Pasang iek parabha vaccine ka ban raya peih bruk klauk njauk tukvak

Mesup ini  20/9 tui mon Việt Nam, di Cung Cách mạng di ban ine La Habana, hadei di tuk tamat siam mekre bruk ginum biai, akaok negar Cộng hòa Cuba Miguel Díaz-Canel hu dang tabiak peih bruk jao Huân chương Jose Marti, lac Huân chương praong glaong abih di Karja Cuba, alin hadiah ka akaok negar Nguyễn Xuân Phúc. Bruk nan rah tabiak dalam praong prang, hu mbaok di urang ngak praong pakat glaong di dua taneh ia.

Hadei di tukvak pa-atah di gauk tui Sarak 16 di Thủ tướng Rajaei, mboh lac jit COVID-19 dalam tỉnh Long An daok pasang iek hu, UB bhap bini tỉnh brei pacang caga jit tui Sarak 15 di dalam tỉnh meng harei 21/9/2021 mbiah tal tuk hu panuac khan bahrau. Gam haong nan, ieu dom gah chức năng pasang iek, padang jalan ngak piah peih ngak iek bruk  peih veik dom darak meng kan. Jeng meng harei ini (21/9), Pasak ngak bruk harak gar tỉnh, Pasak ngak bruk harak gar pakat huyện peih ngak bruk veik yau kung.

Sở Y tế ban raya HCM bahrau hu harak payua ka  Viện Vệ sinh dịch tễ Trung ương ka bruk pandar vaccine pacang COVID-19 meng ni tal harei  31/10, piah pasang iek parabha vaccine ka ban raya peih bruk klauk njauk tukvak. Piah ngak salah bruk klauk  2 mbang  vaccine ka 7.208.800 rahra, ban raya tui kuhria brei hu  6.031.000 mbang vaccine meng harei 20/9 tal harei  31/10.

UBND tỉnh Đồng Nai bahrau tabiak harak ka bruk nao mai meng bhum ni tapa bhum dieh dalam tukvak siam mekre bahrau meng maong 12 melam 20/9. Di dom bhum hijao, tỉnh Đồng Nai pandar dom sarak karei di gauk, iek tui bruk klauk vaccine caga COVID-19 ka urang meng 18 thun tagok. Bhap bini nao mai, hu mbaok tame bruk ngak pahla jeng brei klauk ginup 2 mbang vaccine atau takik abih lac 14 harei hadei di tuk klauk mbang ka 1. Mayah bhap bini nao tal dom huyện, ban “bhum bhong”, bhum tam kanjik ye oh mai viek bhum hijao tal tuk halei bo huyện, ban nan jeng bhum hijao. Ngan haong dom huyện, xã lac bhum bhong, bhum katam, kanjik ye pandar sarak 16, khik iek catang bruk nduac radaih di jalan. Tỉnh Đồng Nai ieu kakei taong abih urang pandar phone par tangin njauk pandar ứng dụng khik iek jalan nao mai dalam taneh ia VNEID kayua Mintri Công an ba tabiak piah pathau khan, quét mã QR di dom bilai pasang iek. Gam tui di nan, pandar ứng dụng Sổ sức khỏe điện tử piah brei thau cambaih lac hu klauk vaccine.

Pasak Y tế ban Thủ Dầu Một, tỉnh Bình Dương dok pambuak bruk song  UBND phường Phú Cường pacang veik, duah thau, langyah dom urang ruak dương tính song SARS-CoV-2 bahrau hu mboh di pak ni. Tong abih  73 urang mboh yau njom ruak ni jeng ka oh thau njom meng halei song hu brei ba nao dok karei. Tui urang vak di rayo sap ndom Việt Nam, hadei di sa adit  ban Thủ Dầu Một pacadu bruk paatah di gauk, rahra tabiak jalan biak rilo, hu menuac oh cuk patiah pacang mbaok.

6 bilan hadei di bruk jao alin, daong saong pablei vaccine Covid-19 ka dom taneh ia di dunya, Ấn Độ meda pasiam viek bruk ngak ini meng di bilan 10 anak tal. Ấn Độ meda pabak ka dunya vaccine Covid-19 tui danak dak Vaccine Maitri – lac sa jalan ngak piah pabak bruk caong ka vaccine dalam tuk jit praong di dunya. Ấn Độ jeng meda ngak salah bruk ngak di drei dalam sanya haong danak dak Covax.  Ấn Độ urak ni hu maong lac labik ngak vaccine dom janih praong abih di dunya.

Mỹ tabiak panuac khan brei thau, meng bilan 11 anak tal brei peih pabah mbang veik ka tuai nao kapan haoh  meng  Trung Quốc, Ấn Độ, Anh song dom taneh ia châu Âu karei, meyah hu klauk ginup vắc xin pacang Covid-19. Sarak ka bruk klauk vắc-xin bahrau hu dom kadha bahrau, dalam nan hu gam uranaih oh ka ginup umo klauk. Min, sarak bahrau ni oh ka pandar ka tuai nao mai jalan tapen negar hong  Mexico song  Canada.

Tui panuac khan di cảnh sát Pakistan, bruk cuh phao di 2 kapul tuk daok hu mbaok dalam phiên tòa di bộ lạc Jirga harei kabroi (20/9), ngak ka 9 urang metai saong 20 urang karei njauk rambuac. Urang hu mbaok dalam phiên tòa brei thau, bruk ini rahtabiak dalam tuk dom kapul pataom gauk di tòa piah langyah bruk maraik gauk ka bruk ngak jalan angaok taneh di drei. Bruk kamlah gauk dak khang tagok saong jhak jang tuk 2 gah mek phao cuh tame gauk./.

Urang lang: Thu Thao – Hani Pha – 21/09