Bhap bini pak labik hu njom ruak hu dut iek drah 

Mesup ini  27/5/2021, di Hà Nội, akaok negar Nguyễn Xuân Phúc mai hu mbaok tuk peih mbang tabung glaong rik pataom jien daong pacang caga jit COVID- 19 tapa jalan online haong 63 labik kayua Đoàn Chủ tịch UBTWMT negar Việt Nam ba tabiak.

Sở Y tế TPHCM brei thau, hu 12 urang medil njom mbak pambuak tal Hội thánh truyền giáo Phục Hưng daok di phường 3, quận Gò Vấp, tui nan, abih tih dom urang medil njom mbak tagok tal 25 urang. Dahlau di nan, jeng dalam mesup ini, Pasak pasang iek Ruak kik TPHCM mboh hu 13 urang medil njom mbak lac dom menuac di Hội thánh truyền giáo Phục Hưng, dalam nan hu 3 urang cambaih laih dương tính haong SARS-CoV-2. Rilo labik dalam ban raya pambuak tal dom urang medil njom mbak hu gah chức năng pacang veik piah pasang iek, pacang caga jit ruak. Ban raya kakei rahra brei paglaong hatai sangka, nao khai báo y tế, abih di nyu lac dom menuac hu mbaok dalam bruk ngak di hội thánh ini bo ka oh hu karja atau gah y tế taom gaok. Dom bruk ngak mbang, ngak huak, nao mai, ngak bruk di rahra, di jabat, brei ngak catang tui bruk ba tabiak urak ini di karja ban raya saong labik drei daok, piah daong pasang iek, pacang caga jit ruak njom mbak.

Melam blaoh, tỉnh Bắc Ninh brei padang gac 2 sang iek ruak dã chiến hu 700 papal ndih piah taduan raok urang ruak mai taong ruak COVID-19. Dua sang iek ruak hu brei bruk cấp cứu, taduan raok, brei daok karei urang taong ruak pak di labik tui jalan pasiam ruak 4 di labik nan lac tacei pato di labk, anek menuac di labik, jru tavao di labik saong pandap panda di labik, langyah samar drah oh caik ka jit njom mbak dalam bhap bini, trun tal tanut biar di abih dom urang ruak saong metai. Tal mon 4 biar harei 26-5, dalam tỉnh Bắc Ninh hu 627 urang njom COVID-19.

Anak bruk TP.HCM mbuan si kurang darah kayua bruk rah tabiak di jit COVID-19, harei 26/5 jaik 200 urang lac y bác sĩ, urang ngak dalam sang iek ruak Đại học Y dược TP.HCM saong bhap bini halan hatian nao brei darah, ba gauk daong ka gilang darah di ban raya. TS.BS Phù Chí Dũng – Yam ndok sang iek ruak Truyền máu huyết học TP.HCM brei thau, kayua jit COVID-19, nan ye hu biak rilo mbang nao mai mek darah di TP.HCM oh peih tabiak ngak hu, nan ye oh mek hu jaik 5.000 kadung drah. Tui kuhria dalam dom harei tal, gilang darah Sang iek ruak Truyền máu huyết học TP.HCM trun daok takik tal tanut báo động meyah oh samar pabak darah tame khik piah.

Mesup ini 27-5, lac 2 bilan hadei di tuk gah công an duah mboh jalan ma túy di sang iek ruak Tâm thần trung ương 1, Mintri Y tế hu dom harak ka bruk thi hành kỷ luật ngan haong ong Vương Văn Tịnh, Yam ndok sang iek ruak Tâm thần trung ương 1 .Tui nan, brei ong Tịnh padeih ngak Yam ndok kayua pacadu bruk khik ramik, oh ngak njauk bruk di urang dang akaok, caik rah tabiak bruk ngak suan adat hukum ka pacang caga ma túy, tệ nạn xã hội dalam sang iek ruak, ba tal kanjah jhak biak khang.

Harei 27/5, jabat y tế Thái Lan khan lac dom menuac metai kayua COVID-19 kuhria tui harei, daok di tanut glaong abih kuhria meng harei tamuh jit ngan saong 47 urang metai dalam 24 mon tapa. Dahlau di nan sa harei, Thái Lan jeng hu 41 urang metai dalam harei, lac tanut glaong abih di tuk nan. Taphia nan, Thái Lan daok hu 3.323 urang bahrau njom ruak, dalam nan hu 1.219 urang dalam dom sang guk.  Thái Lan hu labaih 3 triệu menuac hu klauk caga COVID-19, dalam nan hu jaik 2 triệu urang klauk mbang camereip.

Tui gah pasang iek saong pacang caga jit ruak Hàn Quốc (KDCA), kuhria tal harei 27/5, hu labaih 4 triệu menuac (samu 7,8% menuac sia di Hàn Quốc) hu klauk sa mbang vaccine pacang COVID-19, dalam nan hu labaih  2 triệu menuac hu klauk ginup 2 mbang. Rajaei Hàn Quốc jeng brei thau dom jalan ngak, dalam nan hu bruk pacap rahra cuk pataih pacang mbaok hadei di tuk hu klauk vaccine pacang COVID-19. Ini hu maong lac 1 binah dalam bruk kham merat di taneh ia ini piah pachreih bhap bini tame danak dak klauk jru peih praong daok hu peih tabiak ngak dalam taneh ia.

Liên minh châu Âu (EU) daok ba harak pathau AstraZeneca tagok tòa án Brussels ka bruk ngak suan harak pambuak bruk pabak vắc-xin hu mbaoh tangin blaoh di bilan pandiak thun blaoh. Hu thau, EU khan lac  Át-xtra Zê-nê-ca barau jao 30 triệu mbang ka EU dalam 3 bilan akaok thun 2021, yaom lac dahlau di nan hu sanya ba brei 300 triệu mbang ka EU dalam thun ini. EU oh njauk hatai bruk Át-xtra Zê-nê-ca jao vắc-xin suai, ndom lac hãng jru ini brei bayar khat lahik tagok tal yaok tỷ ơ-rô meyah oh patagok bruk pabak vắc-xin pacang COVID-19 di bilan anak tal./.

Urang lang: Ái Nghiêm-Mousaphuong -27/5