Kapul Chữ thập đỏ ban Đà Nẵng peih bruk taom gaok saong thau dhar phor dom urang tut angan alin mô tạng

Sang patau pahadar harei padang Chi bộ Đảng camriep di tỉnh Vĩnh Long, di khóm 5, ban sit Long Hồ, huyện Long Hồ bahrau hu peih pakak. Danak dak hu padang ngak di mblang taneh praong jaik 1ha, abih jaik 40 tỷ đồng, lac labik bhong piah pato pakai ilamu cách mạng ka urang jaka, urang đảng saong dom rai hadei patui jalan padang Đảng bộ tỉnh hadah hadai, khang kajap. Danak dak khik ramik pandap, harak gar sajarah pambuak tal bruk padang Chi bộ Đảng camriep di tỉnh; gam tui di nan jeng pahadar dom urang jaka, urang đảng camriep di abih saong dom AHLS ndih trun ka bruk saron mbon di taneh ia, di bangsa.

Rajaei hu tabiak sarak 40/NQ-CP ka bruk peih ngak danak dak langyah dauh ia kayua ia ndik di ban raya HCM hu kuhria tal bruk biến đổi khí hậu (tuk vak ka 1). Ngan song sarak prong ni, danak dak hu peih ngak gilac veik song cong khin samar ba tabiak pandar , patagok siam lagaih dalam bruk pacang dauh ia. Hu thau, danak dak langyah dauh ia kayua ia ndik di ban raya HCM song dom jalan pacang ia ndik song pacang kan kandah di biến đổi khí hậu ka bhum hu taneh prong 570 km2 song labaih 6,5 triệu urang di krong Sài Gòn song pasak TPHCM. Dnak dak hu peih ngak meng kreih thun 2016 song tui kuhria hu ngak salah dalam bilan 4/2018. Min, kayua dom kan kandah, tavak tavaiy dalam bruk peih prong taneh song phun jien, yau nan ye harei ngak salah bruk hu kadun veik rilo mbang .
Đà Nẵng urak ni hu labaih 200 urang halain hatain tut angan alin mô, tạng saong hu pasak Điều phối pagam tạng pakat negar brei harak adat. Bruk ni jeng hu makna lac dom urang ni hu ngak salah harak gar saong gah adat hukum, hu ngak tui caong di tuk metai. Yaok thun, kapul Chữ thập đỏ ban Đà Nẵng jeng peih bruk taom gaok saong thau dhar phor dom urang tut angan alin mô tạng. Tapa nan. Rik daong jhul khang bruk pathau khan, ba tabiak bruk tut angan alin mô tạng; pambak tabiak makna siam mekre di raidiuk dalam rahra ngan haong yaom glaong di bruk ngak pahla.

Jabat Cảnh sát jalan mbak, Công an tỉnh Bà Rịa – Vũng Tàu brei thau, meng hadei di harei 15/4 anak tal, tuk mboh hu ginup abih, gah pasang iek pak nan meda phạt chip dom urang halei peih radaih suan angaok jalan roya 51. 89 camera hu caik angaok jalan raya 51, labik tapa tỉnh Bà Rịa- Vũng Tàu, tuk camera angaok jalan roya 51 duah hu radeih halei peih suan, tapa bộ đàm, Kapul ngak bruk di pasak pasang iek hu pathau khan ka kapul pasang iek pak di labik piah padeih radeih, pasang iek harak gar, khan brei thau bruk ngak suan ka urang peih radeih song phạt jien chip.

Jabat Cảnh sát pasang iek tội phạm ka ma tuý - Công an ban Hà Nội hu batabiak harak langyah tui hukum ka duas hình sự “pablei salih, khik ramik, peih bruk pandar suan hukum janih ma tuý" rahtabiak di sang iek ruak Tâm thần Trung ương I saong tabiak harak brei langyah tui hukum, cap khik 5 urang pambuak tal. Dalam dom urang ni hu Nguyễn Anh Vũ (ndik tapui thun 1986, daok di xã Văn Bình, huyện Thường Tín, Hà Nội) lac kỹ thuật viên Khoa phục hồi chức năng saong y học meng kan (di sang iek ruak Tâm thần Trung ương I); Nguyễn Xuân Quý (ndik tapui thun 1983, daok di ban sit Văn Điển, huyện Thanh Trì, Hà Nội), lac urang ruak daok taong ruak di sang iek ruak ni, saong lac urang par akaok tapon ni.

Dom bác sĩ di Ca-na-đa dok biak suh sah meda dang anak bruk pacang caga ruak glaow akaok ka oh thau tal dahlau deih dalam tuk hu dom urang ruak mboh dom triệu chứng pagam tal glaow akaok, ảo giác song teo cơ.Urak ni hu 43 urang ruak biak karei oh thau cambaih makna di tỉnh New Brunswick. Dom urang roh duah di Ca-na-đa urak ini dok kham merat pambuak bruk song dom urang ilamu dunya piah duah thau lac urang dok gaok janih ruak glaow akaok bahrau ka oh thau meng dahlau deih halei oh.

Tui roh duah di Viện yaok pataom saong pasang iek pakat negar Argentina, di 31 ban praong di Argentina, dom urang kathaot eih lipa tagok meng 40,9% dalam mateh akaok thun 2020 tal tanut 42% dalam 6 bilan daok veik. Kinh tế trun kayua njauk kan kandah di jit praong COVID-19 ngak ka rilo bhap bini Argentina laik tame kathaot eih lipa. Labaih 12 triệu bhap bini di dom labik ban praong oh ginup jien blei pandap atau dom dịch vụ yaok harei dalam 6 bilan akaok thun 2020.

Dom urang ilamu Braxin bahrau duah mboh janih virus SARS- CoV-2 bahrau yau janih hu mboh camereip di Nam Phi. Bruk njauk biak suh sah song ngak ka dom urang ilamu oh klah di suh sah tuk urang njauk janih anek ruak bahrau ni ka oh nao tal Nam Phi song jeng oh ka mbang taom gaok urang halei mai meng negar châu Phi ni. Tui yaok pataom bahrau abih di mintri Y tế Braxin, negar ni hu labaih 321 ribau 500 urang metai kayua COVID-19, song tui kuhria dalam bilan 3 yaok harei hu labaih 2.500 urang metai, ngak ka Braxin dok lac bhum jit di dunya./.

Urang lang: Thu Thao - Hani Pha – 03/04 06:07:57