Sinh viên Huỳnh Lê Thái Bão, lớp Y Đa khoa K12A, Khoa Y Dược, Sang bac Đại học Tây Nguyên hu ayut sahabat iek prong kayua bảng điểm bac megru 3,9/4 điểm tuyệt đối, saong daok lac urang mek hu ralo giải thưởng, yau: giải nhất kiến thức di mbang pakacah sap Anh pakat negar Star Awards; giải nhất roh duah ilamu khoa học saong giải nhất mbang pakacah Olimpic sap Anh pakat sang bac thun 2017.

Thái Bão daok lac urang đoàn hội sami samar, abih hatai, lac phó chủ nhiệm 2 klup kapul halar hatian di sang bac Đại học Tây Nguyên. Sa-ai jeng lac urang lambaok ka bhum taneh gah kreh negar saong Tây Nguyên mek hu angan “sinh viên 5 siam” thun 2017 kayua Trung ương Hội Sinh viên Việt Nam pok brei. Huỳnh Lê Thái Bão khan lac, sa-ai hu mbaok tame ralo mbang pakacah, ralo bruk ngak phong trào, oh njauk lac kayua angan je, bo lac piah pataom ilamu, caga padang mbang ngui tuk bac tamat bloh:Kadha praong abih oh njauk lac hadah mbaok tuk drei yam tagok bục taduan mek danh hiệu,  bo taong abih bruk drei kham merat, kadha nan meng lac praong. Drei kham merat tapa yaok bruk ngak bloh meng nan drei hu mbaok tame dom klup kapul daong ka sinh viên hu kỹ năng. Meyah sinh viên drei tok thau bac megru saoh ye rai sinh viên tok hu sa meteh, hatai saneng di adei yau nan. Saong adei caik sa meteh daok veik piah nao ngak phong trào, bac megri oh lac tok hu kiến thức bo daok hu tư duy ka xã hội piah diuk rai dalam xã hội.

Daok ngan haong Rahlan Koya, bangsa J’rai, sinh viên lớp Sư phạm Sap Anh K15, khoa Ngoại ngữ, Sang bac Đại học Tây Nguyên saneng lac, lac sa sinh viên jaman bahrau, tok thau bac megru naih yioy nan oh ka ginup, bo daok brei thau pabak ka drei dom ilamu di anak meta, ba drei tame raidiuk saong abih di nyu lac eng drei pasram paglaong ilamu ndom puac sap negar lingiu.

Lac akaok klup kapul sap Anh di sang ba Đại học Tây Nguyên, Koya hu daong peih prong klup kapul tapa bruk pambuak dom sinh viên dalam khoa Ngoại ngữ haong dom khoa karei gam bac megru ilamu kinh nghiệm. Mai meng nan, bruk mek hu blah bằng sap Anh B1 oh daok lac bruk kan kandah ngan haong sinh viên. Rahlan Koya khan lac, sap Anh oh kan meyah drei hu jalan pathram ka nyu njauk: Angaok lớp ye khaol dahlak bac dom môn karei gauk ye mai sang khaol dahlak caik tabiak 1 atau 2 tiếng dua adei sa-ai ndom biai nao mai meng sap Anh haong gauk piah patagok ilamu puac sap Anh.

Lac anek taluac dalam sang hu tal 8 adei sa-ai daok  bac, amek ame ngak hamu apuh, H Tiên Byă, bangsa Ê Đê hu palih ruah ka drei ngành Văn thư lưu trữ, sang bac Trung cấp Đắk Lắk piah tui bac. H Tiên brei thau, tukvak bac trung cấp tok abih dua thun, kayua nan ye bruk bac eng, pathram eng njauk hu iek prong jang. Oh lac bac megru saoh, bruk hu mbaok tame ngak dom bruk phong trào jeng lac jalan siam piah pathram ka rup drei.

      Dang anak bruk lac jalan padang mbang ngui ka rup drei dak harei dak kan kandah jang, yaok sinh viên mai meng dom buôn palei Tây Nguyên thau hu bruk pabak ka drei oh lac kiến thức meng tapuk siphau bo daok meng bruk biak di anak meta, eng drei pasiam veik taong abih gah. Dom baoh bingu di dom buôn palei daok prong tagok yaok harei, daok jeng baoh yamen, jeng asal pajaih, rik daong tame bruk dak padang buôn palei cak rok patagok jang, yam tame jalan hội nhập di taneh aia./. 

Jasi lang tapa sap Cam