Sang ilamu  di  xã Ea Bar, huyện Bôn Đôn hu padang di tapen Tỉnh lộ 5, dalam palei 17,  prong 300 mét vuông. Sang ilamu ni bahrau hu ngak meng akaok thun 2013,  yaom jiak 11 tỷ đồng song ba tame pandar thun 2016. Ni lac bruk padang ngak ka xã điểm palei pala bahrau di huyện Bôn Đôn, tỉnh Đắk Lắk, jien piah ngak lac di Đắk Lắk. Hu padang ngak praong kadung jien karja tỉnh, min labaih sa thun tapa sang ilamu ni yaok bilan peih pabah mbang piah họp meng sa tal 2 mbang.. Ong Lê Quang Chí, urang hu brei bruk khik iek sang ilamu brei thau, lingiu bruk takik peih pabah mbang yau nan, sang ilamu ini hu dom labik daok khut trak.

"Hajan trun tabung nyu tanjaoh, ia hajan nyu kandaong veik anak pabah mbang. Toilet, lavabo khut abih oh pandar hu, kayua chất lượng oh siam; gom điện ye khuah abih, jalan talei điện tạm bợ,  tuk hajan njauk mek gai gạt kayua huac đện giật. Nguy hiểm lo "

Dok xã điểm ka palei pala bahrau Ea Tul, huyện Cư M'gar, sang ilamu xã jeng hu padang ngak prong labaih 300 mét vuông, abih labaih 4 tỷ đồng bahrau ba tame pandar labaih sa thun, min nyu daok khut nao. Ong Y Toàn Ayun, Phó chủ tịch UB bhap bini xã Ea Tul brei thau , tuk jao daok kurang rilo janih, padang ngak oh lagaih tui bruk di sang ilamu. Ong Y Toàn Ayun lac .

 "Urak ni, bàn ghế oh ka hu, yaok mbang họp nao nyim di Ủy ban mai. Yaok bilan họp 1 tal 2 mbang, dok veik kreik pabah mbang klak saoh. Jaman , pabah mbang tame tabiak khut abih, dom van ia dalam jaman jeng khut. Tuk họp,  nyu yava dane dok gah ala pang oh cambaih kayua oh hu ông thoát hơi gah angaok. Sang ilamu oh thau tỉnh thiết kế atau urang halei thiết kế?"

Tui ong Nguyễn Văn Hà, Phó giám đốc sở ilamu -thể thao song Du lịch tỉnh Đắk Lắk, urak ni, tỉnh Đắk Lắk hu 585 sang ilamu puk, palei, min hu 1/3 dom sang ilamu nan daok ngak bruk hu, dok veik nyu khut abih song oh pandar hu, ngak palai pajoa rilo tỷ đồng ka palei. Dalam tiêu chí padang ngak palei pala bahrau, yaok xã, yaok palei brei hu sang ilamu , meyah tỉnh daok buh jien ngak sang ilamu bo oh duah thau, tui iek cambaih  laih ye bruk palai pajoa biak kan klah hu .

Urak ni, tỉnh Đắk Lắk hu 184 xã, phường, ban sit , dalam nan 152 xã hu quy hoạch padang ngak palei pala bahrau, meyah buh jien ngak ginup sang ilamu ni tui yaom jien labaih 4 tỷ đồng sa sang ilamu ye abih yaok rituh  tỷ đồng. Meng tuk peih bruk padang ngak danak dak palei pala bahrau, tal urak ni Đắk Lắk padang ngak hu 26 sang ilamu xã. Anak meta mboh lac, dom sang ilamu ni bahrau jao ye nyu khut, ba tame pandar oh kein lagaih. Padang ngak piah mek tiêu chí, dok pandar yau habar lac sa bruk takik urang halei caik hatai sangka./.