Tiến sĩ Trần Du Lịch ndom lac, ban raya HCM bhian lac labik nao dahlau dalam biak rilo bruk cakrok kinh tế- xã hội; meng bruk padang khu chế xuất, khu công nghiệp, mbiah tal bruk xã hội hóa, padang dom định chế thị trường, buk đầu tư BT… Yaok thun, ban raya rik tame 1/3 yaom jien di kadung jien taneh ia. Min ban raya praong abih di taneh ia ini daok cakrok oh ka samu haong angan di nyu,  daok dang anak rilo cuang kandah praong saong mbuan kadun likuk. Kayua tavak tavaiy gah cơ chế kinh tế dalam pren meriak gauk, bruk srau kadau dalam cakrok patagok hạ tầng đô thị saong abih di nyu nan lac bộ máy chính quyền đô thị yau sa blah ao biak harak daok pacang jalan patagok di Pasak kinh tế praong gah meraong. Kayua yau nan ye, ini lac jalan peih tabiak ka ban raya HCM yam tagok piah tui samu dom taneh ia dalam khu vực saong dunya. Tiến sĩ Trần Du Lịch ndom lac: "Ban raya njauk meriak gauk samu haong dom ban praong dalam khu vực, haong Bangkok, haong KualaLumpur, haong Singapore , oh lac ban raya dut saong Biên Hòa-Đồng Nai atau dom tỉnh jaik taphia. Dom cuang kandah nan biak praong. Nan lac bruk bo dahlak mboh lac di gah thể chế."

          Tui jalan maong karei di dom chuyên gia kinh tế, ye cơ chế đặc thù ini, lac jalan tagok khang dalam bruk palahik cơ chế xin-cho, bo rilo thun ini mai daok pacang bruk nao tagok di ban sami samar abih di taneh ia. Hu oh takik mbang, urang dang akaok karja ban raya mboh duh hatai kayua thủ tục hành chính rườm rà di dom Mintri, dom ngành Trung ương nyu ngak ka ban raya tablait nao rilo dự án đầu tư praong; dalam nan hu dự án tagok tal 4 tỷ đô la Mỹ. Bahrau di abih lac bruk parabha phun jien ka công trình Metro daok padang ngak, tuk bo Rajaei njauk hatai brei ngak min Mintri Kế hoạch- Đầu tư  daok suai damuai dalam ghi vốn thun 2017, ngak brei dự án praong ini suai damuai tui.

Kayua yau nan ye, PGS.TS Nguyễn Văn Trình, Phó akaok Viện roh duah patagok ban raya HCM mboh lac: Quốc hội jao jalan ngak saong quyền tự quyết 4 nhóm bruk ngak hu daong ka ban raya langyah hu dom tavak tavaiy dalam rilo thun tapa bo daok lac jalan adat ka ban raya  duah jalan nao bahrau ka đô thị đặc biệt:  "Tuk hu Quốc hội brei tapa ye ban raya eng drei hu ba tabiak jalan ngak dalam khik ramik, tacei ba, đầu tư patagok ban raya. Min cuang kandah lac ban raya brei biak biai eng drei ngak, sahneng duah, ba tabiak dom jalan ngak lagaih ka bruk patagok.. Hu brei quyền yau nan, njauk sáng tạo, chủ động, meyah oh hu yau nan, oh patagok hu bruk bo Trung ương hu jao brei."

Tui Tiến sỹ Võ Kim Cương, dahlau daih lac Phó Kiến trúc sư Trưởng ban raya HCM, Cơ chế đặc thù lac jalan piah cakrok patagok, min mbuan lagaih tuk halei jeng nao gam haong cuang kandah. Tui jalan maong gah patagok đô thị, Tiến sỹ Võ Kim Cương mboh lac, cơ chế đặc thù ba mai rilo mbuan lagaih, abih di nyu nan lac ka quy hoạch, pandar taneh, tổ chức bộ máy,ieu pataom jien padai saong ban raya hu laneing tangin jang dalam bruk ieu pataom pren khang xã hội. Min meyah jalan ngak oh cambaih laih ye oh ba tabiak hu jalan ngak njauk, bo daok ngak brei kan kanbdah jang, tavak tavaiy jang:  "Brei hu bruk tiếp cận meng jalan ngak praong, oh njauk lac harei ini đô thị thông minh, harei pagaiy lac diukrai siam, meng nan meda ba tabiak dom jalan ngak cambaih laih min oh tantu. Dahlau di abih brei hu jalan ngak haong gauk, meng nan mboh lac ban raya caong hagait di abih, pagap yau khin hu đô thị sống tốt ye asal di đô thị sống tốt lac hagait caong hu dahlau, daok meyah tame dom tiêu chí dahlau ye oh hu kein laba."

 Ong Nguyễn Thành Tài, dahlau daih ngak Phó akaok UB bhap bini ban raya HCM ndom lac: Cơ chế này daok ngak jeng pren khang bahrau piah ka ban raya HCM par tagok. Min meng tuk ini njauk padang chip sa kapul urang jakar, công chức pabak hu bruk ba tabiak: "Sa kadha praong njauk caga meng aval, nan lac menuac piah ngak. Meyah oh hu menuac piah pabak hu bruk ngak ini, ye dom rairah nao dahlau oh ba brei hu jalan sahneng di drei ka rairah hadei. Kayua yau nan ye, tuk halei jeng brei hu bruk caga dahlau gah menuac ngak piah pabak hu bruk bahrau ini."

          Bí thư Thành uỷ ban raya HCM Nguyễn Thiện Nhân brei thau, dalam 18 asal kadha di cơ chế, chính sách đặc thù di ban raya, hu 12 asal kadha njauk hu quy định di HĐ bhap bini ban raya. Kayua yau nan ye, meng mbang nyaom peih tabiak di bilan  12 tal, HĐ bhap bini ban raya  meda tabiak sarak piah peih ngak chip dom asal kadha ka cơ chế đặc thù ka ban raya HCM. Tui nan, UB bhap bini ban raya meda hu danak dak peih ngak dalam 3 thun 2018 - 2020 saong jalan ngak yaok thun. Yau nan, oh njauk lac likau cơ chế bloh caik nan, bo sa ban raya sami samar tuk halei jeng biai nao gam haong ngak, daok yuh drei piah yam tagok, par atah./.