Thau lac bruk ngak nong, ngak glai pambuak song tiểu thủ công nghiệp, dịch vụ du lịch lac jalan ngak kinh tế, dom thun tapa, bhap bini huyen Ninh Phuoc kham merat dalam taong abih gah, dut song thun 2010 tong abih yaom pandap ngak tabiak di dom gah thun  2015 tagok jang labaih 2 mbang, tốc độ patagok dalam tuk vak  2011 – 2015 hu 16,4%; bruk ngak nong, ngak glai song ngak ikan  tagok 13,51%; công nghiệp – tiểu thủ công nghiệp – padang ngak tagok 24,53%... Jien mek tame kuhria rah tapa tui akaok menuac  hu jaik 24 triệu đồng, tagok jaik 3 mbang dut song thun 2010.

Peih ngak danak dak pakat negar padang ngak palei pala bahrau, Ninh Phuoc tuk camereip jeng ngak hu rilo bruk prong. Akaok sahaneng di urang jakar, bhap bini ka danak dak pakat negar padang ngak palei pala bahrau hu salih bahrau biak siam. Gam song phun jien buh tabiak di karja, dom puk palei dalam huyen Ninh Phuoc hu jak ba siam dom pren khang rik dong dalam bhap bini piah ngak pakhang, pasiam  tong abih jalan mbak nao mai dalam Xa, 57,5% jalan palei atah abih tih labaih 76 km; 47,2% jalan dalam mblang hamu atah abih tih jaik 79 km…mbaok meta palei pala dak harei dak salih tui jalan siam mekre, hadah hadai. Dalam thun 2015 huyen Ninh Phuoc hu 3 dalam 8 xa mek hu tanut pakat negar ka bruk padang ngak palei pala bahrau nan lac Phước Thái, Phước Sơn song Phước Vinh. Ong Lưu Tích Thủy – Akaok xã Phước Thái brei thau dom ilamu dalam tuk peih ngak danak dak pakat negar padang ngak palei pala bahrau

Dalam huyen urak ni hu 46/71 palei , khu pho hu pok brei angan lac palei, khu pho ilamu. Dom inum krung ilamu, dom labik ilamu hu buh jien tabiak piah pasiam veik, dong khik ramik inum krung ilamu song duh ka bruk ngak adat  di bhap bini. Dom bangsa dalam huyen jum patom gauk, dong ba gauk patagok KT, khik ramik rai duik ilamu siam mekre, talei rohim anit ranam gauk dalam puk paga, ba gauk padang rai duik ilamu dak harei dak tagok. Ong Phạm Văn Thể - Phó Bí thư Đảng ủy xã Phước Hữu, huyện Ninh Phước, tỉnh Ninh Thuận lac:

Di xa Phước Hữu hu 7 palei, dalam nan hu 4 palei mek hu angan palei ilamu song tuk halei jeng khik kajap angan ini . Yau palei Tân Đức hu 6 thun gam hu pakat angaok  pok brei angan palei ilamu. Peih ngak hu bruk jak ba, njauk ndom lac Mặt trận saong dom kapul nyaom hu peih ngak biak siam, abih di nyu nan lac bruk pachreih tui di bhap bini. Dalam nan hu padang ngak song patagok hu bruk padang ngak boh sang ilamu, palei ilamu, padang hu kadung jien ka urang kan kathaot, boh sang jum pataom ka dom  sang kan kathaot, iek glang siam ka dom baoh sang jaik si kathaot, langyah siam dom bruk  an sinh xã hội".

Tapen dom pren khang dong ka KT huyện dak harei dak patagok, Ninh Phuoc lac huyen hu rilo bangsa adei saai daok diuk rai. Yaok bangsa, yaok bhum palei hu sa janih ilamu, adat cambat, tanarakun karei di gauk, ngak ka huyen hu sa janih ilamu hadah krah, mbak carak ilamu bangsa. Bhap bini dom bangsa di labik ni sa hatung hatai jum pataom gauk, dong ba gauk. Akaok sahaneng di bhap bini jeng hu patagok, mikva thau hu yaom glaong di bruk brei ka anek nao bac. Gah pato pakai Huyen hu buh jien tabiak piah patagok cơ sở vật chất, sang bac song   chất lượng pato pakai dak harei dak patagok. Ong Pham Y, phaok akaok UB bhap bini huyen Ninh Phuoc, tinh ninh thuan daok brei thau lac: 

Dalam dom thun tapa, huyen thau patagok pren khang jum patom dom bangsa, dom agama jak ba gauk padang ngak palei pala bahrau, ieu pataom pren di bhap bini pataom piah patagok KTXH, patagok jalan mbak palei pala,, jalan krong ribong, padang co so vật chất ka gah  pato pakai,  y te, peih ngak dom sarak an sinh XH karei karei. Meng nan, KT patagok samar song sarak an sinh XH hu khik kajap, pabak ka rai duik di bhap bini

Meng pren khang di drei song meng hatai kham merat, tari tareing, bhap bini dom bangsa dalam huyen Ninh Phuoc dok patagok pren khang di drei,  patagok KTXH, ba Ninh Phuoc dak harei dak nao tagok./.