te-le-gram (Nexta Telegram).Thủ tướng Mô-ra-uých-xki brei thau,  ông hu panuac ieu akaok Hội đồng châu Âu Sác-lơ Mi-xen (Charles Michel) peih prong danak dak ginum biai di nyaom biai pakat glong EU peih tabiak dalam 2 harei  24-25/5 song pasang iek dom jalan tong phạt meda batabiak pandar ngan song karja  Belarus gam tal mbang par  di Ri-an-ne-ơ (Ryanair).

14 Urang metai saong sa ranaih sit njauk rambuac trak tuk cáp treo rivang main tagok ceik glaong nyu klaoh, ngak ka radaih cáp laik trun mbon ceik saong pacah abih di gah barak Italy. 9 cabin gaok bala di harei 23/5 daok pajeng 15 urang tagok tabung ceik di gah cáp Stresa-Mottarone- lac labik tuai damuai meda pamaong iek thaot binguk biak ghieh di ceik Alps,  nyu laik trun tuk bahrau nao tal kreih ceik glaong 300 mét dalam tuk tabung cáp glaong jaik 1.500 mét dut saong mbaok ia tasik./.

Urang lang: H.Pha – Thu Thảo  24/5/2021