Di dom Cty, DN, labik ngak saong pablei salih har Pía, sa janih ahar hu angan je di tỉnh Sóc Trăng yau ye Huê Viên, Công Lập Thành, Tân Hưng, dom harei tapa hu biak rilo urang mai blei har piah caga ka tết trung thu jaik tal. Tui urang lamaok ka dom DN ni, dalam jiak 2 adit ni, urang blei har rilo jang 2 - 3 mbang dut song dom harei karei, dalam nan dom janih har Pía hu urang blei rilo di abih. Saai Trần Thị Bích Tuyền, sa urang mai meng ban Cần Thơ brei thau

Thun ni har ngak rilo jang thun dahlau, mboh hu rilo janih jang song hu rilo mẫu mã karei di gauk. Yaom kaom jeng hu rilo janih jang thun bloh, biak lagaih. Kayua lac rilo tuk sang oh ginup jien blei janih har ka sa jeng meda blei janih har ka 2, ka 3 hu ginup yaom kaom jang yau nan ye urang blei biak takre.

Hu hatai sahneng dreih yau saai Tuyền, ong Nguyễn Thế Nghiệp, meng Bà Rịa Vũng Tàu brei thau, takre har Pía Sóc Trăng song dom janih har trung thu di labik lac hu rilo janih har, rilo mẫu mã bahrau, yaom kaom lagaih, khik hacih saat pandap mbang, abih di nyu nan lac pahe song biak bingi, biak karei di tỉnh Sóc Trăng

Tal bilan trung thu drei tal Sóc Trăng ka sa nan lac palih ruah har Pia, ka dua lac har trung thu. Labik ni lac đặc sản, bingi di abih, siam di abih nyu hu hacih saat, ngak pandap alin ka gauk gar thei jeng takre. Mẫu mã ye tui dom janih har drei palih ruah, pagap yau har Pía drei khin yau habar nan, khin prong ye hu prong, sit hu, tui kadung jien di drei.

Di Sóc Trăng, dom janih har ka trung thu biak rilo janih, rilo mẫu mã song bingi pahe yau har Pía hatai ratak durieng, khoai môn durieng, har Pía tai rilaow lạp xưởng, har Pía takik saradang, har Pía chay, har trung thu tai asar cariak, song rilo janih har yaom kaom biak lagaih ka urang blei palih ruah . Tỉnh Sóc Trăng hu labaih 50 labik ngak har pabak ka tết trung thu, sản lượng har dalam tuk ni jeng tagok meng 30% -50% dut song yaok harei. Dom DN, công ty, cơ sở biak sangka tal bruk hacih saat pandap mbang, dom bruk yau tui iek nguyên liệu ngak har, bruk sản xuất song har hu ngak bloh hadei di tuk ba tabiak darak pasa tuk halei jeng hu khik iek kajap. Ong Thái Tuấn, Tổng Giám đốc Công ty TNHH Chế biến Thực phẩm har Pía – Lạp xưởng Tân Huê Viên, tỉnh Sóc Trăng lac:

Piah pabak ka tết trung thu thun 2015 ini, công ty hu ba tabiak sa jalan ngak bahrau song ba tame pandar biak njauk tuk vak. Urak ni khol hulin ngak rilo jang meng 30-40% dut song yaok thun. Daok gah tiêu chuẩn, ye Tân Hoa Viên tuk halei jeng iek praong chất lượng, ba mai ka urang blei mbang dalam thun 2015 ni,  hacih saat pandap mbang lac bruk siam jang dut song yaok thun.