“Pasak tin học ASIA” hu peih tabiak di angaok sa mblang “taneh ameh” di  jalan Lê Duẩn, phường Ea Tam, ban sit Buôn Ma Thuột, anak mbaok sang bac Đại học Tây Nguyên. Dalam saman yau Yaun lac “bùng nổ tin học” saong meriak gauk khang, Pasak tin học Asia lac sa dalam takik cơ sở hu labik dang khang kajap, tuk halei jeng hu rilo tuai tame tabiak

Takik urang thau lac, “Po di cơ sở nan, lac Y Nuc Rahlan - urang bangsa  Jơ Rai, daok menuac ngak di Pasak lac dom urang bac bahrau tamat sang bac Cao đẳng bruk ngak dam dara bangsa Tây Nguyên. 

Y Nuc Rahlan brei thau, di Buôn Ma Thuột urak ni, tin học dok lac sa bruk hot, min jeng lac sa bruk biak phiêu. Hot kayua hatai khin di xã hội ngan song dom dịch vụ tin học biak glong. Min nyu biak phiêu kayua lac, meyah urang tui bac oh naih gheih, oh bhian cập nhật, oh duah thau dom ilamu bahrau, ye samar brei padeih. Karei jang bruk tin học dok biak hot di  Y Nuc, H’Uy Niê, urang kumei dara bangsa E đê palih ruah sa bruk ngak pambuak pagam song hamu apuh, nan lac bruk chế biến asar ca cao. Bac joi, ngak taring, H’Uy samar duah hu bruk ngak  song duah hu jien tani tanat  di Công ty Ca cao Nam Trường Sơn, daok di xã Ea Na, huyện Krông Ana, oh atah di sang.

Tapa dom mbang pasang iek, duah thau kein laba ka bruk pato pakai di sang bac Cao Đẳng bruk ngak dam dara bangsa Tây Nguyên, dom anek saih, SV duah hu bruk ngak hadei di tuk bac tamat bloh di sang bac tui kuhria hu jiak 80% , hu labaih 700 anek saih, SV nao ngak bruk di dom khu công nghiệp langiu tỉnh yau di ban raya HCM, Bình Dương song hu jiak 120 adei nao ngak bruk di negar langiu hu jien bilan glong.

Piah dong ka anek saih, SV hu mbuan lagaih dalam bruk tut angan tame bac song duah bruk ngak, sang bac bhian caik hatai sangka palih ruah pato pakai dom bruk prong dalam khu vực, yau  chế biến cà phê ca cao, ilamu padang ngak, pasiam veik mac tính, jamriak ngak nong, pachreih ngak glai, sarak kayau. Taphia di nan, sang bac dok hu padang talei pambuak bruk khang kajap song dom đơn vị, DN meng bruk padang ngak phòng sản xuất dịch vụ, dang tabiak pambuak bruk song dom DN piah anek saih thực tập song duah bruk ngak hadei di tuk bac tamat di sang bac, mbaoh tangin pambuak bruk haong jiak 100 DN, đơn vị piah padang talei rohim meng anek saih, SV song gru pato. Dalam 5 thun tapa hu 4532 anek saih, SV bac tamat hệ chính quy, samu labaih 97% dalam nan xuất sắc 0,7%, joi 31,2%, khá 54,6%, trung bình khá 13,3%, trung bình 0,2%.

Bahrau di abih, sang bac Cao đẳng bruk ngak dam dara bangsa Tây Nguyên hu kapul KOICA (Hàn Quốc) buh jien tame labaih 6 triệu USD piah pasiam labik pato song pandap pato bruk ngak. Tapa nan, sang bac hu salih bahrau bruk pato bruk ngak, pabak hatai caong pilih bruk ngak, bac bruk ngak song ngak bruk di dam dara dom bangsa Tây Nguyên, padang sang bac jeng pasak pato bruk ngak chất lượng glong di khu vực song dalam taneh ia.      

Jalan daok pamaong ngak di sang bac dalam dom thun anak tal nan lac patagok jeng sang bac Cao đẳng bruk ngak chất lượng glong di bhum Tây Nguyên. Tal thun 2020, hu meng 5000 tal 8000 anek saih, SV hệ chính quy, dalam nan hu meng labaih 3000 tal 5000 anek saih, SV di 30 bangsa takik di 3 negar bac bruk ngak lac Việt Nam, Lào, Căm Pu Chia song hu labik dok ka anek saih, SV, patagok bruk pato pakai di sang bac meng 20 bruk tagok tal 50 bruk di nyaom Công nghiệp, nông nghiệp, cơ khí, động lực, padang ngak, điện, dịch vụ song ilamu pato bac, pato pakai urang jeng gru pato bruk ngak./.