Siam mekre haci hacih pandap mbang menyum di Yên Bái:jeng daok caik ka patoah jamo

Pathau mikva saong grauk yut ! Dom harei tapa, dalam tỉnh Yên Bái hu dom mbang ngộ độc ngak metai menuac, makna lac kayua mbang njauk pandap mbang hu jru mek. Bruk randap mbang menyum di mikva bhum glaong, gam saong trình độ thau daok bair dalam tuk pandap mbang menyum nerak dak harei dak rilo, mbuan ba tal njauk jru mek. Kadha vak “siam mekre haci hacih pandap mbang menyum di Yên Bái : daok caik ka patoah jamo” di urang vak di rayo sap ndom VN daok di bhum Tây Bắc, daa mikva saong grauk yut tui pang :

Darak Mường Lò di ban sit bhum ceik Nghĩa Lộ hu maong lac darak praong abih ka pandap panda kaya nông saong pandap mbang di tỉnh Yên Bái. Di darak ini, labik pablei njam patam baok traoh, pandap mbang saong pandap that metah, tuk halei jeng bak menuac tame tabiak yaok harei. Bruk mbuan si mboh di abih lac bhapbini dom bangsa pak ini bhian ruah dom pandap mbang yaom lap piah blei, kayua kinh te di mikva daok biar, sang hu rilo menuac. Saai Triệu Tài Toàn, xã Nậm Lành, huyện Văn Chấn barau blei njam di darak Mường Lò brei thau : "Oh thau hu jru halei oh, mboh yaom lap ye blei, mbiah saong kadung jien ye blei "

Ndom biai saong rilo urang nội trợ di ban sit Yên Bái saong dom huyện Văn Chấn, Trấn Yên, Lục Yên … jeng mboh, yaom lac biak huac tuk pang dom  phương tiện truyền thông brei thau dom bruk njauk jru mek pandap mbang, dom bruk pablei salih pandap mbang nerak ba tal ruak…min bhapbini di labik ini oh thau pacang plaih yau habar. Ilamu piah thau dom janih pandap siam halei oh jeng daok biar,  nan ye bruk pilih ruah pandap tuk blei rilo meng tui hatai takre di drei. Saai Nguyễn Thị Chi, sa urang nội trợ daok di phường Nguyễn Phúc, ban sit Yên Bái brei thau :  "Njam siam  saong oh siam meyah nyu oh hu  halak kayua  urang pruh jru kích thích saong jru halak. Daok njam di dahlak ini maong mboh rilo halak saong bimao, ini lac njam siam; meyah  njam ngót ini tuk tagok ia jhuk  lac njam hu rilo đạm mbang tame meda njauk jru mek".

Sa makna karei mbuan ba tal njauk jru mek pandap mbang di bhum glaong  Yên Bái nan lac kayua randap ngak saong pandar pandap mbang di bhapbini dom bangsa takik labik ini. Rilo rai ini ini, mikva bhum glaong jeng bhian pandar dom janih njam saong bimao glai piah mbang, yaom lac thau oh takik urang metai kayua oh thau hu janih halei hu jru mek, janih halei oh hu. Lingiu di nan, bruk randap mbang pandap metah, yau gỏi tái...jeng daok mboh rilo dalam bhapbini. Saai Hà Thị Xuân, urang daok di xã Thanh Lương, huyện Văn Chấn ndom lac: Oh hu hagait, meng dahlau mai  ông amuk, amaik ame drei jeng ngak yau nan, jeng mbang oh njauk hagait. Drei ngak rilo paje, abih sang drei jeng mbang hamiet.

Anak bruk pandap mbang nerak daok tuh mai bhum ceik, bhum glaong dak harei dak rilo, dom gah chức năng di Yên Bái hu patabiak rilo jalan ngak piah daong ka bhapbini caga njauk jru mek pandap mbang, dalam nan paglaong bruk pathau khan meng rilo jalan. Ông Lương Quốc Dũng, akaok Chi cục an toàn hacih saat pandap mbang tỉnh Yên Bái brei thau :"Dahlau abih lac pataom tame pathau khan piah ka bhapbini bangsa bhum atah bayah meda thau hu dom kadha ba tal njauk jru mek pandap mbang, pagap ye bimao halei drei meda pandar hu, bilan halei meda mbang hu; ka dua lac dom janih jru mek hu dalam athur ye : ralo kieuk, hatai kieuk, baoh kiuk meyah oh chế biến siam jeng meda ba tal njauk jru mek. Taphia di nan dalam dom ndam likhah, ndam metai di dom bhum hu rilo menuac, kol dahlak hu tacei pato y tế cơ sở nao tal piah tacei jalan pilih ruah, chế biến saong khik ramik piah khik caga hacih saat an toàn pandap mbang ".

Dom harei tapa, bhapbini bhum glaong Yên Bái daok mboh huac tuk rah tabiak rilo bruk njauk jru mek pandap mbang ngak metai menuac. Min dalam điều kiện di drei, tuk caga saong pandap mbang nerak, meda lac bhapbini pak ini jeng daok caong tame patuah jamo./.

Thúy Linh