Danak dak kayua dam dara padang ka puk palei 

Sở Thùng daok di jalan Phan Văn Trị phường 11, quận Bình Thạnh, jiak quận Gò Vấp, ban raya HCM.Meng dom thun  60 di abap dahlau, ni lac bhum taneh joa lange, hu rilo danao ia, lac labik tuh hareik meng grauk labik ba mai. Dahlau di thun 1975, yaok harei hu yaok pluh boh thung khak meng dom nhà vệ sinh di dom căn cứ lin Mỹ hu ba mai ni,nan ye angan Sở Thùng hu tabiak rai meng nan.

        Ngan song rahra daok di Sở Thùng, mbaok meta labik ni urak ni hu salih bahrau biak biai. Jiak 1.340 boh sang song 5.000 menuac, rilo meng duik rai meng bruk duan hareik song pablei salih sit. Yaom lac duah jien biak glaih glar, min mik va tuk halei jeng pachreih tui, ngak siam dom bruk jak ba di karja, kapul nyaom. Abih di nyu lac oh kurang  bruk hu mbaok di  Ban ngak bruk  mặt trận khu phố, tuk halei jeng sangka tal rai duik di yaok boh sang kan kathaot. Taeng thun 2019, hu 130 sang hu khu phố dong brei mesraiy labaih 3,3 tỷ đồng; 22 anek kamuan sang kathaot, jiak si kathaot taduan hu pok jien bac yaom jiak  40 triệu đồng.Ban ngak bruk Mặt trận khu phố jeng hu dang tabiak peih ngak dom mbang blei pandap tani tanat yaom kaom, peih ngak var mbang dinh dưỡng song alin hadiah pandap ka dom boh sang urang bangsa takik, jaoh jo, daok sa drei…Amuk Đinh Thị Thùy Trang, umo 52 thun, ngak bruk pablei ve chai rong  4 urang taco metui medar nao mbang bac, hu  phường dong  50 triệu đồng ngak sang anit ranam. Muk Trang drut droi tuk hadar tal hatai ranam di karja song mik va dalam khu phố: Ủy ban hu dong, bloh puk paga mboh rambah lo, kurang anak kurang likuh jeng mai dong, ruak kik pandik harao ye brei jien piah blei jru tavoa. Dok jien bac ye hu  sơ di  nhà thờ dom bilan brei  1 triệu đồng. Khu phố ye meng dahlau mai dom kanuan nao bac jeng hu brei jien bac.

        Dahlau deih, menuac sia di  khu phố 7 rilo meng ngak bruk parabha hareik piah duah jien, diukrai tapa harei, min urak ni, meng kham merat ngak mbang, nan ye rilo menuac blei hu taneh padang ngak sang, tani tanat rai duik. Bruk njauk uan tabuan lac  khu phố 7 urak ni oh dok sang kathaot , tok dok 17 boh sang jiak si kathaot  tui tanut di ban raya. Tui muk  Nguyễn Thị Kim Hoàng, Phó Ban ngak bruk  Mặt trận khu phố 7, dom boh sang ni dok hu tui iek piah pabak dom tanut labaih kurang :17 boh sang ni  ye anak tal khol hulin hu dong yam tapa tanut chuẩn, ka sa lac ba brei bruk ngak song tui iek  boh sang khin hagait piah dong brei. Tapa bruk iek glang tapak yau nan, bhap bini, meng pachreih tui bruk di Ban ngak bruk  mặt trận song  khu phố.

        Pachreih tui bruk jak ba “Tong abih bhap bini jum pataom padang ngak palei pala bahrau, đô thị văn minh”, taong abih 20 tổ dân phố di  khu phố 7, phường 11, quận Bình Thạnh, ban raya HCM hu tut angan tame bruk  “15 minte  kayua ban văn minh - hacih saat”. Yaok adit mik va caik tabiak 15 minite piah puh ramik  labik  công cộng, pala song iek glang phun hajao taom dar sang drei. Meng akaok thun tal ni, mik va khu phố hu peih 15 mbang puh ramik, pataom hu labaih 3,5 tấn hareik. Ong Nguyễn Văn Cảnh, Trưởng ban Dân vận Quận ủy quận Bình Thạnh, TPHCM brei thau, ngak hu yau nan meng hu bruk pachreih tui di di bhap bini:Tapa peih bruk jak ba “Tong abih bhap bini jum pataom padang ngak palei pala bahrau, đô thị văn minh”, bhap bini hu mbaok tame pathau khan jak ba song peih ngak biak siam. Bruk jak ba ni hu pambak khang dalam khu dân cư, rahra thau hu bruk ngak công dân di drei.

        Ngan song menuac sia di Sở Thùng,oh hagait bui sambai jang tuk rai duik pak ni dak harei dak hadah hadai, bruk kanjah jhak, dak harei dak  kadun likuk.Dom boh sang sit sot, taik tahah hu siam mekre jang, abih di nyu lac meng di tuk hu jalan vành đai Bình Lợi -Tân Sơn Nhất nduac tapa (dok ieu lac jalan roya Phạm Văn Đồng).Urak ni, rilo menuac di  Sở Thùng jeng dok duik meng bruk ngak hareik, min, urang kathaot takik gleih glar jang, uranaih hu bac daa, dam dara hu bruk ngak tani tanat, oh dok mbang ma-in yau dahlau deih.Bhum taneh Sở Thùng hu cuk tagok rup drei blah aow bhrau, rai duik siam mekre bak hatai anit ranam gauk, jum pataom gauk song daong ba gauk./.

Urang lang: Hanipha