27-1 Đắk Nông: Từ "Tiếng kẻng an ninh" đến các mô hình đảm đảm an ninh trật tự

-Bair harei biên giới daok gindang jua, tal 17 tuk, sa sap kẻng tanyi tagok di palei 8 xã Thuận Hà, huyện Đắk Song, tỉnh Đắk Nông. Ông Trần Bá Tuyết, urang bhapbini daok pak ini brei thau nan lac sap báo động di Tổ an ninh bhapbini, piah brei ka abih bhapnini thau lac tal tuk caik hatai caga co klaik. Dahlau dhiah tuk oh ka hu “ sap kẻng an ninh ini’, bruk klaik drap ar saong tệ nạn xã hội bhian rah tabiak. Min,  hadei di jaik dua thun peih ngak, bruk ANTT tuk halei jeng hu khik caga, tội phạm saong tệ nạn xã hội hu pacang cakak, urang bhapbini libik ini hu raidiuk gindang jua. “Dahlau dhiah oh ka hu “sap kẻng an ninh, bruk  an ninh trật tự di palei kol dahlak biak srau kadau. Hadei di Labaih sa thun hu “sap kẻ an ninh”; tuk halei taong, hu dom ký hiệu karei, khan brei thau dom hiệu lệnh di kẻng piah mikva thau. Meng di nan, trun takik saong caga humeng atah dom tệ nạn xã hội meng libik karei mai. Urak ini dalam palei dahlak oh daok hu co, klak amraik kalu, klaik athau yau dahlau dhiah. Buk ilimo xã hội hu siam mekre”.

Tui ông Nguyễn Đình Lượng, Trưởng Công an xã Thuận Hà, huyện Đắk Song, dom palei 7 saong 8 daok atah di jalan tapen negar Campuchia tok labaih 1 mbaik jalan. Pak ini hu dom jalan nao tal dom xã saong jalan roya 14B nao tapa. Dalam tukvak yuak kuak, dom menuac meng libik karei mai ngak pah, diukrai gam ngak srau kadau. Abih di nyu nan lac tuk puac thun, jaik si tết bruk an ninh - trật tự bhian srau kadau, bhian hu co klaik ngak ka mikva duh hatai.

-Piah paglaong hatai sangka di bhapbini dalam bruk pacang caga dom janih tội phạm, khik caga an ninh trật tự dalam puk palei, Công an xã hu peih mô hình “Sap kẻng an ninh”. Tui quy chế ngak bruk, tal 17 tuk bair harei, sap kẻng yava tagok, brei thau ka tukvak mbuan hu kol co klaik, njauk caga. Tal 22 tuk melam, sap kẻng yava tagok sa mbang tra piah pahadar dom urang, dom sang padheih dom bruk ngak bui, me-in sambai, caik tukvak padheih padhaiy; taphia nan pasang iek dalam sang, lingiu jalan dahlau si nao ndih. Abih di nyu nan lac yaok tuk dalam puk palei hu co klaik atau bruk hagait nan oh siam lac hu urang taong kẻng hamiet piah khan brei ka urang bhapbini drak samal ba gauk tabiak dom canah jalan piah thau bruk.

Urak ini, palei 7 saong palei 8, xã Thuận Hà padang hu 5 baok kẻng di dom libik trọng yếu. Ông Nguyễn Đình Lượng, Trưởng Công an xã Thuận Hà, huyện Đắk Song, tỉnh Đắk Nông lac: “Hadei di tuk kol dahlak padang dua mô hình ini, bhapbini patagok hu bruk khik caga an ninh negar, bruk an ninh trật tự di dua palei ini hu siam mekre. Abih di nyu nan lac, bruk klaik drap ar lac bruk ngak siam di dua mô hình ini. Kadung jien di 2 mô hình ini lac kayua bhapbini rik daong saong eng drei khik.

-Duk saong dahlau dhaih, bruk an ninh trật tự dalam dom palei 7, 8 hu rilo salih barau jang, meng tuk hu bruk taong kẻng oh ka rah tabiak sa bruk co klaik halei. Bruk siam abih di mô hình lac ngak brei medheih tagok akaok sahanneg di bhapbini ka ngak tui adat hukum, paglaong hatai pacang caga, pataom tame tố giác tội phạm. Tapa nan, gah chức năng drak samal pacang cakak bruk ngak di dom janih tội phạm saong langyah dom bruk rah tabiak pambuak tal an ninh trật tự.

-Tui Trung tá Nguyễn Đức Thùy – Phó trưởng Công an huyện Đak Song, tỉnh Đắk Nông, dalam huyện Đắk Song hu padang saong khik bruk ngak hu siam di rilo mô hình pacang caga tội phạm ye: “palei siam mekre oh hu tội phạm saong tệ nạn xã hội” di xã Nâm N’jang, “sap kẻng an ninh bhapbini” di  ban sit Đức An saong xã Thuận Hà, mô hình “Tự quản ANTT sang bac”, “Xã oh hu ma túy” di xã Đắk N’drung, “oh hu tội phạm saong tệ nạn xã hội”di xã Trường Xuân…....

-Bruk peih ngak bruk bhapbini khik caga ANTQ saong dak padang, khik ramik bruk ngak di dom mô hình pacang caga tội phạm di huyện Đắk Song daok patagok hu siam mrekre, ieu pataom tame bruk di abih hệ thống chính trị, pamedeih tagok pren khang di bhapbini, ngak jeng “thế trận lòng dân” khang kajap, ba gauk mesruh caga tội phạm, tệ nạn xã hội meng bhapbini, puk palei./..

Thúy Linh