Nyaom biai Akok mentri Ngoại giao ASEAN mbang ka 53 

"Sap ndom Việt Nam" hu  75 thun nao gam hong taneh ia tapa rilo canah jalan dak rai bak kan kandah, glaih glar, min jeng biak  hadah mbaok meta . Rayo sap ndom VN jeng  "Sap ndom di taneh ia ", di  độc lập - tự do, sap ndom di  Đảng, karja song bhap bini  Việt Nam, lac ayut caik jia hatai di sahabat dunya  . Nan lac panuac di  Thủ tướng Nguyễn Xuân Phúc di tuk pahadar  75 thun harei padang rayo sap ndom VN peih tabiak di bier harei 6/9, di pasak papar sap pakat negar  (labik 58 Quán Sứ). Thủ tướng jeng ndom lac, khin salih bahrau, khin nao atah ye rayo papar sap njauk brei khik mek gha, khik asal di drei, khang hatai tui jalan di  Đảng, khik dom yaom glaong ilamu bo rayo hu pataom tapa  75 thun; rik dong song dom jabat  báo chí khik caga khang kajap jalan saheng di  Đảng; khik caga chế độ, pacang chuyển hóa,  rik dong pabak bruk dak padang song khik caga taneh ia.

Harei ini 7/9, peih ngak dom bruk camereip dalam dom bruk di Nyaom biai Akok mentri Ngoại giao ASEAN mbang ka 53 saong dom Nyaom biai pambuak tal bruk nan, hu Nyaom biai dom urang ngak praong pakat glaong iew lac SOM ASEAN gam saong Nyaom biai SOM Uỷ ban Hiệp ước Đông - Nam Á oh hu vũ khí hạt nhân. Nyaom biai Akok mentri Ngoại giao ASEAN mbang ka 53 saong dom Nyaom biai pambuak tal meda peih ngak meng harei 9 -12/9 tui jalan online. Lambaok Akok ASEAN 2020, Phó Thủ tướng, Akok MINTRI Ngoại giao Viet Nam Phạm Bình Minh dang peih akaok dom Nyaom biai nan. Di dom Nyaom biai angaok nan, dom akok mentri brei pataom tame ginum biai ka bruk rah tabiak dalam kan kandah di jit Covid-19 dalam bhum saong dunya gam saong dom jalan pacang jit ruak. Dom urang akok mentri caik rilo tukvak piah ginum biai ka dom jalan pambuak talei rohim khang kajap saong jhul pakhang bruk salamat, tani tanat saong an ninh dalam bhum, dalam nan sanya kham merat brei ngak ginup, siam jang Tuyên bố ka tasik Biển Đông iew lac DOC di dom gah saong samar ngak bahu Bộ Quy tắc ứng xử di Biển Đông (COC) tame pandar.

Mesup ni , Thành ủy - HĐND- UBND ban  Hà Nội peih bruk pok meyaom  thủ khoa naih ghieh tamat dom sang bac đại học, học viện thun 2020 dalam ban  Hà Nội . 88 thủ khoa naih gheih hu pok meyaom di danak dak lac dom  sinh viên tamat dom sang bac đại học, học viện lac dom kreik camin naih gheih mek hu jak jeng dalam bac daa, pasram song ngak bruk  Đoàn – Hội.  8 thun tapa  hu labaih  1 ribau  800 Thủ khoa hu pok meyaom. Rilo dalam dom Thủ khoa hu pok angan jak jeng dalam bruk ngak, hu rilo rik dong ka ban ine song taneh ia  .

Kapol y, bác sĩ Ban raya Hồ Chí Minh palao tabiak Đà Nẵng hadei di tukvak daong ban  pacang caga jit Civid-19. Di var palao kapol tagok jalan, ong Lê Trung Chinh, Phó Akok UB bhap bini ban raya Đà Nẵng hu panuac thau dhar phol bruk daong sumu di gah Y tế dom tỉnh jiak taphia, dalam nan hu Kapul y, bác sỹ Ban raya Ho Chí Minh, hu daong ban Đà Nẵng yam tapa tukvak kan kandah di jit Covid-19. Ong Lê Trung Chinh lac: “Khol dahlak tuk halei jeng caik dalam hatai bruk anit ranam saong bruk daong di Kapol urang y tế Ban raya Ho Chi Minh, Đà Nẵng brei kham merat ngak siam bruk pasang iek jit ruak dalam tukvak samar abih”.

Pagam tal bruk rilo  jeik  bau talang payua di baha  Kỳ Quang 2 –ban raya HCM oh daok thau angan, di mbang ndom nyai song gauk gar di urang jeng aruah nan, thượng tọa Thích Quang Thạnh, urang bahrau hu jao taduan  bruk  pasang iek tacei ba dom brukngak di  baha  Kỳ Quang 2- hu sa mbang tra ndom lac  biak suan tuk caik rah tabiak bruk nan song payua panuac likau ma af tal dom boh sang. Urng pal bruk bahrau di baha  Kỳ Quang 2 jeng batabiak dom jalan langyah bruk nan yau ni: Meyah thau hu angan jeik bau talang tapa meta mong, meyah gauk gar oh khin payua veik di baha ye meda ba jeik nan  tapa baha  Vĩnh Nghiêm (Quận 3) payua oh abih jien, atau ba tapa dom baha karei. Bruk oh thau cambaih laih angan je, ye baha peih bruk ba nao proi trun kraong meyah gauk gar njauk hatai. Jalan ngak ka  3 lac pataom mek dom jeik bau talang caik di labik praong, glaong, sarak angan  bảng vàng atau baha hu ngak tượng phật song tuh dom bau talang tame gah dalam  tượng piah bhap bini pok kakuh haong gauk . 

Urang ngak praong di Mỹ harei 6/9 brei thau, labaih 200 menuac hu Gah Vệ binh negar daong ba tabiak truh apui khuah glai di sa labik main di mbang California. Gah Vệ binh negar hu pandar kapal haok par tame Blách-hoắc (Blackhawk) saong Chi-núc (Chinook) piah daong. Apui khuah glai Críc Phai-ờ, khuah di harei 4 bilan 9 jaik ban sit Sây-vơ Lếch (Shaver Lake) saong tal jala pandiak harei 05 bilan 9 samar pambak praong labaih 145 km vuông.

Dalam sa bruk ngak piah dong ka dom negar  châu Phi pacang jit  Covid-19, Ai Cập daok ba tabiak bruk dong pandap  y tế yaom  4 triệu đô la Mỹ npiah dong rajaei song bhap bini dom negar njauk kan kandah kayua jit  ruak ni. Danak dak ni hu Ai Cập kỳ cong lac meda dong hu ka bhap bini dom negar châu Phi patrun dom tavak tavaiy di jit prong Covid-19.  Dalam bilan  8 meng bloh, Ai Cập hu pajeng rilo mbang pandap  dong  y tế tal  Lebanon meng jalan tasik song jalan kapan haoh piah dong ka rajaei song bhap bini negar ni pasiam veik di mbang patuh rah tabiak di pambah lamnge  Beirut di akaok  bilan  8 meng bloh.

Thủ tướng Anh Boris Johnson ba tabiak tukvak PUAC DI ABIH LAC tal harei 15/10 anak tal piah ka Liên minh châu Âu saong taneh ia ini mek hu thỏa thuận bruk pablei salaih, meyah oh hu Anh brei padang dom bruk pambuak gauk yau Australia. Panuac ndem meyai  di Thủ tướng Anh hu ba tabiak dalam tuk dom mbang ginum bruk pablei salih di Anh saong EU daok tavak tavaiy dalam tuk Anh ndok khik bruk ngak po daong bruk taong chap ikan di taneh ia ini. Tui Thủ tướng Anh, meyah 2 gah oh njauk gauk dahlau di harei 15 /10 - dalam negar Anh saong EU brei taduan bruk  nan saong Anh brei pambuak bruk pabeli salih saong dom taneh ia karei tui jalan ngak di Australia./.

Urang lang: Hani Pha – Ái Nghiêm – 07/09 16:06:22