Akok Mentri Y tế Nguyễn Thị Kim Tiến

  Akok Mentri Y tế Nguyễn Thị Kim Tiến brei thau, jaik abih dom sang iek ruak tapa pasang eik veik bruk ngak di drei hu ramik veik, ba tame, neh tabiak,  klaak dom khoa, jabat, labik ngak bruk oh hu kein laba piah padang dom kapol birau ngak bruk hu siam jang. Rilo sang iek ruak hu padang ngak birau dom jabat, đơn vị iek ruak tui caong khin di bhap bini saong paglaong dom dịch vụ y tế. Dom đơn vị eng drei khik caga jien ndo ngak bruk jeng yau manuac ngak bruk kayua đơn vị palih ruah urang naih joi ba tame ngak bruk. Yau nan min, tui urang dang akok gah Y tế, kayua oh ka hu sarak daong, pachreih urang gah y tế tame, abih di nyu nan lac urang hu ilamu, joi bruk tame ngak bruk di dom sang iek ruak, cơ sở y tế bhum kan kandah. Rilo urang bac megru min kayua tok bayar jien bilan, takik hu jien karei atau oh hu ba tal bruk dom y bac sĩ nao ngak bruk di dom đô thị, bna praong, sang iek ruak tư.

Sa kadha karei jeng njauk caik hatai nan lac bruk dom đơn vị nyaom 3- eng drei khik iek ginup jien buh tabiak ka yaok bruk, rilo đơn vị khik hu ginup meng 80 tal 90%, kadung jien karja tok pabak brei meng 10 tal 20%, nan lac kadung jien karja oh bayar jien bilan ka taong abih urang ngak bruk di đơn vị.

Yau nan min, rilo tỉnh ban iek taong abih urang ngak bruk di dom đơn vị nan, lac dom biên chế sự nghiệp hu mbang jien bilan meng kadung jien karja yau nan ye iew dom đơn vị brei trun takik urang ngak bruk tui Sarak ka 19,  lac yaok 5 thun trun 10% urang ngak bruk lac oh ka lagaih. Tui nan ba tal bruk rilo sang iek ruak, pasak y tế khin hu rilo urang ngak bruk piah patagok dịch vụ, paglaong dom bruk duk ka gah iek ruak, hu jien mek tame piah bayar jien bilan min oh brei palih ruah urang tame veik.

  Muk Nguyễn Thị Kim Tiến brei thau, yaom lac bruk eng drei ngak po dalam bruk ngak, urang ngak lac jalan ngak dang akaok hu ba tabiak, min thẩm quyền langyah oh lac di Mentri Y tế bo kayua Mentri Nội vụ.  Amuk langyah lac, bruk iek ruak hu lagaih di abih njauk brei hu sa urang bac sĩ saong 3 điều dưỡng, hu yau nan urang ruak meng oh cang tal gauk gar dam sang tui iek, trun takik manuac di sang iek ruak. Min anak meta mboh lac, urakini, rilo sang iek ruak  kan palih ruah hu urang tame  ngak kayua tavak gah biên chế, tavak bruk giản biên chế  nan ye jeng daok ngak tui jalan lac 1 bac sĩ , 1 điều dưỡng tui iek urang ruak. Kayau yau nan ye, urang ruak halei tame sang eik ruak jeng brei hu takik di abih 1 gauk gar tui iek, gam glaih glar, gam abih jien mbang huak bo bruk tui iek urang ruak habar siam lagaih yau điều dưỡng hu.

  Jeng ndem meyai ka bruk ini, ong Nguyễn Anh Trí (dahlau daih ngak Akok Viện Huyết học - Truyền máu Trung ương) lac, brei ngak po di sang iek ruak lac jalan ngak njauk, min taphia nan jeng hu rilo  tavak tavaiy, abih di nyu lac bruk eng drei kuhri kuhria hadom menuac ngak. Ong jeng oh njauk hatai ka bruk tinh giản biên chế urang ngak bruk y tế di dom puk palei, tinh ban. Tui ong, trun bien chế 10% lac trun takik urang mbang jien bilan karja, daok sang iek ruak njauk brei hu rilo urang ngak meng peih praong hu saong paglaong chất lượng dịch vụ. Thứ trưởng Mentri Nội vụ khan brei thau, Mentri caga pok tagok Rajaei quy định daong, pachreih, iek praong urang naih gheih.  Tuk nan, Mentri Nội vụ brei pambauk  bruk haong dom mentri dom gah quy định dom đơn vị eng drei ngak po hu bayar jien bilan kuria tui bruk ngak, gam daong jien karei piah khik urang jakar y tế daok veik ngak bruk./.