Hadei di harei peih paha, biên giới Chư Prông, Đức Cơ, Ia Grai di tỉnh Gia Lai lac bhum taneh tayah tayac, klaak saoh kayua bom đạn palai pajoa. Dom urang lin di dom đoàn kinh tế quốc phòng yau ye:  72; 732; 731;… hu nao tal dom bhum taneh ini piah gam rami ramik pasiam, gam ngak kinh tế saong khik caga bhum mtaphia negar. Ông Kpuih Mực, bangsa Jarai, urang kuah katak cao su, urang đảng camereip abih di palei Chan, xã Ia Pnôn, huyện Đức Cơ, tỉnh Gia Lai brei thau, tui bruk du canh, du cư, tuk camereip, hu biak takik menuac hu mbaok tame haong bộ đội ngak kinh tế. Min hu bộ đội jak ba, dom urang hu angan je dang tabiak jak ba, mikva puk palei dak harei dak salih jalan sahneng. Urak ini, sang halei dalam palei jeng hu menuac ngak công nhân cao su dalam Công ty 72, Binh đoàn 15. Raidiuk di labaih 200 sang bhap bini palei Chan hu salih bahrau. Sa palei di taphia negar kan kathaot urak ini hu trei sir:

  “Dahlak kak kajap haong urang ngak, kak kajap haong mikva piah patagok kinh tế, dak padang puk palei, đơn vị cakrok. Tame ngak công nhân, mikva tabiak truh eik lipa, trun hu kan kathaot, raidiuk daok ginup meda tagok."

          Meng dom đoàn kinh tế quốc phòng hu padang tagok hadei di peih paha, thun 1985, Quân ủy trung ương, Bộ Quốc phòng brei padang Binh đoàn 15, sa đơn vị kinh tế, quốc phòng praong di biên giới Bắc Tây Nguyên. Tapa nan, jhul patagok kinh tế quốc phòng khang kajap dalam bhum. Tui ong Dương Văn Trang, Ủy viên Trung ương Đảng, Bí thư Tỉnh ủy Gia Lai, Binh đoàn 15 ngak biak siam bruk di drei labik biên giới di tỉnh. Binh đoàn hu ba bruk ngak mbang, ba jien tame, daong ka mikva dom bangsa di biên giới cakrok bruk ngak mbang kinh tế, tani tanat raidiuk, padang hu sa thế trận quốc phòng khang kajap:

          “Binh đoàn hu ba labaih 7.000 urang bangsa takik di biên giới tỉnh Gia Lai tame ngak công nhân di Binh đoàn. Binh đoàn daok pak halei ye cơ sở hạ tầng pak nan cakrok, mbaok meta palei pala dak harei dak hadah hadai. Pakat ủy di dom huyện biên giới saongBinh đoàn 15 pambuak bruk haong gauk, ba gauk padang hệ thống chính trị dak harei dak patagok”

          Bruk ba bộ đội tagok biên giới ngak kinh tế di Tây Nguyên dalam dom thun tapa brei mboh kein laba di anak meta. Dom kapul sản xuất, dom palei urang ngak lac mikva dom bangsa di biên giới lac dom urang khik caga biên giới, palei negar khang kajap di abih. Hadei di 43 thun peih paha, sa bhum biên giới atah yaok rituh km di dua tỉnh Gia Lai saong Kon Tum hu jeng labik pacang caga khang kajap, hu salih bahrau cambaih laih gah kinh tế xã hội. Kinh tế patagok, akaok sahneng hu paglaong, daong ka yaok urang ngak, yaok mikva bangsa di bhum biên giới ini thau cambaih bruk quốc phòng toàn dân, jeng menuac halan hatian khik caga biên cương taneh ia. Thiếu tướng Đặng Anh Dũng, Tư lệnh Binh đoàn 15, brei thau:

“Tây Nguyên hadei mesruh metak, tuk nan lac labik tayah tayac,bak bom mìn, jru mek klik kruac, ruak kik pandik harao, bhap bini eik lipa, kathaot rmbah. Tui jalan ngak di Đảng saong Karja,ì Binh đoàn 15 hu padang tagok. Meng nan tal urak ini yaok pluh ribau rahra hu ba tagok daok di  Tây Nguyên, gam saong bhap bini dom bangsa di Tây Nguyên ini padang Tây Nguyên dak harei dak kaya meda saong trei sir. Urak ini lac bein cao su, bein cà phê di Tây Nguyên saong di Binh đoàn 15 hu labaih 40.000 hecta cao su saong yaok rituh ha cà phê, ba mai raidiuk trei sir, haniem phul ka bhap bini daok di Tây Nguyên. ”

Sa bhum taneh tayah tayac kayua bom đạn urak ini hu salih tapa dom glai phun công nghiệp hijao mekre, dom puk palei trei sir saong hu ginup điện- jalan- sang bac- bilai iek ruak.Sa bhum taneh biên cương khang kajap yau hu pacang meng sa blah áo giáp kinh tế  kak kajap haong quốc phòng, daok hu Binh đoàn 15, Bộ Quốc Phòng ngak hu kein laba./.