Salih jalan sahaneng, jalan ngak piah mikva pala drak hacih jang

        Tui bruk di yaok labik, tal bair harei sup puac adit, mikva di dom puk palei dalam tỉnh Đồng Tháp gaok gauk di Canh tân Hội quán piah biai bruk puk paga, bruk ngak mbang, pablei kaya nong tabiak taneh ia langiu. Ini lac mo hinh barau hu peih ngak akaok mereip di Đồng Tháp saong hatai caong lac tapa nan, nyu ngak brei salih bahrau jalan sahaneng, jalan ngak di urang nong, pamaong tal bruk ngak tabiak pandap panda, kaya nong hu angan je, chất lượng. Kadha vak di urang vak Thanh Tùng, bhum taneran kraong CL:

        Blaoh bruk hamu puh, jaik 18 tuk bair harei thanecar yaok adit, urang nong di dom labik dalam xã An Nhơn, huyện Châu Thành ba gauk mai Canh Tân hội quán piah biai bruk ngak mbang, biai bruk puk paga, bruk palei. Ông Nguyễn Thanh Bình daok di palei An Hòa, xã An Nhơn brei thau, dahlau thiah, mikva urang nong libik ini ngak mbang, pala dral ban thei, thei ngak, yau nan ye tuk paik, tuk yuak, hu tuk kaya pandap rilo, oh pablei hu. Jaik ini hu hội quán ngak libik taom gaok, hu rik daong pambuak talei jum pataom mikva urang nong, hu pang gauk ndom saong hu ndom brei gauk pang bruk ngak mbang, bruk pambuak gauk ngak mbang : Mikva drei pataom gauk veik, blaoh drei biai bruk sang danaok, tanhe riya, bruk ngak mbang di drei. Yau nan ye, mboh lac, canh tân hội quán ini biak gheih saong biak siam di bhum palei drei.

     Peih akaok mo hinh “ Hoi quan” lac Canh tan hoi quan hu padang tagok di bilan 5/2016, di palei darang ấp cù lao An Hòa, xã An Nhơn, huyện Châu Thành. Tal urak ini, hội quán ka 13 di tỉnh Đồng Tháp hu tabiak mbaok di huyện Tam Nông.

       Ông Lê Minh Hoan, Bí thư Tỉnh ủy Đồng Tháp – urang trak hatai saong đề án Rami ramik veik bruk ngak nong jeng lac urang ba tabiak bruk padang hội quán urang nong brei thau, ini lac libik piah mikva pataom gauk ginum biai, salih barau bruk pala drak, ngak mbang kein laba. Tui bruk di yaok libik, bo puac yaok adit atau meteh bilan, hadei di tuk blaoh bruk pala drak, bruk sang dalam harei, mikva daok veik saong gauk taphia cavar tea piah gam biai bruk pala drak, tacei brei gauk thau alamu ngak mbang kein laba blaoh brei panuac, khan brei thau bruk sang danaok : Dom bruk kol drei oh ngak jeng meng dahlau mai lac kurang bruk pambuak gauk di urang nong. Yaok urang pala sa janih phun karei di gauk, meda ngak kan gauk. Urak ini, caong ka urang nong pambuak gauk piah tame ngak lac bruk bo bhum taneran kraong CL daok dang anak. Meyah oh hu HTX lac oh hu pala drak praong, oh yam tapa hu bruk ngak mbang sit sot. Bo ngak mbang sit lac jien buh tame glaong, oh meriak gauk hu. Caong urang pambuak gauk ngak mbang lac njauk pambuak gauk dalam raidiuk. Hội quán tabiak mbaok dahlau di abih piah mikva hu taom gauk yaok adit, menyum tea, ndom puac, klah rabha bruk puk paga, blaoh meng kuhria tal bruk pambuak gauk ngak mbang.

      Di dom hội quán, tuk taom gaok, dom urang dalam hội quán ginum biai tui kadha hu pilih ruah bloh tui caong khin di dom thành viên. Dom thành viên meda ginum biai jalan ngak mbang barau, jalan ngak gheih, pala drak siam saong ba gauk maong phim hu dom asal kadha pambuak tal bruk ginum biai. Hadei di nan, meyah mikva hu tangi sua, caong thau rilo jang, mban chủ nhiệm hội quán taduan mek piah ginum biai, daa urang jakar chuyen mon di Balai pachreih nong, gah ngak nong langyah ka urang nong.

       Oh lac yau nan saoh, langiu bruk ngak mbang, di rilo hội quán daok hu sangka rilo tal bruk padang ngak jalan nao mai di palei. Di xã An Nhơn, tal urak ini, mikva jak ba padang ngak hu 3 mbaik tatua, ramik pasiam 1000 m jalan palei pala, ba mbuan lagaih ka bruk nao mai di mikva, lagaih ka bruk pajeng ba pandap pandap, brei ka dom adei nao bac mbuan jang. Ông Lê Minh Hoan, Bí thư Tỉnh ủy Đồng Tháp langyah, hội quán hu jalan ngak lac pamaong tal bruk salih jalan sahanneng, jalan ngak di mikva meng dom rai ini mai. Kayua urak ini ngak mbang oh meda kajap, raidiuk oh meda nao tagok meyah tự hào hamiet ka alamu meng kan mai.

     Urak ini, nao gam saong bruk patagok di mo hinh hội quán, kadha njauk bui sambai lac urang nong thau lac ngak tabiak kaya nong hacih, khik caga pren yava urang blei, nan lac jalan padang mbang ngui khang kajap. Gam saong nan, mikva thau lac drei daok kuhria ka rup drei; mikva jeng mboh lac, klah rabha ilamu piah daong urang karei jeng lac daong ka drei.

     Hội quán lac sa bruk njauk ngak piah salih thiết chế dân cư tui jalan tự quản, tự nguyện. Libik bhapbini hu gam hatai caong khin, gam bruk ngak hu daok la veik saong gauk. Ini lac sa mo hinh peih, linh hoạt, pamaong tal bruk salih barau di bhapbini; lac libik pambak tame ka dom pakat uy, karja, kapul nyaom ba dom sarak, jalan ngak nao tal sang, tal puk paga, meng di nan pambak praong tal abih bhapbini../.

Thúy Linh