Mai xã Vĩnh Quới dalam dom harei hè pandiak siam, khol hulin mbuan si mboh bruk salih bahrau di dom phum sóc di mik va bangsa Khmer labik ni. Dom jalan palei hu tuh bê tông meng palei ni tal palei deih, điện truac hadah hu dui tal yaok canah jalan, dom boh sang kaik praong siam hu padang bahrau dak harei dak rilo, tong abih dom bruk nan yau brei mboh lac  bhum palei atah bayah xã Vĩnh Quới harei halei dok kan kandah, urak ni hu salih bahrau.

Tal urak ni, xã hu jiak 98% boh sang urang bangsa takik hu điện pandar, bruk ni hu dong paglaong rai duik ilamu, main sambai jang yau bac megru ilamu ngak mbang pala drak di mik va. Taphia di nan, bruk y tế, pato megru, labik hu rilo mik va urang bangsa takik daok, dak harei dak hu padang ngak bahrau, pabak ka bruk bac daa song iek glang pren yava di mik va. Ong  Phạm Văn Tộc, sa urang dok di palei Vĩnh Thanh, xã Vĩnh Quới, ban sit Ngã Năm lac:

 Mik va Khmer di drei jeng chreih chrai ka bruk buh jien tame patagok bhum palei, tong abih bruk nan jeng hu Đảng song karja sangka buh jien ngak jalan, điện, sang bac, bilai iek ruak pabak biak siam ka rai duik di bhap bini. Kayua yau nan ye, mik va Khmer biak jia tame bruk pan akaok ba jalan di Đảng song karja. 

Di labik ni, khol hulin dok hu mboh bhap bini khan brei ka gauk thau dom ilamu ngak mbang pala drak hu kein laba. Mik va brei thau, urak ni bruk ngak nong di palei pala hu patagok song rilo jalan ngak bahrau ba mai kein liba glong yau bruk pala mãng cầu gai,  pala thanh long hatai bhong,  saong njauk biai di abih nan lac bruk patagok taneh ngak dom janih padai pahe, padai đặc sản  yau pajaih  ST, RVT…tapa dom mblang hamu prong, brei kein liba glong jang 2 mbang dut song pajaih padai dahlau deih. Meng nan rai duik di mik va dak harei dak ginup meda. Mik va Khmer di labik ni dok yaik lac, bruk sami samar dalam ngak mbang, kham merat bac megru, urak ni rilo urang nong Khmer yau sa kỹ sư takai haluk biak gheih dalam bruk ba dom ilamu kỹ thuật tame ngak hu siam angaok mblang padai, bein pala di drei. Saai Cao Thị Sang, dok di palei  Vĩnh Thanh, xã Vĩnh Quới, ban sit  Ngã Năm, tỉnh Sóc Trăng brei thau:

 Ilamu kỹ thuật ye urang nong urak ni oh karei hagait chuyên gia, halak halin hagait urang nong jeng thau, bloh pandar jru njauk tuk, buh khak lagaih, kayua urak ni urang nong thau hu biak rilo. Daok pajaih padai ye urang nong palih dom pajaih padai pahe, bingi piah pabak ka darak pasa, nan ye pablei hu biak siam.

Tui kuhria mboh, urak ni yaok ha taneh ngak nong di xã Vĩnh Quới  urang ngak hu liba jiak 100 triệu đồng sa thun, dong paglaong jien mek tame yaok tui akaok menuac dalam palei hu 28 triệu đồng sa thun.

Gam song bruk sangka buh jien tabiak ngak jalan mbak, dong phun jien, ilamu kỹ thuật dalam bruk ngak mbang pala drak di dom gah, dom pakat, ye bruk bui sambai urak ni lac rilo mik va bangsa takik dalam xã oh dok hu hatai sahaneng pagam pambak tame bruk daong di karja, bo dak harei dak thau patagok KT boh sang. Kayua yau nan ye, bo boh sang tabiak truh kan kathaot yaok thun di mik va bangsa hu meng 5 tal 7%, dui patrun boh sang kan kathaot dalam xã dok 10% kuhria tal tuk vak ni. Ông Nguyễn Quốc Hùng, Akaok Ub bhap bini  xã Vĩnh Quới, ban sit  Ngã Năm, tỉnh Sóc Trăng daok brei thau lac:  

Patui jalan daong ka bhap bini thau dom ilamu kỹ thuật dalam bruk ngak mbang pala drak. Pambuak bruk song phòng ban di gah angaok piah tacei pato ilamu kỹ thuật, pambuak bruk song pasak pato bruk ngak di huyện, piah peih dom tal pasram ilamu rong glang dong patagok jien mek tame di mik va dalam tuk vak anak tal, piah ka mik va urang nong dalam bhum urang bangsa Khmer hu patagok, ginup meda jang meng mbang ngui tal akaok sahaneng.

Dom bruk yau jalan mba, jalan điện, sang bac, bilai iek ruak hu patagok samu gauk hu pabak siam ka rai duik, bruk ngak mbang di mik va xã Vĩnh Quới song ka mik va Khmer. Gam song bruk sangka di Đảng, karja song hatai kham merat yam tagok di bhap bini, jia lac, mbaok meta xã bhum atah bayah Vĩnh Quới hu rilo urang Khmer daok patagok tani tanat./.