Bahrau ini, angaok rilo mạng xã hội hu yaih khan sa tổ chức/công ty hu angan ieu lac "Dự án Hoàng Gia" pabak jalan daong blei pandar ka bhap bini, gam patak pataom jien cai pandar, gam patagok jien mek tame ngan saong rilo kein lagaih yau “Padang mbang ngui meng plak tangin saoh meng Hoàng Gia”... Gam saong panuac khan nan, dom blah báo điện tử jeng brei thau ka bruk ngak mboh lac ieu pataom phun jien tui jalan đa cấp biến tướng di "Dự án Hoàng Gia" tapa dom gói đầu tư yau “Gói gia đình - 84 triệu đồng”, “Gói cá nhân - 48 triệu đồng”…

Cục Cạnh tranh saong Khik caga urang blei pandar - Bộ Công thương jeng hu panuac lac, tal urak ini oh ka hu đơn vị, tổ chức halei hu angan Công ty TNHH Đầu tư Thương mại Dự án Hoàng Gia hu brei harak chứng nhận tut angan ngak bruk pablei pandap đa cấp. Cục Cạnh tranh saong Khik caga urang blei pandar jeng hu panuac kakei bhap bini duah thau cambaih laih, sahneng kuhria tantu bruk tame đầu tư, ieu pataom phun jien tui jalan đa cấp suan hukum di dom công ty ini.

Tui patahu khan di Bộ Công thương, thun 2018, Bộ Công thương duah thau, taong phạt Công ty CP sản xuất Thương mại Quốc tế Greenlife yaom jien 510 triệu đồng saong mek veik harak chứng nhận tut angan pablei pandap đa cấp di doanh nghiệp ini. Bộ jeng hu taong phạt 40 triệu đồng ngan saong dom bruk ngak suan di Công ty TNHH Herbalife Việt Nam; tamat bruk pasang iek saong taong phạt 2 doanh nghiệp (DN) pablei pandap đa cấp lac Công ty TNHH Mỹ phẩm Thường Xuân saong Công ty TNHH Unicity Marketing Việt Nam. Taphia nan, Bộ jeng daok tui iek catang bruk padeih pablei pandap đa cấp di Công ty TNHH Thiên Ngọc Minh Uy saong bruk thanh lý hợp đồng ngan saong dom urang hu mbaok tame hadei di tuk công ty padeih bruk pablei pandap đa cấp.

Min Bộ trưởng Công thương Trần Tuấn Anh mboh lac, bruk ngak mbang tui jalan đa cấp urak ini daok hu rilo biến tướng phức tạp. Dom menuac kinh doanh đa cấp bleik saleik daok salih tapa dom bruk ngak lac pandar jalan đa cấp min oh pablei salih pandap piah plaih bruk khik iek di jabat khik iek.

Piah plaih njauk lah pachot, plaih njauk katung dui tame bẫy lừa đảo đa cấp, bhap bini njauk caik hatai thau cambaih dom bruk pachot yau ieu da-a bhap bini tame đầu tư, nộp tiền saong sanya bayar jien laba glaong bo oh ngak hagait, atau ieu pachreih urang blei pandap payua dalam kho di công ty tuk halei pablei hu ye mai mek jien… Abih di nyu nan lac, ngan saong dom panuac quảng cáo “một vốn, 400 lời” ye bhap bini njauk sahneng chip tal bruk nan lac “biến tướng” di pablei pandap đa cấp saong njauk khan brei jabat khik iek thau chip”./.

Thúy Linh