Bruk pruh jru pak di sang bac 

Sarak mbang nyaom Rajaei bilan 9 meng blaoh bahrau hu patabiak. Sa dalam dom kadha hu makna praong lac Rajaei brei peih bruk pato saong bac tapak di dom bhum pasang iek hu jit Covid-19 saong khik brei salamat meng bilan 10. Mentri Pato megru brei peih bruk pambuak saong dom jabat, palei samar padang ngak, ba tabiak bruk tacei pato salamat piah dom sang bac pato bac tapak lagaih saong bruk rah tabiak di jit ruak. Mbiah tal tukvak ini, hu 23 palei peih bruk gam pato tapak, gam pato online, pato tapa rayo papar binguk; 32 palei brei bac online abih, tapa rayo papar binguk. Kayua jit ruak sraw kadau yau nan ye tui Mentri Pato megru, tukvak puac thun bac 2021 -2022 brei ngak ka lagaih.

Mintri Y tế bahrau hu harak payua tal Sở Y tế dom tỉnh, bal saong dom  Viện Vệ sinh dịch tễ, Viện Pasteur ka bruk klauk jru caga COVID-19 ka ranaih umo meng 12-17 thun. Tui nan, dom tinh, bal padang jalan ngak saong peih bruk klauk mbang 1 meng bilan 10 ni mayah caga ginup abih bruk. Peih bruk klauk tui danak dak di dom labik klauk hu blaoh  labik klauk lưu động saong sang bac. Amaik ame, urang iek glang mbaoh tangin tame harak brei klauk jru.

Rilo bruk ngak hu makna  salam uan pahadar 65 thun harei ilamu Kapol nyaom dam dara Viet Nam ( 15/10/1956 – 15/10/2021) daok rah tabiak sumu di ban Cần Thơ. Dalam nan hu bruk “Dahlak ranam Taneh ia dahlak” di 9 quận,  huyen dalam ban, ngan saong rilo kadha biak lagaih, daong ka anek saih kathaot, urang ngak kong hu raidiuk kan kandah, dam dara dom bangsa takik, agama…Tui nan, daong sa baoh sang Anit ranam, 158 bbaoh tapuk, 6 pandap mac bac obline, 230 kadung an sinh, kuhria abih tih yaom 150 trieu đồng. 

Tui pathau khan di Ủy ban Bangsa, urak ini dalam taneh ia hu jao jaik 806 ribau ha gilai ka labaih 12 ribau rahra bangsa takik khik iek; jao labaih 936 ribau ha ka labaih 439 ribau baoh sang bangsa takik khik iek. Maong rah tapa, di dalam taneh ia, bruk jah tak gilai, mek kayau suan hukum hu pacang viek, trun dom labik pandiak, bruk pacang me-om halui gilai hu labaih 42%. Dom tỉnh hu tanut  pacang me-om gilai glaong abih pataom di bhum Tây Bắc, Đông Bắc, Bắc Trung bộ, tapen tasik bhum kreh negar, Tây Nguyên, jeng lac labik daok di bhum bangsa takik saong bhum ceik.

Công an Ban Phan Rang - Tháp Chàm, tỉnh Ninh Thuận birau ba tabiak kaoh tui hukum, chap khik Bùi Xuân Hiệu, ndih tapui thun 1986 saong Tạ Ngọc Chính ndih tapui thun 2000 ka bruk cagar urang ngak bruk. Tapa duah thau, harei 9/10, Chính peih radaih patuh pajeng Hiệu tapa balai pasang iek jit di khu pho 3, phường Đông Hải. Tuk hu iew padeih radaih pasang iek tui bruk ba tabiak pacang caga jit, Chính yuh ga nduac klak min kayua ginuk tame pandap pacang balai labuh trun jalan, 1 công an phường njauk rambuac kayua pandar jaleih paoh tame rup. Dua urang nan mebuk alak tuk peih radaih angaok jalan. 

Ủy ban urang ilamu di Cục khik ramik pandap mbang saong jru tavao Mỹ meda taom gauk di puac bilan tal piah ginum biai ka jru pacang caga virus COVID-19 janih asal di Cty jru tavao Mớc (Merck). Mayah hu brei ngak, ini meda lac jru pacang caga virus COVID-19 janih manyum camriep di dunya. Tapa mbang ngak iek brei mboh janih jru ini daong patrun bruk tame sang iek ruak tal 50%. Rajaei Mỹ njauk hatai brei blei 1,7 triệu mbang jru di Mớc mayah hu Cục khik ramik pandap mbang saong jru tavao Mỹ brei harak adat brei pandar samar drah.

Rajaei Nhật Bản brei peih ngak danak dak pachreih bruk dulich di paok jien pachreih yaom 10 ribau tỷ yên Nhật piah pachreih tagok bruk cakrok kinh tế dalam negar jeng yau bruk ngak tabiak jru saong vaccine pacang Covid-19. Piah ngak tui bruk sanya dahlau di nan ka bruk pakhang prein pacang jit saong pasiam veik bruk kinh te, Thủ tướng Nhật Bản Ki-shi-đa brei ka Hạ viện padeih piah peih bruk  tổng tuyển cử di harei 31/10.

Nigeria khan lac pametai urang par akaok di gah khủng bố (IS) di Tây Phi, Abu Musab Al-Barnawi. Hu thau, kapul khủng bố IS di Tây Phi hu padang meng thun 2016 saong pasang iek rilo labik, peih dom bruk mesuh bak darah ngak ka rilo urang metai. Bol bala Nigeria hu paglaong dom bruk ngak pacang caga viek haong kapul IS di Tây Phi hadei di tuk kapul ini peih dom bruk mesuh taong tame bol bala saong cap khik manuac dok jien, ngak sarau kadhau dom bang gah barak Nigeria./.

Urang lang: Ái Nghiêm- Thu Thảo -15/10

.