Phước Thuận lac sa xã bhum taneran, daok atah di pasak huyện Ninh Phước tỉnh Ninh Thuận  jaik 10 km, hu pacang meng dua baoh kraong lac kraong Dinh saong kraong Quao. Dalam xã urak ini hu 7 palei, hu labaih 3.925 sang, jaik 17.000 menuac, lac 2 bangsa Kinh saong Cam. Dom harei camereip bahrau peih paha,  xã Phước Thuận gaok rilo kan kandah, hạ tầng oh hu hagait, bruk ngak mbang lac ngak nong min daok lạc hậu, pagam pambak tame ia lingik. Anak dom kan kandah nan, hu bruk sangka di Đảng, Karja gam saong bruk kham merat, jum pataom di Đảng bộ, bhap bini dalam xã, dom thun jaik ini, Phước Thuận hu salih bahrau biak siam. Ông Đặng Em, urang dahlau daih ngak bol lin palei Vạn Phước, brei thau: xã Phước Thuận urak ini karei paje, taong abih jalan hu tuh bê tông, dom sang bac, bilai iek ruak jeng hu ramik pasiam atau padang ngak bahrau, raidiuk di bhap bini hu salih bahrau.

      Maong rah tapa, bruk cakrok di xã Phước Thuận mboh biak cambaih dalam tukvak meng thun 2011-2015, tuk xã ba tangin tame ngak danak dak bruk ngak negar padang ngak palei pala bahrau. Mikva urang nong salih phun pala,  janih raong, patagok kinh tế sang,  padang bhum pala tui jalan ngak tabiak pandap piah pablei, padang angan je ka dom janih pandap dalam palei yau ye phun medar, nho saong dom janih njam patam. Pataom tame bruk dồn điền, đổi thửa piah ba jamriak tame ngak nong.  5 thun tapa,  xã jak ba hu jaik 23 tỷ đồng piah padang ngak palei pala bahrau, dalam nan, phun jien di bhap bini labaih 4 tỷ đồng. Lingiu jien mbaok, bhap bini daok rik pren, brei taneh, pandap panda piah ngak jalan palei, ngak sang ilamu, rik daong haong đảng bộ, karja ba puk palei mek hu chuẩn palei pala bahrau..

   Rilo mô hình bahrau, ilamu kỹ thuật bahrau, hu mikva pandar dalm bruk  sản xuất, ba mai kein laba glaong, abih takik jien buh tame ngak saong paglaong jien mek tame ka urang nong yau ye mô hình “1 njauk, 5 trun”, “3 trun 3 tagok” angaok phun padai, năng suất hu jaik 7 tấn/ha; mô hình “palag nho, medar pambuak haong raong pabe, pabo, limo”, “Pala Nho an toàn tui chuẩn VietGAP”, “Pala njam an toàn tui chuẩn VietGAP”... Urang nong xã Phước Thuận hu salih bahrau jalan sahneng, thau ilamu kỹ thuật, thau sahneng, thau ngak. Lingiu di nan, pachreih ba dom doanh nghiệp, trang trại, kapul nyaom, menuac urang patagok dom bruk ngak meng kan saong dom bruk sản xuất meng dom kaya pandap di palei yau ye nho, medar, pabe, pabo... Dalam nan, hu dom cơ sở padang hu angan je angaok darak pasar yau ye Cơ sở ngak Nho hacih saong Vang Nho Ba Mọi, Vang Nho Thiên Thảo, Trùn quế Vạn Long, pabe Triệu Tín…abih di nyu nan lac padang hu Chỉ giới địa lý cừu Phước Thuận. Taphia nan, công nghiệp-dịch vụ-thương mại jeng cakrok samar saong rilo janih, pambuak patagok du lịch haong bruk ngak nong. Bruk ngak mbang kinh tế patagok abih gah, jien mek tame kuhria tui akaok menuac hu tagok cambaih laih, meng 23 triệu đồng (thun 2015) tal puac thun 2017 hu 31 triệu đồng sa urang sa thun.

   Dom gah ilamu - xã hội, y tế, pato megru hu rilo salih bahrau saong patagok, an sinh xã hội khik kajap, raidiuk mbang ngui daok dang di bhap bini hu paglaong. Urang kan kathaot hu mbang tui dom sarak saong hu bruk daong brei di karja saong di bhap bini piah patagok raong galng, pala drak, ba bruk ngak, patagok jien mek tame, pabak hu dom bruk praong yau ye sang daok, bac da-a, iek ruak....

    Dom thun jaik ini, xã sangka buh jien ngak jalan mbak, kraong ribaong duh ka bruk pala drakt, raong galng tui jalan ngak tabiak pandap piah pablei. Bahrau ini, xã hu ba Trạm bơm Phước Khánh tame pandar piah pabak ia tuk pandiak bhang. Lingiu di nan, xã hu pambuak bruk haong dom doanh nghiệp daong ka rilo bhap bini nao ngak bruk di negar lingiu ba jien tame rilo ka dom sang. Bruk njauk biai nan lac thun 2017, xã Phước Thuận hu padang mô hình mblang hamu praong ngak padai  164 ha saong padang bhum pala praong 30 ha tui mô hình VietGAP pambuak haong ngak du lịch miệt vườn di puk palei. Meng nan, sang kan kathaot trun daok 5,24%.

     Ngak tui sarak nyaom roya Đảng bộ xã nhiệm kỳ 2015-2020, anak tal, Đảng ủy xã pataom tame patagok dom jalan ngak hu kein laba bruk cakrok kinh tế - xã hội; salih jalan ngak kinh tế; kham merat patgok yaom sản xuất thun hadei glaong jang thun dahlau, ieu da-a, dui pachreih đầu tư, peih praong hạ tầng kinh tế - xã hội,rik daong paglaong raidiuk ka mikva./.