Anek nyu pandiak meng puac thun, ba nao bác sĩ ye bác sĩ lac meda njauk sốt siêu vi, mai sang meyah mboh pandiak  veik  ye tái khám. 2 harei hadei mai  duh iek drah ye bác sĩ lac sốt siêu vi, tuk nan oh ka mboh hagait . Hadei di nan, dom asar sit tagok di mbaok ,  mai duh iek drah veik, bác sĩ lac sởi. Hadei di nan anek nyu gleih glar, bác sĩ lac brei nyu tame sang iek ruak)

Ni lac bruk di anek likei di saai Vũ Thị Hường, umo 2 thun  dok hu cách ly di  khoa Nhiễm – sang iek ruak Nhi Đồng 2 ban raya HCM. Ini jeng lac  1 dalam 5 uraniah njauk ruak sởi trak, njauk viêm phổi dok suak yava meng  oxy di  khoa Nhiễm iek ruak labaih  sa adit tapa. Di labik ni hu rilo uranaih bahrau  3, 4 bilan oh ka tal tuk  klauk  vắc xin sởi min njauk ruak  sởi, gam tui ruak boh hatai  bẩm sinh, phổi mãn tính ngak ka ruak tagok samar song dui atah.

Tui bác sĩ Đỗ Châu Việt, trưởng khoa Nhiễm, sang iek ruak Nhi đồng 2, urak ni khoa hu  61 uraniah ruak sởi, min, bruk njauk duh hatai di abih lac, dom uranaih hu ruak nền, dom uranaih umo sit. Bác sĩ Việt jeng brei thau, dom uranaih tame sang iek ruak rilo meng lac dok di dom tỉnh langiu ban raya HCM, meblah tal 70% dom uranaih daok ndih iek ruak.

Oh lac uranaih njauk sởi hu rilo bo urang prong njauk ruak sởi tame sang iek ruak jeng hu biak rilo. Di sang iek ruak Bệnh Nhiệt đới ban raya HCM, dom urang ruak lac urang prong dok ndih iek ruak kayua ruak sởi lac labaih meteh dom urang njauk ruak. Tui  Bác sĩ chuyên khoa Huỳnh Thị Thúy Hoa – Trưởng khoa Nội A, sang iek ruak Bệnh Nhiệt đới TPHCM, urak ni urang ruak sởi hu biak rilo dut song tuk vak ni thun dahlau. Tuk tabung glong thun 2018 lac bilan 12, sang iek ruak hu iek ruak ka  269 urang ruak sởi; min, urak ni, yaok harei hu 65 – 70 urang mai khám song  iek ruak. Dom urang ruak tame sang iek ruak dak harei dak rilo jang, yaok harei jiak 20 urang. Urak ni, papan ndih di khoa bak menuac, oh daok labik saoh.

Bác sĩ Huỳnh Thị Thúy Hoa – Trưởng khoa Nội A, sang iek ruak Bệnh Nhiệt đới TPHCM ndom lac:

Oh njauk lac tong abih urang ruak njauk tame sang iek ruak, dom urang ruak meda nao iek ruak di dom cơ sở y tế quận, huyện…Njauk tame sang iek ruak ngan lac dom urang mbuan si hu biến chứng yau dom urang kamei metain, atau dom uranaih hu  biến chứng viêm tai giữa, atau  viêm phổi. Dok dom  urang karei  meda iek ruak  di sang

Jeng tui  bác sĩ Hoa, njauk caik hatai lac hu rilo urang ruak lac urang kumei metain njom  sởi hu  biến chứng. Bilan 11/2018, Di sang iek ruak Bệnh Nhiệt đới hu sa urang kamei metain njauk ruak ngak ka anek kama metai dalam tain, bilan 12 hu 3 urang njom  sởi njauk ndik tapui kurang bilan, hu anek kama bahrau hu  24 adit. Dom anek kama ndik tapui kurang bilan hu iek glang di sang iek ruak  phụ sản, daok urang amaik hu iek ruak di sang iek ruak Bệnh Nhiệt đới.

Saai Nguyễn Thị Ngọc Nhi, dok di tỉnh Trà Vinh, sa urang kamei metain bahrau tame sang iek ruak Bệnh Nhiệt đới TPHCM brei thau :

Dahlau di tuk tame sang iek ruak ye pandiak glong, bloh patuk, hadei di nan mboh tagok baoh ia di akaok, mbaok, bloh trun takai. Mboh huac ka uranaih, min nyu tapa tuk kan kandah ye.

Tui dom bác sĩ, puac thun 2018 lac tukvak chu kỳ ruak  sởi 4 thun  1 mbang,  kayua yau nan ye, bo urak ni tui nan ruak sởi dok tagok rilo. Abih di nyu nan lac bruk klauk jru pacang caga urak ni oh ka hu bhap bini ngak siam nan ye ruak mbuan si njom mbak dalam bhap bini. Jiak di ni ruak  sởi rah tabiak oh tui bilan yau dahlau deih, dom uranaih mbuan njauk ruak lac uranaih oh ka tal  umo klauk jru, hu ruak nan ye oh klauk atau klauk oh ginup…jeng mbuan si njom ruak. Bác sĩ Trương Hữu Khanh, Trưởng khoa Nhiễm - Thần Kinh, sang iek ruak  Nhi đồng I, ban raya HCM kakei lac:

Tok hu jalan langyah lac  klauk vắc xin min, oh hu jalan halei karei. Dom uranaih njauk ruak  sởi rilo meng lac dom uranaih oh ka hu klauk jru pacang atau klauk jru suan. Bruk oh klauk jru pacang atau klauk jru suan ye kayua hatai sahaneng, amaik ame huac lo. Atau lac amaik ame klaak nao mbang klauk  9 bilan, dalam tuk nan mbang klauk ini biak  quan trọng piah pacang ka uranaih meng  9 bilan tal pluh dom bilan

Dom bác sĩ hu kakei amaik ame njauk caik hatai tal dom  dấu hiệu piah thau lac ruak  sởi. Ruak  sởi hu tukvak kandauh ruak  meng  7 tal 21 harei , hadei di nan, meda hu dom triệu chứng yau: pandiak glong labaih  39°C, viêm hô hấp trên, sraiy ia dhung, patuh thu dui atah, sre ia meta, brah di jih meta … Ban sởi nyu tamuh meng akaok, mbaok, takuai bloh trun kaeing, tangin. Tuk iek glang uranaih, dom amaik ame brei dok karei, jhui caik ka anek ruak njom mbak song dong ka uranaih oh njauk ruak njom mbak meng urang karei. Song jalan ngak prong di abih jeng lac klauk jru caga  vắc xin sởi./.