Hu ginup vaccine piah klauk ka tong abih bhap bini 

Meng harei paguh 1.7, Hukum cư trú 2020 saong Thông tư 55 tacei pato jalan ngak Hukum cư trú  hu ba tame pandar, salih bruk khik iek bhap bini meng harak ba-ar tapa hồ sơ điện tử. Ngan saong dom quy định birau di Hukum cư trú, rilo harak gal pambuak tal bruk lưu trú, cư trú di bhap bini hu klak. Salih tame nan, bhap bini brei palih ruah jalan tut angan lưu trú, cư trú tapa online di dom blah web dịch vụ công salih ka bruk tame tapak jabat công an yau dahlau ini.

Sở Y tế TP.HCM brei thau bruk klauk 836.000 mbang vaccine Covid-19 tamat di harei ni (30/6). Peih tabiak di harei 19/6 di labik công nghệ glaong (ban Thủ Đức), danak dak hu peih tabiak ngak gam gam meng bier harei 21/6. Kuhria tal puac harei 29/6, di ban raya HCM hu labaih 805.000 urang hu klauk. Hu 106.000 urang brei padeih klauk hadei di tuk pasang iek ruak saong 753 urang njauk phản ứng phụ hadei di tuk klauk. Harei ni ban raya HCM klauk 30.000 mbang vaccine Covid-19 veik saong meda tamat danak dak.

UB bhap bini tỉnh Bình Dương birau hu harak payua tagok Mentri Y tế  saong Viện Pasteur TP.HCM pasang iek, samar brei daong ka tỉnh anak bruk urang njom Covid-19 tagok  pakat 5, lac labaih 300 urang ruak. Kuhria tal harei 29/6, Binh Duong hu 326 urang njom Covid -19 dalam bhap bini dalam mbang tamuh jit ruak ka 4. UB bhap bini tỉnh caong khin Mentri Y tế  pasang iek brei urang ilamu gah dut iek ruak, brei urang y te mai daong mek mau dut iek ruak, bac si saong điều dưỡng; daong pandap dut iek samar, mac dut iek ruak Covid-19 saong dom pandap pacang caga ruak karei karei.

Menuac meng ban raya HCM, Bình Dương tal Đồng Nai ngak bruk brei hu harak dut iek mboh âm tính nCoV, peih ngak meng maong 12 melam 5/7. Bruk ngak nan hu UBND Đồng Nai ba tabiak piah paglaong tanut pacang caga Covid-19 dalam tuk tỉnh ni hu 19 urang njom Covid-19, TP.HCM hu 3.591 urang saong Bình Dương 326 urang njom. UBND tỉnh Đồng Nai jak ba bhap bini di TP.HCM saong Bình Dương ngak bruk di Đồng Nai atau daok di Đồng Nai nao ngak bruk di Bình Dương haong TPHCM njauk daok veik di công ty, xí nghiệp atau daok sang trọ, plaih bruk nao mai tapa dom labik yaok harei.

Mban tacei jalan pacang caga jit ruak tỉnh Long An brei thau lac brei padeih ngak bruk di Sang iek ruak Đa khoa Long An, Phường 3, TP.Tân An, hadei di tuk hu urang njom ruak Covid-19. Dahlau di nan, dut iek ruak định kỳ ka bac sĩ saong urang ngak gah y te labik ini mboh am tinh saong SARS-CoV-2. Yau nan min, tapa pasang iek taong abih  mboh hu 3 urang njom ruak Covid-19 nan lac sa urang puh ramik saong 2 urang lac urang ruak saong urang nao tui raong urang ruak.  Urak ini, Long An hu 91 urang njom Covid-19.

Labaih 3 tỷ mbang vaccine Covid-19 hu klauk di dunya kuhria tal harei 29/6, tuk dom taneh ia daok pacacah gauk duah jalan pacang cakak dom biến chủng Delta. Hu takik di nyu 3,9 triệu urang metai kayua Covid-19 saong dalam tuk nan dom taneh ia kaya mada daok mboh trun dom urang njom kayua dom bruk klauk jru biak rilo, dalam tuk nan dom taneh ia karei oh hu gah pabak vaccine lac daok gaok kan kandah. Tui yaok pataom, dom taneh ia hu jien mek tame glaong hu klauk tui kuhria lac 79 mbang dalam 100 rahra, dang akaok lac dom Tiểu vương quốc Arab Thống nhất, Bahrain saong Israel. Di dom taneh ia hu jien mek tame bier, dalam 100 urang bahrau hu 1 urang hu klauk vaccine.

Biến thể Delta daok sraw kadau di rilo taneh ia. Australia hu labaih 30.000 urang njom Covid-19, dalam nan hu 910 urang metai saong taneh ia ini brei ngak tui dom jalan pacang caga jit catang. Di Nga, harei 28/6, hu 21.650 urang birau njom ruak, glaong abih kuhria meng bilan 1 thun 2021 saong karja ban ine Moscow brei ngak bruk di sang. Urang ilamu y te Anh hu panuac lac bruk kuhria peih pabah mbang veik di harei 19/7 meda lac biak aval. Hong Kong brei thau lac pakauk taong abih dom kapal haok par meng Anh mai, meng harei harei 1/7 piah pacang caga biến thể Delta.

Rajaei Mỹ bahrau brei thau paok jien daong pabak yaom 41 triệu đô-la piah daong ka Ấn Độ pacang caga  jit praong Covid-19. Tui jabat cak rok patagok dunya Mỹ, paok jien daong ni daong ka Ấn Độ hu peih bruk dut iek Covid-19, dom bruk prein yava pambuak tal jit praong, sangka saong pabak bruk y tế di dom bhum atah bayah. Dahlau di nan di bilan 5, Tổng thống Mỹ Joe Biden hu pathau khan ka paok jien daong Covid-19 camriep abih yaom 100 triệu đôla ka Ấn Độ./.

Urang lang: Thu Thảo -Ái Nghiêm - 30/6