Uranaih brei dut iek pandiak tal tanut halei 

Tui dom chuyên gia, tuk vak meng ni tal abih bilan sa thun hadei lac tabung glong di jit pandiak tabiak drah, song tabung glong di jit meda rah tabiak dalam bilan  11 song 12. Gam hong jit COVID-19 dok tamuh tabiak, mbuan ba tal bruk lac jit kateik angaok jit. Tong abih menuac urang jeng meda njauk ruak pandiak tabiak drah, abih di nyu lac uranaih hu pren pacang caga ruak takik.

BS CKII Nguyễn Minh Tiến, phaok yam ndoc sang iek ruak Nhi đồng ban raya brei thau, gam song bruk  pacang jit COVID-19, njauk sangka pacang caga dom jit ruak  tui bilan, abih di nyu nan lac urak ni dok tame bilan jit pandiak tabiak drah, meyah caik ka nyu tamuh tabiak lac biak kan kandah. Dalam tuk jit COVID-19, dom triệu chứng di pandiak tabiak drah  yau pandiak, cambaoh rup thaik... biak mbuan si meluk hong  jit COVID-19, atau dalam sa mbang haong gauk, uranaih meda njauk 2 janih virus. Urak ni sang iek ruak Nhi đồng ban raya  dok taduan song iek ruak ka labaih 5 uranaih gam njom COVID-19, gam ruak pandiak tabiak drah

Dom triệu chứng bhian mboh di ruak pandiak tabiak drah lac pandiak glong chip labaih 39 – 40OC dalam 2 harei camereip, yam tapa harei ka 3 meda tabiak drah di dom labik klik lipih yau klik mbaok, mbaok gah dalam tangin, labik takuai... Ruak trak jang meda ba tal tabiak drah jalan tung pruac, tabiak drah glaow akaok, tổn thương gan, khal darah,  meyah oh samar iek ruak mbuan ba tal metai. BS Tiến brei thau: “njauk dut iek 2 janih haong gauk meng thau hu  2 janih ruak ni kayua nyu dreih yau gauk. Meyah uranaih njom  COVID-19 song pandiak tabiak drah ye tuk vak iek ruak kan kandah jang rilo. Brei gam taong ruak COVID-19, gam tui iek ruak pandiak tabiak drah  piah samar tame ia jru pacang sốc meyah ruak trak".

Urak ni, jit ruak COVID-19 dok rah tabiak srau kadau, piah plaih rah tabiak bruk jit kateik angaok jit, gam pacang jit COVID-19 gam pacang ruak pandiak tabiak drah  , Mintri  Y tế hu panuac kakei bhap bini njauk puh ramik hacih saat labik drei ngak bruk, labik drei dok meng gah dalam tabiak vil val sang, pliah ia kandong ngak jeng labik jamaok caik meboh ba tal patagok lăng quăng, jamuk .Ngan song dom labik padang ia oh pandar piah menyum, meda palao ikan piah pametai   lăng quăng. Njuak pandar bình xịt, nhang, luk thoa pateok jamuk, cuk aow capha atah , ndih kamo oh lac harei harei atau melam... piah plaih jamuk kaik./.

Urang lang: Hanipha -14/10