Urang hu bruk ngak tani tanat dalam harei tết 

Di ấp Cảng, ban sit Trần Đề, huyện Trần Đề dom harei akaok thun, ghe, gilai tame cảng rilo jang. Dalam sruh gilai pajeng bak hadang ikan tame cảng hadei di mbang nao tasik lavik harei, dom janih kaya ikan hu ba tal dom labik đầu mối piah pablei. Dom sang, dom cơ sở, labik ngak saong pablei ikan tasik pandam (thu) di palei cảng ini jeng samar tangin pilih ruah ka drei dom janih kaya ikan siam di abih piah ngak ikan pandam.

Langik laik sup, kapul 4 urang di sang sa-ai Nguyễn Thị Đang, daok di ấp Cảng, ban sit Trần Đề jeng daok jar var ngak dom drei ikan puac di abih piah samu tẩm gia vị ka mbang ngak ikan pandam bahrau. Tui sa-ai Đang, thun ini, langik siam lagaih nan ye hadang, ikan piah ngak ikan pandam hu biak rilo. Dom harei ini, mối jao ikan that hu tuk tagok tal yaok rituh ký piah sang ngak ikan pandam pablei tết. 

 Tết ye drei nao blei rilo mai ngak bloh drei jao ka urang pablei tết, ikan hu rilo ye urang jao brei rilo, takik ye jao takik. Hu rilo, urang jao ka drei dua – klau rituh kg, bloh drei ngak ikan pandam.

Ala pandiak di dom harei akaok thun, dom mejam kreim bak ikan pandam hu caik tapen gauk. Tui dom cơ sở pablei salih ikan pandam di ban sit Trần Đề, yaom lac palei ikan tasik pandam pak ini oh praong, min hu ginup janih. Meng ikan pandam hắc cấy, đuối hai dao, khô mực, hadang thu, cá chỉ thu..… yaom meng dom pluh ribau tal dom ratuh ribau, hu janih yaom tal dom triệu đồng yaok kg.

  Sa dalam dom vựa ikan pandam praong di ban sit Trần Đề njauk ndom tal cơ sở ikan tasik pandam Dũng Phượng, lavik thun ngak mbang bruk ini. Ong Lê Văn Dũng po cơ sở ikan pandam Dũng Phượng brei thau, sang ong hu caga ikan pandam dom janih meng labaih 1 bilan dahlau piah pabak ginup ka darak pasar tết jaik tal. 

Drei mboh darak pasar thun ini mbang khang nan ye drei caga pandap rilo jang yaok thun. Thun bloh lac 3 tấn, thun ini meng 4 tal 5 tấn. Urak ini drei caga bloh pandap piah pablei ka urang blei.

Hu meng yaok pluh thun dahlau, tui thun bilan, palei ikan pandam tasik Trần Đề dak harei dak pachreih urang blei mbang kayua siam, pahe, bingi. Dom labik ngak ikan pandam pak ini tuk halei mek angan je tagok dang akaok, hu rilo menuac takre blei. Ikan pandam di palei cảng Trần Đề oh lac hu pablei dalam alei dalam tỉnh bo daok hu mbaok tal negar lingiu tapa dom paok pandap tết alin hadiah.

Urak ini, dom labik ngak ikan pandam hu caga ginup pandap siam. Bruk njauk biai nan lac, tết min yaom pablei dom janih ikan pandam pak ini oh glaong jang hadom duk saong harei karei. Ong Nguyễn Thanh Hải, po vựa ikan pandam Hải Thúy, ấp Cảng, ban sit Trần Đề brei thau, meng bilan 10 tal bilan 11 yaok thun, vựa ikan pandam di sang ong ngak biak rilo piah pablei. Ong Hải brei thau:  Thun halei jeng yau nan, yaom tagok hasit min, oh tagok rilo. Kayua caga dahlau nan ye drei pablei yaom mbiah ka mikva, meyah tagok yaom ye tgaok 10-20 rabau 1 kg. 

Dak jaik tal tết, dom mejam kreim, halăm hu padang tagok dak harei dak rilo di palei cảng Trần Đề, mbang ngak ikan andam ini tal mbang ngak hadei patui di gauk yau brei mboh sa thun bahrau daok mai tal./. 

 Urang lang: Mousaphuong- 19/1